|
•°« الشــرح الكامـل بالصور لـ Stall Networkخاص بـERoad »°•.
اكيد فى ناس كتير عارفه الموضوع ده .. واكيد برده فى ناس كتير حتكون اول مره تسمع عنه اللى بيبلعب اى رود وهو مش عارف الموضوع ده اكيد مضايق جدا لانه مش عارف يبيع ولا يشترى بسبب عدم وجود ستال نيت ورك اللى كنا بنوصلها بحرف ال F اى رود بتقدم بديل افضل من الستال نيت ورك وهو ان فى شوب .. اللاعبين بيحطوا عنده الايتم اللى عايزين يبيعوها ويحددوا سعر البيع ويمشوا على كده يلعبوا او يقفلوا الجيم خالص ( زمن العرض للبيع حوالى 3ايام بعدها الايتم يطلع من قائمه المعروض للبيع و تقدر تسترده ) ومن ناحيه تانيه اللاعبين اللى عايزين يشتروا سلاح او اى شئ بيروحوا للشوب ده و يبحثوا فى الايتم المعروض للبيع عنده ( زى الاستال نيت ورك بالظبط ) طب فين الشوب ده ؟؟ وازاى نتعامل معاه ؟؟ هو ده موضوعنا مكان الشوب ده فى هوتان هو المكان الموجود فيه سهم الكراكتر بتاعى على الخريطه فى الصوره اللى جايه دى وده مكانه فى جانحان https://lh4.googleusercontent.com/-O...o/s635/jan.JPG وده مكانه فى قسطنطين https://lh6.googleusercontent.com/-T...U/s591/cos.JPG حتضغط على ايقون المحادثه عشان تكلم الراجل اللى راكب الحيوان العجيب ده .. حيفتح محادثه بالمنظر ده حتختار الاختيار الاول ( لان التانى اوله ايند يعنى اكيد بيقفل ) حيفتح المربع اللى فى الصوره ده ونركز فى الجنب الشمال طبعا لحد كده العمليه بقت سهله لكن نكمل الشرح عشان نضمن ان محدش يتوه طريقه الشراء و البيع و التحصيل الشراء عشان تبحث عن حاجه وتشتريها حتختار اول ديره من فوق شمال حيفتحلك مربع زى بتاع الستال نيت ورك بالظبط تبحث من الاسهم المتعلم عليها بالاحمر ودوس بعدهم المربع المتعلم بالاصفر و تشترى من المربع المتعلم بالازرق فى الصوره دى عشان تعرف مواصفات الحاجه اللى حتشتريها حتقف بسهم الماوس فى الجيم فى المكان اللى متعلم بالازرق فى الصوره دى https://lh5.googleusercontent.com/-b...awg/s649/1.JPG حيظهرلك حاجه زى العدسه اللى متعلم عليها دى حتضغط عليها https://lh5.googleusercontent.com/-X...SAM/s672/2.JPG وبعد حتضغط عليها اضغط ع الايتم او اقف عليه بالماوس https://lh5.googleusercontent.com/-x...RyI/s677/3.JPG وكمان تقدر تعرف الشخص اللى عارض الايتم دى للبيع وتكلمه اسم الشخص اللى عارض الايتم للبيع حتلاقيه فى المكان اللى انا معلمه بالازرق فى الصوره اللى جايه وتقدر تكلمه لو ضغط على المكان المتعلم بالاحمر اسمه حيتكتب فى مكان الشات فى الجيم https://lh3.googleusercontent.com/-f...Y/s669/sel.JPG البيع عشان تسيب ايتم عنده وتعرضها للبيع حتختار تانى دايره من فوق شمال حيفتح مربع .. اسحب الحاجه اللى عايز تبيعها من شنتطك وسيبها فيه حيفتح مربع صغير تانى حدد السعر اللى انت عايزه وبعدها اختار كونفرم اللى متعلم عليها بالازرق فى الصوره دى حتلاقى الايتم اتحط عنده بس لسه مظلل ( باهت ) اختار ريجيستر اللى متعلم عليها بالازرق عشان تاكد العمليه ,, او اختار كانسل المتعلم عليها بالاصفر عشان ترجع الايتم تانى زى الصوره دى حيفتح مربع تانى زى دوس كونفرم المتعلمه بالازرق فى الصوره دى وبكده تبقى الايتم معروضه للبيع لمده 4440 دقيقه يعنى حوالى 3 ايام , لو مااتبعتش قبل كده وانت ماخدتهاش حتروح عليك خالص .. من الاخر كل 24 ساعه شيل الايتم وحطها تانى وريح دماغك والايتم تفضل معروضها طول الوقت وانت بتلفل او بتهيس او قافل خالص وانسى بقى انك تسيب الكراكتر بيبيع وتخش تنام , تصحى تلاقيه اخد دى سى بعد 10 دقايق والكلام ده حاجه مهمه كمان ان الايتمز بتاعك المعروضه للبيع بتحطها فى اى مدينه بتظهر للمشترين فى كل المدن طب لو ايتم اتباع .. حيحولى الجولد عن طريق ويسترن يونيون مثلا ؟؟ اكيد طبعا لا لان ويسترن يونيون بتحول فلوس بس معندهاش جولد خالص ,, انما لو اتباعت ايتم يبقى انت لازم تيجى تحصل قيمتها التحصيل عشان تحصل قيمه الايتمز المباعه حتختار 3 دايره من فوق شمال ( اول دايره من تحت شمال يعنى يا جحا ) وبعدين تضغط على المستطيل الاخضر ( افتكرت دلوقتى انه مستطيل م انت شغال مربع مربع م الصبح ) عشان تحصل قيمه الجولد المتعلم عليها بالازرق وزى م انتوا شايفين رصيد مبيعاتى صفر .. ومعيش جولد , وهنيالك يا فاعل الخير والثواب .. نقبل جميع انواع التبرعات العينيه ويفضل الجولد السايل والسوسات .. وبالتوفيق |
شكرا :)
|
تسلم :)
|
يثبت لمدة يومين |
شكرااا |
طيب لو عايز اشيل الحاجات كل 24 ساعه اشلها ازي؟
|
تسلم
|
الله ينور مجهود رائع وشرح ممتاز |
اقتباس:
الله يخليك يا مودى باشا اقتباس:
تسلم يا غالى اقتباس:
العفو يا برنس اقتباس:
تسلم يا غالى |
اقتباس:
شكرا كتير للتثبيت .. وياريت تطول المده شويه عشان الاعضاء تعرف الموضوع D:: :biggrin: |
مشكوررر على الموضوع يا بوب :specool:
|
اقتباس:
حتختار تانى دايره من فوق شمال ... حيفتح مربع كبير فيه الايتمز اللى انت عارضها للبيع حتختار صف الايتم اللى عايز تشيلها ( تضغط على الايتم يعنى ) من اخر المربع الكبير تحت يمين اختار كانسل ريجستر ,, حترجع الايتم للشنطه بتاعتك وبالمره اخر صف كل ايتم معروض للبيع يمين حتلاقى رقم .. الرقم ده هو عدد الدقايق اللى فاضله للايتم قبل ما يروح عليك .. فلازم يتباع او تاخده قبل ما الدقايق دى تخلص |
جميل اوي شكرا
|
:111 (15):
|
مش وحش
|
| الساعة الآن 09:43 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.