10 اسالة ارجو الاجابة عليها بخصوص اللعبة الجديدة
 

هم ثلاثة بس لغاية دلوقتي اللي هم قلت عليهم Thebes بعديه Gobi وآخر واحد Merv

نفس الأكونت اللي إنت عامله على سيلك رود العادية ممكن تدخل بيه على سيلك رود آر (بعد ما توافق على الإتفاقية الجديدة اللي هتظهر لك لوحدها لما تفتح سيلك رود آر لأول مرة) أو ممكن تعمل أكونت تاني من نفس موقع سلك رود أو من موقع سيلك رود آر أو من موقع جوي ماكس .. مش هتفرق

المفترض اللعبة الجديدة معمولة علشان السؤال ده ميتسألش لأنه كده بقى فيه توازن بين كل البيلدات .. وكمان لازم نعرف الأول إنت بتفضل الإستحمال جامد مع الضرب البطيء وللا بتفضل الضرب قوي مع الإستحمال الضعيف وللا عاوزه وسط
بس المشهور في اللعبة إن الـBlade بقى جامد جدا في الصيني (عموما الصيني كله بقى أجمد) .. والأوروبي زادت فيه قوة الفيزيكال والـWarlock والBard في الضرب (ونقصت قوة ضرب الـWizard) يعني ممكن نقول كده نختار منه الـWarrior

أحسن سيرفر يعتبر بالنسبة لنا Gobi (وده اللي بفضله لك) علشان فيه مصريين كتير .. ده غير إن فيه ناس كتير من المنتدى هنا بيلعبوا فيه
بس لو عاوز سيرفر جامد فيه تنوع بين المصريين والأجانب وقديم في اللعبة من أول ما بدأت يبقى Thebes (وده اللي أنا بلعب فيه على فكرة)
ولو عاوز سيرفر جديد علشان إنت لسه بادئ (وممكن كده يكون أحسن) يبقى طبعا Merv

البوتات دلوقتي كلها شغالة عاللعبة زيها زي سيلك رود القديمة .. بس فيه اللي عدل شوية في الإصدار بتاع البوت علشان يشتغل على اللعبتين .. وفيه اللي نزل لكل لعبة إصدار زي SBot وده لسه في المرحلة التجريبية لغاية دلوقتي على فكرة
وطبعا نسبة البلوك هي هي اللي في سيلك رود .. وكلها بوتات غير شرعية المفروض بتدي بلوك .. بس محدش يتكلم عن SBot في المسألة دي

اللعبة نفس الوحوش والمدن والجرافيك وفيها Arena وفيها حاجة تانية أجدد من الـArena إسمها Battlefield of Infinity كمان هتلاقيها في الموضوع ده Battlefield of Infinity قصة كبيرة .. بس صعب شوية تلاقي تاكسي هناك علشان مفيش جولد لغاية ليفل 70 (هتدفع منين للتاكسي؟) ده غير إن الناس لسه موصلش منهم عدد معقول ليفل عالي علشان تلاقي تاكسي بسهولة
بس فيه تغييرات في اللعبة طبعا هتلاقيها كلها في الموضوع ده حـصريا: Silkroad-Rebirth . اعـادة ميـلاد سـيلكرود مـن جديد

الجولد مش بينزل لأي لاعب موصلش ليفل 70 .. وده علشان ينهوا موضوع الجولد بوت وبيع وشراء الجولد والكلام ده .. وحتى لو عملت Quest وكان جايزته جولد مش هتاخد الجولد لو موصلتش ليفل 70 .. وده مش عيب على فكرة لأن قصاد ده كل حاجة في اللعبة رخيصة ومتناسبة مع كمية الجولد اللي ممكن تحصلها
وده مش معناه إنك مش هتعرف تجمع جولد قبل ليفل 70 لأنك ممكن تعمل كذا طريقة زي مثلا تبيع Faded Bead ودي بتنزل لك من الـUnique اللي في الـForgotten world ولو فتحتها بتديك Skill Point عشوائي .. وممكن تتباع بسعر كويس في اللعبة عندنا
بس مش هتحتاج جولد لغاية ليفل 70 لأنك بتاخد كل حاجة ببلاش أساسا .. ده غير إن بينزل لك من الوحوش Token ودي عملات تشتري بيها اللي انت عاوزه ومش بيتاخد ببلاش في اللعبة بس مش هينفع تبيعه أو تبدله مع حد

زي سيلك رود ليفل 120 أعلى ليفل فيها .. بس معرفش إن فيه ناس وصلت ليفل 100 لغاية دلوقتي

السوس ده من الحاجات اللي بتاخدها ببلاش قبل ليفل 70 بيبقى ليك Set كامل SoS تختاره بمزاجك .. بس لو عاوز Moon أو Sun يبقى تجمع Tokens اللي بتنزل من الوحوش وتشتري بيها اللي إنت محتاجه .. ودي سهلة جدا على فكرة .. أنا كل الـSet بتاعي Sun ومعايا أكتر من 5000 Tokens مش عارف أعمل بيهم إيه (ودول ممكن يجيبوا Set Sun تاني بسهولة)

أتمنى تكون عرفت الإجابة على كل أسألتك وممكن تراجع الموضوع اللي قلت لك عليه هيكون أفيد لك

مش عارف اقولك ايه بس انت روعة والله

شكرا ليك osso333 اجاباتك وافيه , وجوبة علي كتير من تساؤلاتي

شكرا ليك osso333 بجد انا كنت عايز العب السيرفر بس كان عندى نفس الاسئلة الى قلهاHagrid بس كدا تمام شكرا ليك مرة تانية

fi lvl 101 fi server merv shufa fi accademy low mish masada2in

ماشي فيه ناس عدت ليفل 100 بس أنا قلت معرفش إن فيه ناس عدت ليفل 100 .. فيه وانا معرفش .. إيه المشكلة؟:wink: