تم خلع مبارك ..


http://forum.cinemamisr.com/attachme...1&d=1297671192


حيدخل واحد يقولي : لا محصلش هو تنحي بنفسه عشان ينقذ شعبه !!


حقوله: ازاي وهو قبلها بساعات كان قايل خطبه صمم فيها علي البقاء وتصحيح الاوضاع ؟؟


ليه مظهرش بنفسه واعلن التنحي بنفسه ؟؟


http://elmilion.com/wp-content/uploa...8%B1%D9%83.jpg



حتقولي لا تنحي ..


حقولك تعالا انا عرفتك ..


انت عمرو من بتوع احنا اسفين ياريس صح ؟؟


http://up101.9ory.com/v/11/02/05/02/39524001140.jpg



حترد وتقولي ايوه صح وليا الشرف !! مبارك رمز لينا كلنا ولشعبنا ولتاريخنا ازاي نهين الرمز ؟؟


حقولك : بص يا سيدي فاضي معايا نتمشي لمده ربع ساعه ؟


حتقولي : اه فاضي حنروح فين ؟


حقولك : هات ايدك وتعالا معايا ..


http://www.daralhayat.com/files/imag...4311234200.jpg



بص يا سيدي احنا هنا في الدويقه وزي مانت شايف اهلها ناس غلابه شعبيين جدا وعلي قد حالهم ..


http://www.aljazeera.net/mritems/ima...28568_1_34.jpg



جري علينا عيل صغير ومسك في عمرو وقاله هات ربع جنيه ياعمو !!


طلع عمرو بتاع احنا اسفين ياريس جنيه وعطهولوا فجري الولد فرحان علي بيتهم قدام عنينا ..


http://www.alarab.net/pics/2008/09/2...ser220908a.jpg


فجأه انهارت الصخور فوق المنازل وسحقتها بالكامل وسحقت الطفل تحتها ..


عمرو قالي وهو مذهول : ايه ده هو الصخور وقعت تاني ؟


ابتسمت وقولتله : دي الوقعه الاولي بس انت نسيتها وانا رجعتك لزمنها عشان تفتكرها !!


http://www.aljazeera.net/mritems/ima...40999_1_34.jpg



وسط الصراخ الرهيب والاتربه الكثيفه مشينا وانا بقوله : حكومه مبارك تجاهلت المكان ده تماما رغم انه شرق العاصمه .. حتي


المرافق الاهالي هما اللي عملوها بجهودهم الذاتيه ..


http://4.bp.blogspot.com/_m3JjQa2TVO...hildrenes5.jpg


ولما وصل دعم الماني لتسكينهم في مساكن شعبيه تم نهب الدعم بالكامل من الفاسدين في حكومه مبارك ..


قالي عمرو وهو بيرتجف : وكام واحد مات في الحادث ده ؟


http://elfasad.weebly.com/uploads/6/...29832_orig.jpg



قولتله بأبتسامه بسيطه : اكتر من 80 قتيل و 50 مصاب .. بعد ايام حتفوح رائحه الموتي ومنهم رائحه الطفل اللي عطيتوا الجنيه ..


وحتسمع تصريحات حكوميه مخذله ..انهم يعملوا المكان مقبره جماعيه .. بسبب انهم مكسلين او عاجزين علي رفع الانقاض ..


ومش طايقين الريحه ..


http://main.islammessage.com/media_b...08925_3745.jpg



المهم هات ايدك وتعالا معايا ..


وقفنا في محطه قطار العياط ومعانا خال عمرو ..


http://aadbmedia.gazayerli.net/photo...ImageWidth=240


كان عمرو مستغرب خاله حيركب القطر ويروح الصعيد ليه ؟؟


بس خاله مقالوش ووصل القطر المتهالك وركب الخال وشاور لعمرو من القطر وهو بيتحرك ..


http://saveegyptfront.org/blog/wp-co...10/traines.jpg



طلع القطر من المحطه وركبنا مواصلات وفي السكه لقينا الزحام بعد المحطه ب 5 دقايق ..


القطار عرباته متفحمه وخصوصا العربه اللي ركبها خال عمرو ..


قربنا انا وعمرو وهو بيعيط وماسك صدره ومش مصدق ..


