الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   البلد عمرها ما هتقوم طول ما فيه ناس مبيفهموش (https://silkroad4arab.com/vb/showthread.php?t=404323)

°•.♥ H3ll King ♥.•° 17-12-2011 04:33 PM

البلد عمرها ما هتقوم طول ما فيه ناس مبيفهموش
 
بسم الله الرحمن الرحيم

وبه نستعين

شوفوا بقى يا رجالة

جه وقت نقول إلي لينا والى علينا

احنا شايفين دلوقتي إلي حصل في شارع القصر العيني و المجمع العلمي و مجلس الوزراء و مجلس الشعب و ... إلخ .

أظن يعني إن شكــلكم بقى وحش أوي

أما كان يبقى فيه صوره للجيش أو للشرطة بيضرب في "بلطجي" بالألم تحطوها ع النت ويتعمل منها 100 مليون نسخة .

أما كان يبقى فيه فيديو للجيش او للشرطه بيضربوا فيها او بيستخدموا العُنف نقول دول سفاحين وبيقتلونا .

دلوقتي وإلي شفناه امبارح على التلفزيونات والقنوات

تلفزيون مصري

cbc

ltp

النيل

النهار

الجزيرة مباشر

العربية

إلخ ...

وتقريبا كل القنوات جابتها وللعلم ده كان " بث مُباشر "

شفنا العيال الصيع الى كانت بترمي مولوتوف و أحجار على مباني "مفيهاش ناس" ولا فيها جيش ولا شرطه بس منشآت عامه

يضربوا مولوتوف و يضربوا عليها احجار

وشاب ياعيني عليه زي الورد بيولع مولوتوف ويرميه في جنينه وسط أشجار علشان يولع فيها

الناس دي ايه رأيكم فيها ؟

ناس طبعا هتقول عليهم شباب فسدانه

لو الجيش منزلش زي ما حصل امبارح وسبهم يولعوا كده نقول على الحكومه دي حكومه نايمه مفيش أمن مفيش مش عارف ايه

لو الجيش نزل ويقبض عليهم تلاقي مليون فيديو إنتشر الجيش سفاحين بيقتلوا في المتظاهرين الجيش مش عارف ايه ؟!

ولله الواحد زهق من الى بيشوفوا من عالم مش بتفهم

ربنا موجود

ومن دلوقتي هدعي على أي حد يقول على الشرطه و الجيش أي حاجه

لإن زي ما بنحط هنا فيديوهات ضد الشرطه و الجيش

كنا المفروض نحط فيديوهات على المتظاهريين او بمعنى اصح البلطجيه .

ولله لو كان اليوتيوب عندي شغال لـ كنت فضحت البلطجيه دول هنا

يعيش المجلس العسكري

,,, وعلى فكره حاجه مهمه اوي انا اكتشفت ان كل الصور الى كنا بنجيبها هنا و الفيديوهات الى ضد الجيش و الشرطه طلعت بتيجي من صفحة على الفيس بوك اسمها انا أسف يا دبابه صفحة مسيحية وبتشتم على سيدنا محمد و الدين الإسلامي شوفوا معنى الكلام ده ايه ,,,

وشكرا

SmartMad 17-12-2011 04:40 PM

ولما نشوفهم بيضربوا فى ست قد والدتك
دى كانت بترمى طوب؟
ولما يضربوا فى بنت وواحده تروح تحوش عشان الرجاله اللى بشنبات سبوها وجريوا
يسيبوا اللى كانت بتضرب وياخدوا اللى جايه تحوش ويشدوها من شعرها لحد كبينه
ويحبسوها ويقولولها هنعمل فيكى كذا كذا و 6 ضباط كل واحد شويه؟
والدكاتره اللى يطلعوها؟
كده الجيس بيحمينا؟

3EBC 17-12-2011 04:43 PM

حبيبي احنا المفروض في بلد ديمقراطي يعني الرأي والرأي الاخر

دلوقتي الاعتصامات بقالها اسبوعين ليه محصلش حاجه ؟ لان الناس دي محترمه دلوقتي هجم

عليك شويه صيع امسكهم اعمل الي انتا عايزه فيهم انما تنزل تضرب الصيع والمعتصمين والي في

الميدان تبقي انتا كده بتفتري علي الناس ولا انتا شايف ايه ؟ اما الستات الكبيره والبنات تضرب

