|
حاجة نرفزتنى بصراحة
بسم الله الرحمن الرحيم بعد التحية, انا مش داخل اقول انا مؤيد او معارض للناس الى ف التحرير انا داخل اتكلم عن الراجل بتاع الامن المركزى هتستنى اية من واحد بيتشتم بابشع الالفاظ وبيتحدف بالطوب انة يعمل فيك اية ؟ يعنى يقف ساكت مثلا ؟ وغير كدة انك عاوز تدخل وتقتحم حاجة هو بيحميها ومكلف بيها يعنى حاجة تخصك برضة وف الاخر نقول دا الشرطة السبب ماهو لو معملش كدة هيموت من الغباء بتاعهم وكل شوية واحد يجبلى فيديو ويقولى اتفرج ع الشرطة اكيد والله مش هيعمل كدة من الفراغ يعنى ماهو لازم يدافع عن نفسة بس ع العموم احنا كدة لو ضرب المتظاهرين وحدف علية قنابل مسيلة للدموع نقول دا بيموتوا ف الناس ولو كان سابها عايمة ومشى زى ما حصل زمان كنا هنقول برضة دا غلطانين علشان سابوا مكانهم فياريت نشوف المشكلة من كل الجوانب مش من جانب واحد بس لان بتاع الامن المركزى انسان زيى زيك ويمكن بيتبهل اكتر شكرا |
صح كلامك 100% جه الوقت الى نعرف فيه مين الى خايف على البلد المجلس العسكرى ولا الى فى الميدان |
لا ما هى كانت سلميه وهم اللى بيرموا قنابل مسيله للدموع المتظاهرين منزلوش يضربوا :) |
لالالالالالالالالالالالالالالالالالالالالالالالالا لالا
المتظاهرين مكانوش عاوزين يقتحموا ولا حاجة المتظاهريين كانوا بيدافعوا عن نفسهم علشان ميحصلش اقتحام من قوات الامن زي اول يوم لما دخلوا الميدان وسحلوا المتظاهريين الحكاية كلها ان المتظاهرين رجعوا القوات لحد شارع محمد محمود وحصل اشتباكات يا ريت الناس كلها تفهم الحكاية ومحدش يقول اي حاجة كدة والسلام :mf_grenade::mf_grenade: |
يا مان الدنيا باظت خلاص كل يوم مظهرة و الناس بتموت و حال البلد اتوقف و الحاجة بتغلة كل يوم عن يوم ومشكلة دول حوض النيل فى قطع المياه حاجة تيت والله الشعب بيحاول يعمل حاجة والشعب نفسو فى احسن حد يمسك البلد و تغير النظام والخ فى النهاية ( need sro_client ice world fast )
|
كلامك صح 100% و انا بصراحه مخنوق من الناس ديه كلها بس مش عايز اتكلم ف سيبوني ساكت احسن :joystick: :joystick:
|
انت فاهم غلط المتظاهرين لا عايزين يضربو الأمن ولا عايزين يقتحمو الوزاره . شارع محمد محمود ابعد شارع لوزاره الداخليه لو عايزين يقتحموها كانو دخلو من شارع الشيخ ريحانى اقرب شارع " المتظاهرين فوق ال 600 الف لو كل واحد مسك عصايه و ضربو الـ200 فرد امن هيدغدغوهم و هيقتحمو الوزاره لاكن مش دا هدفهم اصلاً ولا دى اخلاق الميدان " هما هدفهم يعيشو فرد الأمن احسن عيشه مش يضربوه و حصل هدنه بين الأمن و المتظاهرين اكتر من 3 مرات و الأمن هوا الى بيخترق الهدنه و بيرمى القنابل المسييله للدمو و قنابل الأعصاب و افتكر اصل المشكله هما كانو 200 واحد معتصمين فى التحرير لاموقفين مرور و لا عاملين اى مشاكل ليه الجيش و الشرطه ينزلو يضربو و يقتلو فيهم ... ؟ مفيش مبرر للوزاره الداخليه بتعملو خالص احنا حاسين ان العدلى رجع تانى و المسؤل الأول هوا طنطاوى ولازم يسيبو من السياسه و يركز فى حمايه مصر . الطبيعى ان العسكرى مهمته حمايه الوطن لاكن الشاذ ان العسكرى يشتغل بالسياسه . |
الامن هو الى بدء بقنابل المسيلة للدموع بس انا عن نفسى مبقتش انزل الميدان من النهاردة علشان الانتخابات و بردو ندى الجنزورى فرصة
|
يا جماعه اياً يكن ميين اللي بدأ لو عايزين البلد تقف علي رجليها يبقي لازم كلوا يروح بيته.
عمر ما المجلس العسكري او أي حد هيعرف يعمل حاجه و البلد والعه كده لازم هدوء شويه. |
9 شهور اثبت فشله فى اداره البلاد لازم يشوف دوره الحقيقى و يرجع لسكناته و يحمى البلد و يسيبو من ممارسه السياسه خالص |
الي المؤيدين للمجلس العسكري الشرفاء
احب اقولهم يسقط يسقط حكــم العسكـــر والمشيــر بيهيس ال فــاكر نفســو رايــٍس مش عارف ايه الناس دي مش مصرية وله اية ربنــا يشفي :birgits_tiredcoffee:birgits_tiredcoffee |
ممممم..
مشفتش يوم الاربعاء ولا اية :) كان الثوار نزلة بنية سلمية تماما و كانوا بيهتفوا سلمية سلمية و اضرب عليهم نار و هما بهتفوا ! اجيبلك الفديو ^^ |
عليا الطرابيش الراجله ده بيقول كلام زى الفل
انا معاك فى كل كلمه انتا كتبتها هنا |
اقتباس:
|
القصة يا جماعة كلها أنا كنت مع الثوار في الأول لحد يوم الأربعاء و بعدين
دلوقتي إلي بيلعبوها صح هم المرشحين للرئاسة إفهموها بقا دلوقتي الناس كانت معتصمة و كلو تمام و بعدبن الجيش غلط لما بدأ الضرب يوم الأربعاء يوم ما كان عايز يفض الإعتصام و دية أكبر غلطة غبية عملها من ساعة الثورة دلوقتي بقا يا جماعة الثوار بجد هما إلي واقفين في الميدان اما إلي في شارع محمد محمود كلهم من ألتراس الأهلي و الزمالك عايزين يخدوا بطارهم من الأمن من إلي عملوا فيهم إفهموها بقاااااااااا دلوقتي الجيش كان عايز يظبطلنا البلد و منها بردو ياخد حتة كدا :) بس الشباب وقفوله و دلوقتي أكتر تهييس هو من المؤشحين للرئاسة إلي المفروض يكونوا أول ناس واقفين في الميدان و إلي ظهر منهم دة أكبر خداع ليهم و بينلنا إلي هم عوزينه من الحكاية كلها إني هم عايزين حته من الترته فيا جناعة أبوس إيديكم شغلوا دماغكممممم |
| الساعة الآن 01:41 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.