دوره الفوتوشوب كامله
 

بسم الله الرحمن الرحيم







اولا لازم نحمل البرنامج عشان نعرف نشغله مع بعض ممكن تحمله
من هنا
Serial
1045-1207-1122-2567-5785-5871

=================================

ثانيا ايه هو الفوتوشوب؟

- الفوتوشوب عباره عن برنامج للجرافيك والتصميم متعدد الاستخدام ممكن تركب بيه موقع ممكن تصمم ستايل منتدي ممكن تصمم صور ممكن تعمل صور متحركه

الفوتوشوب يعتبر من اقوي البرامج فى عالم التصميم والجرافيك وده بغض النظر عن 3d-Max او 3D Cinema دي برامج للتصميم ثلاثي الابعاد وعاده يستخدم فى مجال الهندسه وصناعه الافلام

=================================
المهم

تستيب الفوتوشوب طبعا مش عمليه صعبه ولا ايه؟
هتلاقي يظهر عندك فى الStart menu ---->All programs
Adobe ImageReady Cs وده ليه استخداماته
Adobe photoshop CS وده ليه استخدامات
الاتنين دول متقاربين شويه فى الاستخدام بس بيختلفوا جدا فى طريقه الاستخدام(استخدام البرنامج نفسه)




فى الجزء التاني
-الشرح العام للبرنامج وشريط الادوات
1-طريقه ادخال الصور واخراجها
2-طريقه الكتابه على الصور
3-كيفيه استخدام الانماط

(Egysaad(TheDemon



==========================================
==========================================
==========================================

الجزء التاني



اولا - الشرح العام للبرنامج

الفوتو شوب

النافذه
http://up3.m5zn.com/get-8-2008-wf6d3bz1x5w.JPG
نري فى النافذه البرنامج وهو مفتوح على ملف جديد ويتكون البرنامج من

التوولبار Toolbar

http://up3.m5zn.com/get-8-2008-bpuane21kkf.JPG
و سوف نشرح مكوناته فيما يلي

1-السهم الاسود هو سهم للتحكم فى منطقه الصوره او المساحه المنشطه

2- المربع المتقطع(يمكن تغيير الشكل بالضغط بالزر الايسر للفاره لفتره قصيره من الوقت)هو عباره عن مربعه تضعه على المنطقه التي تريد تنشيطها..........ولكن ما معني تنشيطها ؟.......بتنشيط اي منطقه تستطيع قصها او نسخها او مسحها او احداث تغيير فيها ...................

3-وتوجد العصا السحريه وهى تنشط المناطق المشابهه لبعضها فى اللون

4-حبل التنشيط وهو طريقه لتنشيط المنطقه التي تريدها و يتم تحديد المنطقه بيدك انت

5-اداه الشرائح اداه تحدد بها منطقه و تحدد نسبه الطول الى العرض و دي مش هناحتجها اوي

6-اداه التاطير(الاقتصاص) بنحدد بيها المنطقه الى احنا عاوزنها من مساحه العمل ونطغط مرتين نلاقي المسحه المأطره طلعت فى نافذه لوحدها والباقي كلها اتمسح

7-الفرشاه طبعا من اسمها معروف انها تستخدم فى التلوين و فى نفس قائمتها نلاقي القلم و الاستخدام مش عاوز شرح

8- فرشاه استبدال الالوان الاداه دي بتلون مساحه العمل باللون المحدد بس يبقي شفاف و لازم مساحه العمل تكون موحده يعني بقه واحده فى نفس قائمتها نلاقي اداه المعالجه ودي بخلي لون الصوره متماشي مع باقي الالوان او ممكن نستعملها زي الفرشاه بس هى مش مهمه فى الوظيفه دي وفى نفس القايمه برضه نلاقي اداه التصحيح ودي لو عاوز تغير منطقه من الصوره وتحط مكانها منطقه تانيه من نفس الصوره و بنحدد المنطقه المراد تصحيحها و نجر المنطقه دي للمنطقه الى احنا عاوزين نستبدلها بالمنطقه الاصليه