والرصاص الحي ؟ طالب في كليه الطب والشيخ عماد عفت اجبلك صوره الرصاصه لما دخلت جسمه؟

الشيخ ده كان صايع وبيحدف طوب صح ؟ وطالب كليه الطب المحترم كان بيحدف ملوتوف ومعلش بقي

رأي فيك ان طول ما في شباب زيك بيتكلم في سياسه مش عارف معناها حقنا هيفضل ضايع

لحد ما يجي يوم عليك وانتا ماشي في الشارع تاخد رصاصه في راسك والناس هتقول عليك تستاهل

صايع ايه الي نزلك تضرب الجيش مع انك كنت ماشي في حالك وكنت بتحب الجيش والشرطه

وياريت متكونش زعلت من كلامي انتا سمحت بالرد وده ردي :bye1:

°•.♥ H3ll King ♥.•° 17-12-2011 05:00 PM

اقتباس:

المشاركة الأصلية كتبت بواسطة 3ebc (المشاركة 3963340)
حبيبي احنا المفروض في بلد ديمقراطي يعني الرأي والرأي الاخر

تمــام

دلوقتي الاعتصامات بقالها اسبوعين ليه محصلش حاجه ؟ لان الناس دي محترمه دلوقتي هجم

محصلش حاجه ؟ أمال حكومة الجنزوري جات ازاي وعصام شرف غار مع العلم ان المعتصمين هما الى جايبينه من التحرير وبعديها يقول لك مش عايزينه .
والإنتخابات اتعملت ازاي ؟

عليك شويه صيع امسكهم اعمل الي انتا عايزه فيهم انما تنزل تضرب الصيع والمعتصمين والي في

اما بيمسك الصيع بتقولوا عليهم سفاحين و و و
ما احنا مجربين اهه يا صاحبي


الميدان تبقي انتا كده بتفتري علي الناس ولا انتا شايف ايه ؟ اما الستات الكبيره والبنات تضرب

انت بتقول الرأي والرأي الأخر يعني منفرضوش بالقوة
تقدر تقول لي هما كانوا موقفين الحركه في الميدان ليه
مش راضيين يخلوا الناس تروح شغلها ليه
والجيش حذر قال الناس الكويسه تنسحب من الميدان لحد ما نقبض على المندسين وابقوا ارجعوا و الناس منفذتش الكلام ده الا قليل القليل ده هو الى محترم اما الباقي كإنه بيقول للجيش انا بلطجي تعلالي


والرصاص الحي ؟ طالب في كليه الطب والشيخ عماد عفت اجبلك صوره الرصاصه لما دخلت جسمه؟

الشيخ ده كان صايع وبيحدف طوب صح ؟ وطالب كليه الطب المحترم كان بيحدف ملوتوف ومعلش بقي

الشيخ عماد ده لو قصدك على بتاع دار الإفتاء أخته تقريبا ولا أمه هي صحفيه تقريبا أخته طلعت وقالت على الهواء ان الى قتله مش الجيش او الأمن ده كان واحد من المندسين وان الي عند مجلس الوزراء دول معظمهم مندسين والمعتصمين فيهم بلطجيه مندسين شفت المثال الى انت جبته نفسه قرايبه يقولوا كده .

رأي فيك ان طول ما في شباب زيك بيتكلم في سياسه مش عارف معناها حقنا هيفضل ضايع

حقنا عمره ما هيضيع لو طلبنا بأدب وشكرا للإهانة .

لحد ما يجي يوم عليك وانتا ماشي في الشارع تاخد رصاصه في راسك والناس هتقول عليك تستاهل

ربنا مبيرضاش بالظلم ومن صفات الدين الإسلامي عدم الشماته قي المتوفي يعني لو حد قال يستاهل يبقى مش مسلم على كده .