كان خال عمرو مطلع رقبته من الشباك بيحاول يهرب بس النار فحمته ..


http://massbrainwashing.files.wordpr..._82651_1_6.jpg


قولت لعمرو : فساد فساد في كل مكان .. قطارات فاسدة وتأمينها ملهوش وجود من الاساس ..


المهم الناس تدفع تذاكر وتنحشر وخلاص لكن ندفع جنيه في تصليح كرسي او نحط طفايه ؟


مستحيل ..


http://youm7.com/images/issuehtm/ima...f2092010/1.jpg


قال عمرو : هو ده قطار الصعيد ؟؟


قولتله : ايوه هو القطار رقم 832 والمشهور بقطار الصعيد .. ومات فيه يا عمرو اكتر من 360 شخص محترقين او غارقين في ترعه


الابراهيميه بعد مرموا نفسهم من الابواب والشبابيك ..


http://www.aljazeera.net/mritems/ima...82580_1_11.jpg


وطبعا موقف الحكومه كان متخاذل وفضيحه تعويض الضحايا كانت كبيره جدا


لدرجه ان الدول العربيه والاجنبيه كانت بتسخر من مصر اللي ولادها دمهم رخيص بالشكل ده ..
وللاسف متعلمناش ولا صححنا مشاكلنا لانه بعدها حصلت كارثه تانيه مشابهه


http://s.alriyadh.com/2009/10/26/img/868245370797.jpg



تعالا يا عمرو معايا مشوارنا طويل ..



تعالا ياعم اركب معايا المركب ده افرجك علي مشاهد بحريه ممتعه ..


http://www.seastarnetwork.com/ejazti.../160725820.JPG




شايف جمال البحر الاحمر والشعب المرجانيه والاسماك ..


http://www.fourseasons.com/image_lib..._watermark.jpg



مصر بلدنا جميله اوي ياعمرو وشعبنا محروم منها ..


شايف السفن والعبارات ..


http://www.aljazeera.net/mritems/ima...11280_1_34.jpg



الجو بارد بس انا قولتلك تتقل قبل ماتيجي ..


شايف العباره اللي هناك دي منظرها جميل صح ؟


http://www.el-wasat.com/portal/uploa...1302640136.jpg


شايف الدخان اللي طالع منها ؟ ده مش دخان المحرك ولا دخان مطعم العباره .. دي حريقه ياسيدي ..


عمرو قالي : انهي عباره سالم اكسبريس ولا السلام ؟


قولتله : لا دي السلام 98 .. سالم اكسبريس مات فيها 464 شخص وكان الاهمال رهيب في الانقاذ لدرجه ان واحد من الناجين



http://img149.imageshack.us/img149/3...bcc5ee9xr9.jpg


سبح لمده 35 ساعه كامله وانقذ نفسه من غير ميقابله اي وحده انقاذ ولا اي شئ ..


http://nile.eg/uploads/images/27371132.jpg


وفوق كل ده الحكومه لم تهتم بمحاسبه


المقصريين في الحادث واهتمت فقط بأن اصحاب السفينه يدفعوا تعويضات 50 الف جنيه للضحيه الواحده .. وكأن ارواح الناس تباع


وتشتري ..


في اللحظات دي كانت العبارة السلام تغرق امامنا والناس تقفز منها وصراخ النساء والاطفال بتصم اذاننا ..


ووسط كل ده لمحنا القبطان يهرب


في مركب تتسع ل 30 شخص هو وعدد بسيط من معاونيه ..


انهارت السفينه بالكامل بركابها وشاهدنا حولنا مراكب صغيره يتشابك فوقها عدد كبير من الناس وعدد اخر يريد ان يصعد فتنقلب


المركب فوق رؤسهم ..


http://productnews.link.net/general/...0/salam1_L.jpg


شاهدنا ام ورضيعها تبكي وتحتضن رضيعها فوق احد المراكب الصغيره وسط طوفان من البشر كلهم عاوزين النجاه وسط مياه درجه


برودتها رهيبه ..