9-اداه فرشاه السيره ودي بترجع الصوره الاصليه زي ماكانت و نسمح بيها التغييرات الى احنا عملناها ................... فى نفس القايمه هنلاقي الفرشاه الفنيه الاليه دي مهمه اوي دي ممكن نعمل بيها تغييرات على الطبقه بحيث ان احنا نختار من شريط الخيارات(هنعرفه بعدين) التاثير الى عاوزين ندخله على الصوره زي تفتيح او تعتيم او اشباع

10- اداه الجردل و دي معروفه انها بتلون منطقه معينه ليها نفس اللون و فى نفس قايمتها اداه التدرج و دي بتدرج الوان الصوره او بتعمل طبقه فيها نمط مدرج اللون على حسب الشكل الى تختاره من شريط الخيارات

11- الممحاه(الاستيكه) ودي بنمسح بيها المنطقه المراد مسحها و فى نفس قايمنتها الممحاه السحريه ودي تمسح المنقطه ذات اللون المتشابه او الموحد و فى نفس القايمه ممحاه الخلفيه ودي لو فى كذه طبقه تمسحها بس دي مش وظايف الممحاه كلها فى الفوتوشوب الممحاه ليها وظايف رهيبه نشرحها بعدين

12- اداه انقاص الكثافه(العدسه السوده) ودي بتنقص كثافه المنطه المراد انقاص كثافتها يعني بتفتحها من الاخر و فى نفس قايمتها نلاقي اداه زياده الكثافه ودي بتعمل العكس و نلاقي الاسفنجه فى نفس القايمه ودي بتنضف الصوره وتوضحها

13- اداه التمويه ودي بتضيف زغلله شويه على الصوره كانها مبلوله ودي ليها استخدامات مهمه جدا خصوصا فى تركيب الصور و فى نفس القايمه نلاقي اداه التوضيح برده ودي بتوضح الصوره لو مش واضحه او مكبره و مزغلله من الاخر و فى نفس القايمه نلاقي اداه الاصبع ودي بتعمل تشويه ودمج لالوان المنطقه المراد دمجها

14-هنلاقي اداه الكتابه الافقيه ودي للكتابه فى مساحه العمل عادي و اضافه تاثير على الكتابه زي التقوس و هكذا و فى نفس القايمه هنلاقي اداه قناع النص ودي للكتابه الراسيه او الدائريه حسب و نفس القايمه نلاقي اداه قناع الكتابه الافقيه ودي بنكتب بيها فى المنطقه الى احنا عاوزنا فالحروف تتنشط وبعد ماتتنشط نقصها او ننسخها و بكده تبقي بنفس لون الطبقه و فى نفس القايمه برده نلاقي اداه قناع النص العمودي و دي بتادي نفس الوظيفه بس الكتابه بتبقي راسيه او دائريه

15-اداه تحديد التخطيط و اداه التخطيط المباشر مش هيهمونالانها بتادي وظيفه تحريك الطبقات والشرايح

16-المربع وده لرسم المربع العادي سواء بطبقه شفاف او طبقه خطيه او طبقه غير شفافه و ده مش مربع و بس لا ده فى خط مستقيم و الاشكال المخصصه(زي الاسهم و لمبه اشكال) و المربع دائري الزوايا و ده عاده يستخدم فى تصميم الازرار و فى الشكل البيضاوي والمضلع

17-اداه الريشه ودي لرسم الى انت عاوزه بس استخدامها معقد شويه وفى نفس قايمتها نلاقي و ريشه الرسم الحر استخدامها سهل و بنرسم بيها الى احنا عاوزينه و فى نفس القايمه اداه اضافه نقطه ارساء ودي بتضيف بعد جديد للرسمه الى احنا رسمناها للفرشه واداه حذف نقطه ارساء برضه فى القايمه نفسها تادي عكس الوظيفه و برده نلاقي اداه تحويل نقطه الارساء ودي نغير بيها مكن النقط الى احنا رسمناها بالفرشه

