|
طنطاوي ,, مبارك ,, الشعب ( من تأليف أخويا )
طنطاوي يتحدث مع مبارك : في يوم طنطاوي قال لمبارك اعمل أهبل واحنا نكارك لحد ماتطلع براءة يا برنس وييجي اليوم وتعود لدارك ...... رد عليه مبارك وقال حتعمل إيه مع شوية عيال خلوني دايخ بين سجن وشرم مش عارف اتحصل على اموال ...... عيب يا ريس ....واحنا عيال متنية !؟ دحنا تلاميذك ..يا بتاع الضربة الجوية أصبر بس وصدر الطرشة وحتلاقي الدنيا مية مية ...... لحد امتى حفضل صابر ومطنش ما أنت شايف الديب ...عمال يلوش حيجيب اجلي واجله قريب وعلى فلوسي الدنيا تكوش ....... بيقولي انكر جميع التهم ...كلها ؟!! عاملي فقيق ... بروح أمها !! شكلها مش حتعدي على خير ومحدش كده طالع منها ...... يا ريس ده أنا معيشلك الشعب فى السليم ماسبيرو .. على محمد محمود .. على سلطة و تسليم احنا مش أى كلام يا ريس كل حاجة محسوبة بالمليم ....... تحدث الشعب قائلا : و بعدين معاكم يا شوية حرامية حميتم ثورة مين ... مصر !؟؟ولا كانت بلد وهمية !! مش انتم جشنا اللى كان .. ؟؟ ولا سبتم شيخ في حاله و لا بت بجلابية ....... على ايه كل ده على حتة ارض و سُلطة على شوية ناس بدمهم و أجسامهم عملتوا سلطة على قلوب راحت و ادمرت !!!! على ناس سايبنها عايشة في ورطة ........ و قال ايه قلتم ثورتنا سلمية سلمية دي تبئا أمك و خالتك و جارتها فتحية خلتوها نار و خراب ديار صريخ اهالي وشوش في عز النهار مستخبية ...... يا ترى ليه في عز النهار خايفة بتترعش و اللى اجدر انه يخاف قاعد يفرفش يتنعش شرم مسواه و الجناين و الورود ولا حبل مشنقة مع اشغال شاقة فشوية ورش ........ ازاى واحدة تخاف تنزل ليعروها تحلق .. ولا تركب شنب !! و حتى ..ماهو كده كده حبضربوها من لهم غير الله قادر يجيب حقهم و يخلي غيرها ينصروها ...... دقن شخنا فى الارض اتمرمطت و اتهرت امال شباب كتيرة ماتت و ادمرت وعود ايه وكلام ايه اللى بتقولوه حاجات كتير آدمنا للأوحش اتغيرت قال طنطاوي مستفزا الشعب : لا استنى مش فى ديموقراطية و انتخابات و تسليم البلد و توزيع السلطات و احتفالات بثورتنا 25 يناير مع تامر حسنى و اغاني مهرجانات رد الشعب : كفاية بئا هريتم جتتنا نحست لما قالت يا بس و الاهره جوانا هرتنا العيشة مر في مر و بخوف الليالي و اسى الايام انت سئتنا ........ ازاى قلنا الجيش و الشعب ايد واحدة ده ايد الجيش ايد نجسة ايد جاحدة الخاين مابيبنش في الفرحة بيبان ساعة المآسي و الوحدة ....... لينا الله قادر ينصرنا ييحمينا كلاب الليل السعرانه بئت كتيره علينا ملناش مكان نهرب له غير ليك يا رب بأيدك تنجينا ..... أحمد ابوعلفة |
مع إني مش متفق مع شعار " يسقط حكم العسكر " وإني متفق معاهم في تسليم السلطة في الموعد المحدد .
لكن .. المؤلف ده ممتاز :thumbup: |
جامد جداً و يســقط يســـقط مجلس مبارك و يتم تسليم السلطة لرئيس البرلمان المنتخب من الشعب " د.الكتاتنى " |
لأ بجد شغل عالي:)
|
اقتله يا عمر اريحله :d
|
بلاش تستفزنى
هاتلى اخوك ونعمل مسابقة ^^ |
شغل جامد و المؤلف اجمد :)
|
العيله كلها فنانين يا جدعان
|
شــغلـ جــا مــد اوى :) تســلــم |
تسلم يا كبير
|
جميل يا اسطى استمر ..
|
حامدة
يسقط يسقط حكم العسكر |
جامده أوي :drunk:
|
تشكر يا زوء منك ليه
^^ |
لا في أمل ^^
|
| الساعة الآن 01:47 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.