وتنقلب المركب وتختفي الام برضيعها وسط المياة ليركب غيرهم ..


http://newsimg.bbc.co.uk/media/image...41432343_1.jpg




طفل صغير يحمله رجل لا يعرف العوم ويصرخ الرجل وهو بيبحث عن زوجته ويقع منه الطفل وسط المياه ويغرق وينزل الراجل


ويغرق وراه ..


http://1.bp.blogspot.com/_FimWbWBitj...ler%5B1%5D.jpg


كان عمرو بيبكي بحرقه وانا براقب انفعالاته ..


احنا اسفين ياريس بنحس انهم مش بني ادمين زينا وانهم وحوش مش بتشعر .. بس عمرو بيبكي وعواطفه جياشه فعلا ..


بعد لحظات اختفت المياه تحت الجثث الطافيه وقالي عمرو : كام واحد مات ؟


قولتله : مات فيها اكتر من الف شخص يعني رقم قريب جدا من عدد ضحايا تايتانيك .. مع الفرق طبعا .. تايتانيك عملوا ليها افلام


ومسلسلات وكرتون ووثائقيات .. احنا ولادنا سعرهم رخيص مالك السفينه ممدوح اسماعيل تم تهريبه للندن لانه كان من عتاوله


الفساد في البلد ..


http://www.qwled.com/vb/imgcache-new...86959.imgcache


وكان عضو مجلس شوري وقريب من الحاكم واسرته .. وبعد عامين من المداولات في المحاكم وفي جلسه مدتها ربع ساعه تم


اعلان براءته هو وابنه بكل هدوء وطظ في الشعب واهل الضحايا ..


http://i3.makcdn.com/userFiles/h/a/h...ges/556435.jpg



عمرو : مش ممكن يكون مظلوم ؟ ثم مال الدوله بالموضوع اصلا ؟


قولتله : تم اكتشاف وقتها ان الفساد في التفتيش عن السفن وتأمينها كان مستشري في كل السفن ..


http://elshaab.org/articles_images/1...345_483523.jpg


بالاضافه لأن عمليات الانقاذ اتأخرت كالعاده وناس بالمئات اكلها سمك القرش بسبب بطء عمليات الانقاذ دائما ..


http://forum.mn66.com/imgcache/2/22925alsh3er.gif



تعالا ياعمرو نكمل مشوارنا ..


وصلنا للشط بالمركب بس ده مش شط البحر الاحمر ده شاطئ امريكي .. متقوليش وصلنا ازاي هناك اتفرج وانت ساكت ..


شايف الطيارة الكبيره اللي فوق دي .. اه دي اللي بتقع دي ايوه ..


http://beirutline.org/filemanager.ph...=image&id=3939


دي ياسيدي الطائره 990 تبع مصر للطيران .. وكان عليها 217 شخص قتلوا بالكامل في الحادث اللي انت شايفوا قدامك ..


فيهم علماء ذره وفيهم وفد عسكري كبير ..


كلهم ماتوا ومصر سابت التحقيق كله في ايد الامريكان بما فيه الصندوق الاسود اللي مستلمتهوش مصر ..


خرج علينا تقرير يقولنا ان الكابتن انتحر وموت الناس معاه .. وشكرا ..


كل النظريات بتقول ان الامريكان ضربوا الطائره ..


http://4.bp.blogspot.com/_fAk7jV0RtA...sile_image.jpg



كل الادله المنطقيه بتقول كده .. وفجأه اعلنت مصر اغلاق التحقيقات .. وشكرا


وراح دم المصريين هباء ..




تعالا ياعمرو نروح السوق ..


عاوز ازور والدك واقعد معاه شويه .. حشتري فاكهه لاني مش بدخل فاضي ..



http://undhimmi.com/wp-content/uploa...uit-market.jpg



قعدنا مع والدك واتكلمنا معاه لمده ساعه في السياسه والبلد ووالدك شخص محترم فاهم وواعي ..


واحنا قاعدين اكلت انت وهو من الفاكهه اللي جبتها من السوق ..