18-اداه الشافطه دي بنحدد اللون الى احنا عاوزينه من على الصوره نفسها و فى نفس القايمه نلاقي اداه المسطره و دي بنقيس المسافات عشان مثلا نرسم خط بنفس الطول كده يعني او عشان نتاكد ان الصوره مظبوطه

19-اداه اضافه الملاحظات ودي نتكي على منطقه يظهر مربع نكتب فيه الى احنا عاوزينه ملاحظه يعني بعدين نتكي على المربع الاصلي للملاحظه المربع يختفي وتظهر ورقه على الصوره و لو اتكينا عليها تظهر الملاحظه اما الحواشي الصوتيه فموجوده فى نفس القيمه ودي لو عاوزين نخلي الصوره فيها مثلا صوت ودي باستخدام الميكروفون بس طبعا الصور مش هيطلع لو الصوره مش بنشغلها على انها ملف فوتوشوب

20-العدسه معروفه انها للتكبير

21-اليد لتحريك الصوره

23-المربعين دول الالوان و ممكن نختار الون باننا نطغط على المربع و السهمين دول لاستبدال المربعين يعني المربع الى تحت ييجي فوق والى فوق ييجي تحت

24-اما بقي المسطيلين فها لتحرير الصوره فى الحاله القياسيه او فى حاله القناع السريع

25- التلات مربعات دول لطريقه عرض الصوره

26- اخر حاجه خالص دي تحويل الصوره لبرنامج الImageReady CS



ثالثا شريط الخيارات

http://up5.m5zn.com/photos/00184/786ys14ld6ng.jpg

لو بصينا فوق هنلاقي شريط الخيارات فى اعلى البرنامج بس.........

يعني ايه شريط الخيارات؟ ياجماعه احنا مش شغالين على الرسام......لول

كل اداه من الادوات ليها خيارات مختلفه يعني مثلا الاستيكه من شريط الخيارات نحدد حجمها زي كده
http://up3.m5zn.com/get-8-2008-9v5o1us6emw.jpg

ودي بتختار سمك وشكل الاستيكه ممكن نجمه ممكن ورق شجر ممكن حشيشه وممكن استيكه

ودي فرشاه السيره الفنيه
http://up3.m5zn.com/get-8-2008-9r5i022ds6c.jpg

يعني من الاخر شريط الخيارات بيديك التحكم فى تغيير خصائص الاداه



رابعاً : الطبقات

ياجماعه احنا لما نيجي نعمل صوره الوصره تتكون من طبقات زي الخلفيه و دي الطبقه الاساسيه ولازم تكون موجوده فى اي صوره وبعد كده الطبقات الى احنا نضيفها بس يعني ايه طبقات؟؟؟؟؟

الطبقات دي زي الكلام الى احنا نكتبه على الصوره او الصوره الى احنا نحطها على الخلفيه او المربع الى نرسمه دي كلها طبقات بس بعد حفظ ملف الفوتوشوب كصوره بتندمدج الطبقات وتبقي طبقه واحده

وده النافذه الى تخلينا نتحكم فى الطبقات ونغير من طبقه لتانيه

http://up5.m5zn.com/photos/00184/6bcvrulfo33d.jpg

الى ظاهر فى الصوره الخلفيه بس

والقنوات بقي فى الtab الى جنبها احنا عارفين التلت الوان الاساسيه

احمر
اخضر
ازرق
القنوات دي ممكن تلغي اي لون فيهم من الصوره خالص



خامسا الالوان والانماط

احسن حاجه فى الفوتوشوب انه بيدينا انماط بس على فكره ممكن انت تعمل نمط زي ماقلنا باداه قناع الكتابه بالقص