صايع ايه الي نزلك تضرب الجيش مع انك كنت ماشي في حالك وكنت بتحب الجيش والشرطه

إنت لو بتابع ع التليفزيون كنت هتشوف حاجات تعرنا
المجمع العلمي يعمله نابليون بونابارت واحد جي يحتلنا يعمله وإحنا نولع فيه ونتلف كل التراث المصري الى فيه
التاريخ هيشهد علينا في الواقعه المؤسفه دي اما يقول التاريخ ان محتل يبنى لنا مجمع علمي ويحط فيه تراث مصري نادر مفيش زيه في العالم كله واحنا نولع فيها و نتلفه هيكون شكلنا في التاريخ ايه ؟


وياريت متكونش زعلت من كلامي انتا سمحت بالرد وده ردي :bye1:


مقدرش ازعل منك مهما كان يا صاحبي


المجمع العلمي يعمله نابليون بونابارت واحد جي يحتلنا يعمله وإحنا نولع فيه ونتلف كل التراث المصري الى فيه
التاريخ هيشهد علينا في الواقعه المؤسفه دي اما يقول التاريخ ان محتل يبنى لنا مجمع علمي ويحط فيه تراث مصري نادر مفيش زيه في العالم كله واحنا نولع فيها و نتلفه هيكون شكلنا في التاريخ ايه ؟

°•.♥ H3ll King ♥.•° 17-12-2011 05:07 PM

اتفضلوا يا رجالة واحد صاحبي مش مسجل في المنتدى أما قرأ الموضوع جابلي فيديو زي ده

شوفوا الدقيقه 1 و 57 ثانية بيقولوا ربنا باعتلنا الفرصه

ربنا باعتلهم فرصه يدمروا في البلد

اتفضلوا

http://www.youtube.com/watch?v=e3qUJrUvnxQ

SebkEnTa 17-12-2011 05:41 PM

يا دين النبي ايه داااااا

™_Blast_™ 17-12-2011 06:05 PM

انا برضو لاحظت كده ان كل الاسلاميين معارضين المظاهرات عشان نجحوا في الانتخابات عملنا ايه احنا غلط لما طالبنا بحقوق الشهداء
http://www.silkroad4arab.com/vb/show...23#post3963423
شوف الموضوع ده قناة سي بي سي امبارح قطعت البث
على فكره هو نفس السيناريو بتاع المحله انهم طلعوا البلطجيه من السجون عليهم علامات معينه هما عارفينها عشان يساعدوهم و يخربوا شويه و بعد كده يطلع المجلس و الوزراء و يرموا بلاهم على الناس

°•.♥ H3ll King ♥.•° 17-12-2011 06:10 PM

اقتباس:

المشاركة الأصلية كتبت بواسطة ™_Blast_™ (المشاركة 3963430)
انا برضو لاحظت كده ان كل الاسلاميين معارضين المظاهرات عشان نجحوا في الانتخابات عملنا ايه احنا غلط لما طالبنا بحقوق الشهداء
http://www.silkroad4arab.com/vb/show...23#post3963423
شوف الموضوع ده قناة سي بي سي امبارح قطعت البث
على فكره هو نفس السيناريو بتاع المحله انهم طلعوا البلطجيه من السجون عليهم علامات معينه هما عارفينها عشان يساعدوهم و يخربوا شويه و بعد كده يطلع المجلس و الوزراء و يرموا بلاهم على الناس

مش قادر اشوف الموضوع لإني زي ما انا كاتب فوق اليوتيوب مش شغال عندي :tears:

وعلامات ايه بس الى هيديهالهم دول البلطجيه كانو بينزلوا لو مؤاخذه ملط في الشارع

وبعدين هقول لك تاني المجلس قال الناس الكويسه تروح "مؤقتا " علشان يعرفوا المندسين ومحدش سمع الكلام

ولله الواحد بيزهق من الى بيشوفه في التليفزيون

شوف الفيديو الى في ردي الى فات وهتعرف مين بيحرق ويكسر الجيش ولا المتظاهرين

Loleta 17-12-2011 06:17 PM

اقتباس:

المشاركة الأصلية كتبت بواسطة 3ebc (المشاركة 3963340)
حبيبي احنا المفروض في بلد ديمقراطي يعني الرأي والرأي الاخر

دلوقتي الاعتصامات بقالها اسبوعين ليه محصلش حاجه ؟

لا وانت الصادق علشان عرفو ان قعدتهم ملهاش نتيجة والانتخابات شغالة
فقالو يولعوها
------
خلاص اتعرف مين البلطجى ومين الى خايف على البلد

oO_Killer_Oo 17-12-2011 07:19 PM

اقتباس:

المشاركة الأصلية كتبت بواسطة loleta (المشاركة 3963442)
لا وانت الصادق علشان عرفو ان قعدتهم ملهاش نتيجة والانتخابات شغالة
فقالو يولعوها
------
خلاص اتعرف مين البلطجى ومين الى خايف على البلد