تعمل ايه لو قولتلك ان ابوك حيموت بعد سنتين بعد معاناه مع مرض السرطان بسبب اللي الفاكهه اللي اكلها؟


http://image.moheet.com/images/11/big/110769.jpg



تعمل ايه لو عرفت انك بدأت مرحله من مراحل الفشل الكلوي بسبب اللي انت اكلته ده وحتكمل حياتك بتغسل كلي ؟


http://www.palestine-info.info/ar/Da...M618_300_0.jpg


حتصرخ في وشي وتقولي : انت كذاب انت اتجننت ؟ ازاي ؟


حقولك : كل اللي انتم اكلتوه ده مسرطن بالكامل وتحت سمع وموافقه يوسف والي وان النظام كله عارف انه بيستعمل مبيدات


ممنوعه دوليا ..
وان نص الشعب المصري بقي مريض بأمراض خطيرة ..


http://www.akhbaralaalam.net/images/news/40617.jpg


وبعد كل ده حيتم تعينه نائب مبارك في الحزب الوطني الديمقراطي ..


حتقولي : وسيبتني اكل من الفاكهه دي ..


قولتلك : مشكلتكم انك مثاليين اوي ومش بتحسوا بعذاب غيركم .. اخدين الامور كلها كأن الحكام فوق الشبهات وفوق اي بشر


لازم تجرب وتحس من اللي عاناه غيرك من اللي فقدوا ابوهم وامهم واخواتهم


http://www.egvip.com/images-news/1236683597-image.jpg


بسبب عصابه بيزنس كانت بتحكمنا ..


تعالا معايا اتفرج علي شوارع العشوائيات ..



http://mohamedabdeen.elaphblog.com/B...m/cairo136.jpg




وتعالا اتفرج علي حوادث الطرق في كل مكان ومفيش اي تعويض لاي ضحيه ..


http://productnews.link.net/reuters/...RASHES-MR4.JPG



تعالا وشوف بعنيك الهيئات الحكومية كلها ازاي بتتعامل مع المواطنين بطريقه غير ادميه ..


http://www.egynews.net/wps/wcm/conne...pg?MOD=AJPERES


وازاي النظام قلل مرتباتهم لدفعهم للفساد لكي يعيشوا وعشان تدفع الاكراميه عشان تخلص امورك عافيه او ذوق ..


شوف الشرطه اللي الغت شعار الشرطه في خدمه الشعب واعلنت شعار الشرطه والشعب في خدمه الوطن ..


http://images.mujaz.me/News/Large/1667148.jpg


والوطن اللي اعلنت ولائها له هو النظام وبقاء النظام وبس ..


تعالا وشوف التعذيب في الاقسام ..


http://aljazeeratalk.net/forum/uploa...1253241223.jpg


وسمعه امن الدولة اللي اذلت الشعب سواء كان المذلول شخص صالح او مجرم ..


حتي شرطه المستشفيات الحكوميه بقت بيزنس لابتزاز المواطنين في مصائبهم وحوادثهم ..


تعالا شوف طوابير العجائز الطويله في التأمين الصحي واسلوب التعامل معهم بالالفاظ القذرة كأنهم بيتسولوا ..


http://www.almatraqa.com/img/sm_thumbs/thumb1268533373.



شغل التليفزيون واسمع تفخيم الرئيس طوال الوقت وبرامج لغسل دماغ الناس ..


http://img405.imageshack.us/img405/8...rak41thumb.gif


امسك الجرائد الحكوميه واستحمل الاستفزاز في الكلام عن حكمه قائد سفينه الوطن ..


كان عندنا قطاعات ومصانع كبيرة بتجيب للدولة اموال طائله ..


اتباعت كلها واتخصخصت للاسف ..


http://news.bdr130.net/newspics/528814.jpg


وبأسعار ان دلت علي شئ فتدل علي فساد رهيب ..


تعالا شوف العمال والضرائب الباهظه عليهم في كل شئ ..


وتدمير مستقبلهم بقوانين غير ادميه تمارسها عليهم الشركات الاستثمارية ..


http://farm2.static.flickr.com/1085/...9ce36f7721.jpg


ولا الضريبه العقارية كأننا مأجرين منهم املاكنا ..


http://www.youm7.com/images/issuehtm.../k21122009.jpg




متنساش فساد التعليم وفساد المناهج والمعلمين واعطائهم اجور ضعيفه لدفعهم للدروس الخصوصيه ..


http://sondoss.files.wordpress.com/2...b5d98ad8a9.jpg


ولأخراجهم اجيال فاشلة لا تعرف اي شئ سوي انها تريد النجاح وبس بأي وسيله ..


