|
بيان هام
هنا شقلبان
محطة اذاعة حلاوة زمان من القاهره ومن كردفان وسائر بلاد العرب واليابان ومن فنزويلا وايضا ايران ومن اي دار أو بلد مستباحه بفعل السياحه مع الأمريكان هنا شقلبان محطة اذاعة حلاوة زمان نقدم اليكم بكل الللغات مراسح وسيما وجميع الفنون صحافه ومنابر وتليفزيونات وخطبا ف جوامع وجبنه و زيتون ونقزح ونركب جميع الموجات ونبحث ونفهم في كل الشئون ودايما نلعلع في كل الحالات ولاحد سامع ولايحزنون وتسمع ماتسمع دا ما يهمناش لأن احنا أصلا بناكل بلاش فخليك في نفسك وماتخليناش نسلط عليك القلم واللسان ********** هنا شقلبان محطة اذاعه حلاوة زمان يسر الاذاعه ومايسركوش بهذي المناسبه وما بندعيكوش نقدم اليكم ولاتقرفوش شحاته المعسل بدون الرتوش شبندر سماسرة بلاد العمار معمر جراسن للعب القمار وخارب مزارع وتاجر خضار وعقبال أملتك أمير الجيوش ماتقدرش تنكر تقول ما اعرفوش ما تقدرش ايضا تقول ما اسمعوش شحاته المعسل حبيب القلوب يزيل البقع والهموم والكروب يأنفس يأفين يبلبع حبوب ويفضل يهلفط ولاتفهموش وتفهم ما تفهم دا ما يهمناش لأن انت فاهم وعامل طناش ح تنكر وتحلف ح أقول لك بلاش ح تتعب دماغنا وتتعب كمان هنا شقلبان محطة اذاعة حلاوة زمان |
ههههههههههههههههههه
جامد جدا ازاى محدش رد عل الموضوع ده يخرب عقلك يا عبده |
شعر حر
|
هههههههههههههههههههه بيان جميل جدا ألف شكر ليك مع إني مش فتهم شئ :d
|
احمد فؤاد نجم يا باشا ..
الفاجومى الراجل ده مجنون هههههههه تسلم أيديك |
هههههههههههههههههههه جامدة منك يا عبده ^^
|
ههه ...تقولش شوقى يا اخواتى !!
|
جمده جدا جدا جدا جدا جدا جدا جدا
|
| الساعة الآن 09:25 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.