كلامك صح مليون المية وكل الكلام دة بدا بسب كورة ضاقت بيهم الدنيا رايحين يلعبو كورة قدام مجاس الوزارة واللي بيقولك فيها ايه داخل يجيب الكورة من جوة هي حلاوة

ღ♥:: Beckham::♥ღ 17-12-2011 07:37 PM

اقتباس:

المشاركة الأصلية كتبت بواسطة ™h3llking™ (المشاركة 3963435)
مش قادر اشوف الموضوع لإني زي ما انا كاتب فوق اليوتيوب مش شغال عندي :tears:

وعلامات ايه بس الى هيديهالهم دول البلطجيه كانو بينزلوا لو مؤاخذه ملط في الشارع

وبعدين هقول لك تاني المجلس قال الناس الكويسه تروح "مؤقتا " علشان يعرفوا المندسين ومحدش سمع الكلام

ولله الواحد بيزهق من الى بيشوفه في التليفزيون

شوف الفيديو الى في ردي الى فات وهتعرف مين بيحرق ويكسر الجيش ولا المتظاهرين

بص علشان بس اثبتلك واالله العظيم انك مش فاهم ويمين يحاسبنى عليه ربنا

انا عندى واحد صاحبى فى الامن المركزى كان هو واقف مع الامن المركزى وانا كنت واقف مع الناس التانية وبنضرب بعض واانا معرفش ان هو لما روحت وهو نزل اجازة بوصفله شكل واحد قالى ده انا وحصل كذة وكذة قولتله اه
ده بقى بيقولى ان هما كانوا منزلين كتيبتين كلهم قرع ولابسين مدنى وبيقولى فكرك انت يقدر واحد يغلط فى شكل واحد و يضربه؟
وانت تقولى معلمينهم ايه بس يعنى مش هيبقى صعب عليهم انهم لو بيطلعوا حد من السجون انهم يعلموه بس انا بردوا مش بأكد كلام السجون ده انا معرفش الله اعلم

Just_Warrior 17-12-2011 07:51 PM

والله متم نوره

ღ♥_ akeml _♥ღ 17-12-2011 07:56 PM

يا عم سيبك هو حد فلهم حاجة تيجي

حد يقولي طلبات الثوار قصدي البلطجية دول اية علشان الثوار الحقيقين بتوع يناير امال دلوقتي خلاص الا بينزل دلوقتي بلطجية وعندي ميت دليل وبشوفهم علي التلفزيون

3EBC 17-12-2011 08:08 PM

[SIZE="4"][/SIZEهيل انا مسببتش اهانه . هقولك حاجه البنات والستات ملهاش

زنب تضرب لو الجيش بتاعنا والشرطه محترمين زي ما انتا بتقول ميضربش بنت ولا ست يقدر يحبسها

بكل ادب من غير ضرب ولا اهانه وبعدين انتا بتقول واحد من المندسين ضرب الشيخ والطاب ههههه

يعني معلش هما كانوا لوحدهم يعني الي بيضرب ده محدش شافه خالص ؟ يا راجل قول كلام معقول

ما علينا هنشوف اخرتها ايه ومين الغلطان ومين الصح ^^ واكمل انا واثق مليون مره انك هتفضل

تقول الكلام ده ياض لانك لسه ليك ولاء لمبارك بعد ما الاحداث كشفت كل البلاوي الي كانت موجوده

في عهده وانتا لسه بتحبه اخلع بقي ياض :v9v9net_015:

ღ♥:: Beckham::♥ღ 17-12-2011 08:16 PM

اقتباس:

المشاركة الأصلية كتبت بواسطة ღ♥_ akeml _♥ღ (المشاركة 3963578)
يا عم سيبك هو حد فلهم حاجة تيجي

حد يقولي طلبات الثوار قصدي البلطجية دول اية علشان الثوار الحقيقين بتوع يناير امال دلوقتي خلاص الا بينزل دلوقتي بلطجية وعندي ميت دليل وبشوفهم علي التلفزيون

المشكلة ان انت وغيرك مش بتشوفوا الا فى التليفزيون


http://img69.imageshack.us/img69/878...5628746214.jpg


الساعة الآن 05:22 AM.

Powered by vBulletin® Version 3.8.11
Copyright ©2000 - 2026, vBulletin Solutions, Inc.