تعالا وشوف الملايين اللي بتطلع يوميا من قناه السويس متعرفش بتروح فين ابدا ..


http://www.11press.com/images/press/news/23a2502.jpeg



وتعالا شوف الناس اللي مش لاقيه ثمن الدواء او العلاج علي نفقه الدوله في وقت الوزراء بيتمتعوا بالرفاهيه ويعالجوا اذانهم في


الخارج ..


http://www.youm7.com/images/issuehtm...m/gabaly11.jpg



تعالا شوف الاراضي الشاسعه اللي كانت بتتعطي اكراميات بين الوزراء وبعضهم ..


http://www.ahram.org.eg/MediaFiles//...2011_41_20.jpg


وشوف اراضي توشكا اللي اتباعت برخص التراب ..


تعالا شوف اراضي سيناء ازاي اخدها مجموعه من رجال الاعمال وازاي اليهود بيستمتعوا بيها والشعب المطحون محروم من كل


شئ ..


http://www.nrg.co.il/images/archive/gallery/182/122.jpg


تعالا شوف اهل الصعيد ومطروح وسيناء اللي بيشعروا كأنهم مصريين درجه تانيه بسبب التهميش ..


http://www.gam3aonline.com/uploads/taxi6177865466.jpg



تعالا شوف سياسه اهمال اضاعت علينا علاقتنا مع دول حوض النيل وكانت حتدخلنا معاه في حروب ..


http://www.almarefh.org/infimages/my...afe9e02524.jpg


تعالا شوف اخوتنا المسلمين في غزة ازاي كانوا متحاصرين وبيتقتلوا يوميا والمعبر مغلق بتعليمات صارمه من اليهود والامريكان ...
وجدار العزل العنصري اللي اتبني بمواد مصريه ..
والجدار الفولاذي المصري علي الحدود لسد سبل حياه اخوتنا واهلنا في غزة ..


http://2.bp.blogspot.com/_NmAXEvOv3O...6680459800.jpg


التاريخ واحفادنا حيذكرونا دايما بالعار بسبب اللي حصل مننا تجاه اخواتنا هناك ..
http://3.bp.blogspot.com/_KHd6vWT-9l...65606_3795.jpg



ومبارك مفيش قدامه غير التنفيذ عشان ماسكين عليه فضائح وكوارث وادله فساد هو في غني عن كشفها ..


تعالا اتفرج علي مني الشربيني هي وغيرها من ابناء مصر اتقتلوا اسوء قتله .. طوال عهده ومقدرناش نعمل استنكار واحد يحافظ علي اي شئ من كرامتنا المهانه ..


http://4.bp.blogspot.com/_FMcv-Azt6v...400/659815.jpg


تعالا اتفرج علي المسؤولين الصالحين المحبوبين من الشعب اللي كان بيفصلهم من مكانهم لمجرد نبوغهم ..
وتشويه سمعه وتاريخ اي شخص عشان ميبقاش في مصر كلها
الا رمز واحد هو مبارك وبس ..
http://news.nawaret.com/wp-content/u.../moubarak1.jpg


شايف المرتبات كام ؟ وسعر اللحمه كام ؟؟


شايف احمد عز واحتكارة للحديد المصري وتقربه الشديد من النظام رغم كراهيه الشعب له ؟


http://www.ismailiaonline.com/images...%200027-41.jpg


تعالا شوف انقطاع الكهرباء علي الناس بالساعات ساعه افطارهم في رمضان والتصريحات الكوميديه للنظام ..


http://www.ikhwanonline.com/Data/2008/1/22/ikh11.jpg


تعالا افرجك علي افلام اجنبيه قديمه كان ابطالها بيفتخروا انهم لابسين قميص مصنوع من القطن المصري .. دلوقتي فين القطن


المصري ؟؟ كله راح ..


http://www.al-iqtisad.net/bo/img/ara...2011_39_59.jpg

المشاركة الأصلية كتبت بواسطة ღ♥:: Beckham::♥ღ (المشاركة 3911362) بص اى رد جميل قدام الموضوع ده استحالة يقدر يوصفه ودلوقتى يدخل اكمل يشكرلك فى ريسنا