على العموم نافذه الالوان والانماط بتبقي عامله كده

http://up5.m5zn.com/photos/00184/rpxdp7bgpsni.jpg

دي نافذه الانماط وممكن نضيف انماط باننا نضغط على السهم الصغير خالص الى جوه دايره ده فى الشمال الغربي من النافذه ونختار الحاق انماط لو كنا على ايماج ريدي او نتكي على تحميل انماط لو احنا على فوتوشوب


http://up3.m5zn.com/get-8-2008-r2l23tf1o6r.jpg

دي بقي صوره صندوق الالوان او حامل الالوان وزي ماحنا شايففين نختار اللون الى احنا عاوزينه منه


http://up3.m5zn.com/get-8-2008-5s2um87mtyx.jpg

دي بقي نافذه لتغيير اللون عن طريق ادماج الالوان الموجوده قدامنا بنسب متباينه ومختلفه

و فى نوافذ تانيه مش هتهمنا اوي بس هنبقي نشرحها فى خلال المراحل التانيه وبكده اكون خلصت شرح شريط الادوات والشرح العام للبرنامج

=========================================
=========================================
=========================================

ادخال واخراج الصور



يا جماعه احنا بنتكلم على الفوتوشوب افتكروا كويس

برنامج الفوتوشب يدخل اي ملف جرافيك بس ده غير الجرافيك ثلاثي الابعاد

وممكن نعمل صفحات انترنت بيه بس صعبه جدا

المهم برنامج الفوتوشوب بيدعم كذا امتداد زي

1- PSD. ودي امتداد الملف الى يوديك للصوره وهي عالبرنامج يعني يفتح البرنامج وفيه الصوره

2- BMP. وده ملفات الصور الدقيقه جدا و مساحه الصوره منها بتتعدي الميجا

3-Gif. وده امتداد للصور والصوره بتكون خفيفه جدا بس الوضوح مش كويس

4-Jpg. وده احسن امتداد الصور من رايي لان الصوره بتكون خفيفه وواضحه

و امتدادات كتيره تانيه ...................عشان ماطولش عليكوا بس

-المهم ازاي نفتح ملف جرافيك بالفوتوشوب؟؟

عادي زي اي برنامج بنضغط على ملف وتظهر القايمه ونجيب فتح ونفتح الملف والصوره اهيه

http://www3.0zz0.com/2008/08/03/18/540335664.jpg
بس لما نيجي نطلع الملف الى احنا عملناه ممكن نطلعه زي ماقلنا على الامتدادات

ملف فوتوشوب........صوره...........ملف ايمج ريدي......................ممكن صفحه نت

لما نخلص الى عملناه نحفظ الملف بالخطوات دي

ملف--->حفظ باسم----->وبعدين نحدد نوع الملف زي الصوره دي

http://www7.0zz0.com/2008/08/03/18/369644374.jpg

نحدد نوع الملف من القايمه الى مكتوب فيها photoshop

وبعدين حفظ

مان انا مشغول ممكن انتا تعملى صوره ل spiderman

مشكووووووووووووووووووووووور

يامان الموضوع مش عشان التوقيعات الموضوع شرح الفوتوشوب
وعلى العموم انا يكون شرف ليا انى اعملك توقيع ياباشا بس ضيفني ونتكلم

ومشكور يا usernamo على الرد

الأميل بتاعك أيه ؟؟؟ :confused:

طيب يا باشا

الله يخليك يا باشا :]

بس يا مان انا مش هحط ولا كلمه الا اما اسمع ردود عشان انا بجد تعبت وانشاالله اقدر اشرح كل سم فى البرنامج وانا مستنيك يا مصطفي عشان ترد عايز اسمع صوتك ياعم

وللخ انا معنديش صبر خالص للأسف :(

وشكراا للموضوع وليك

فعلا موضوع يستحق التثبت بش لو كان فى منتدى الصور

مشكور بجد ياجماعه