http://helwa.makcdn.com/Components/T...7725c422f8cc61

بعد أن أوصت لجنة القوات المسلحة فى مؤتمر الوفاق القومى الشهر الماضى، بإمكانية تنفيذ فكرة التجنيد الإجبارى للشباب من الجنسين، أثيرت أحاديث كثيرة حول فكرة تجنيد الفتيات فى الجيش المصرى، وتجدد الجدل مرة آخرى بعد أحداث الإعتداءات الإسرائيلية الأخيرة على سيناء والتى أدت لمقتل جنود مصريين على الحدود، خاصة بعد تخوف الكثيرين من احتمالية قيام حرب بين مصر وإسرائيل.

وتباينت آراء الفتيات حول إمكانية التحاقهن بالجيش، حيث اقتنع البعض منهن بالفكرة وأن للفتيات الحق فى الدفاع عن مصر مثلهن مثل الشباب وبشكل خاص بعد ثورة 25 يناير، بينما اعتبرت أخريات أنها فكرة غريبة على مجتمعنا خاصة أن معظم الفتيات المصريات غير مؤهلات لدخول الجيش جسمانياً ونفسياً، وكذا أن الرجال هم الأولى بدخول الجيش من الفتيات.

قالت أسماء يحيى، 25 سنة، إنها على استعداد للتطوع فى الجيش فى حالة إعلان حرب بيننا وبين إسرائيل، مضيفة "أنا نفسى أخدم بلدى بجد وأدافع عنها ، وممكن أضحى بروحى عشانها".

وأضافت أن ثورة 25 يناير سبباً أدعى لكى تشارك الفتيات فى الجيش مثلها مثل الرجال، مثلما شاركناهم فى أحداث الثورة لحظة بلحظة.

ومن جانبها قالت إنجى هيبة، 26 سنة، أنا أعمل مهندسة اتصالات واتجهت للعمل فى هذا المجال بشكل خاص لكى أعمل فى القوات المسلحة فى مجال أجهزة التنصت.

وأضافت "لقد تقدمت بأوراقى للالتحاق بالجيش ولكنهم رفضوا قبولى لأنى فتاة، ولكن بعد الثورة قلت لنفسى إن الثورة جعلتها مدنية ومساواة، خاصة أنى مؤمنة أن مفيش فرق بين رجل وسيدة إلا الكفاءة والخبرة."

وقالت مى مجدى، 22 سنة، إنها تتمنى تطبيق هذا الأمر على أرض الواقع، خاصة وأن هناك الكثير من الفتيات يصلحن للحياة العسكرية ولديهن أفكاراً تساعد الجيش فى مختلف المجالات.

من ناحية أخرى اعترضت نانسى عادل على الفكرة قائلة: الفتيات المصريات فى رأيى أغلبهن غير مؤهلات لدخول الجيش لعدة أسباب منها: غياب اللياقة البدنية وارتفاع وزن الكثيرات منهن، كما أنهن غير مؤهلات عصبياً لدخول الجيش، حيث إن بعضهن قد يغمى عليهن إذا سمعن صوت رصاصة فكيف سيتم تعليمهن الإمساك بالبندقية وإطلاق الرصاص أو قيادة دبابة.

وأضافت هناك نسبة قليلة من الفتيات يصلحن للحرب أكثر من الرجال، وهؤلاء من الممكن استغلالهن فى هذا الأمر.
وأشارت إلى وجود مشكلة فى إلتحاق الفتيات فى الجيش، وهى أن انتشار الحجاب وتبرز عدداً من القضايا منها: هل يشتركن الفتيات فى مناورات مع الرجال ومن الذى سيقوم بتدريبهن رجل أم إمرأة؟.
وأوضحت أنها على استعداد للالتحاق بالجيش إذا كانت هناك ظروف تحكم علينا بذلك وتضطرنا للقيام بذلك، لكن فى أغلب الأمر أنها ستكون تجربة شاقة للغاية لا أضعها فى حياتى إلا للضرورة القصوى.

وقال مجدى الشرقاوى، 30 سنة، أنا أرفض تماماً هذه الفكرة، مضيفاً "بنات إيه اللى تدخل الجيش، هى مصر مفيهاش رجالة، لازم نتكلم بالعقل شوية."

بينما أكد محمد عادل 24 سنة، أن وجود جنديات فى الجيش سيشجع الشباب على أداء الخدمة العسكرية، وبالتالى فإن شهادة الإعفاء من الخدمة ستصبح أمراً سيئاً بالنسبة لهم ولن ينتظرون رفض القومسيون الطبى للجيش لهم.

المصدر

المشاركة الأصلية كتبت بواسطة sun_tears (المشاركة 3792661) انا معاهم ازاى اجبر بنت على التجنيد ؟ ممكن يكون اختيارى

المشاركة الأصلية كتبت بواسطة sun_tears (المشاركة 3792679) طب و لو وحده اتجوزة ! ازاى هتخوش الجيش ؟ و جوزها هيتجوزها ليه ؟ كدا هعنسو احنا نقصين عنوسه ؟ هما مشافوش فيلم بنتين من مصر ولا ايه :bow_arrow: نفرض انها دخلت و بقت حامل ؟ الموضوع ده اكيد نكته

المشاركة الأصلية كتبت بواسطة loleta (المشاركة 3792759) هى ناقصه هبل هما ممكن يبقو فى التمريض فى الحجات دى اما تمسك سلاح وتحارب دا جناااااااااااان

المشاركة الأصلية كتبت بواسطة alone in the sky (المشاركة 3792808) انا موافق بس بشروط يكون اختيارى للبنات ثانيا مايكونوش صاعقة ولا يتم تدريبهم معانا ثالثا مايعبروش او يستخدمو دبابات او صواريخ او طائرات فقط يقتصر عملهم على التوزيع والمساعدات والجروح لا غير لكن يكون جمبى بنت بتضرب نار انا وهى طب انا هحميها وللا هحمى نفسى وللا هقتل العدو؟؟ ولا هتخلى الشباب يقعو فى بعض بسبب نظراتها ؟؟ لا لا معانا اوى كده لا من بعيد ماشى

المشاركة الأصلية كتبت بواسطة teto333 (المشاركة 3792864) ولله العظيم ده هيبقي منظر تحفه ههههههههههه هتلاقي البت رايحه تخلص ورق الجيش و وقفين في التجنيد مش هيستحملو الشمس اللي هتصوت و اللي اغم عليها ده ساعت الثوره كان في ضرب نار بعيد كل البنات فضلت تصوت :juggle:

المشاركة الأصلية كتبت بواسطة !_togoo_mory_! (المشاركة 3792913) ما انا فاهم برده لما السيده عائشة سألت الرسول او زوجه من زوجات الرسول عليه الصلاة والسلام مش فاكر فيما معناه سألته وقالت ليه ليه منحربش زيكم ونعمل زيكم ونطلع نجاهد قال لها سيد الخلق عليه افضل الصلاة والسلام فيما معناه المرأه المطيعه لزوجها المطيعه لربهاتقوم بوجبتها كلها كأنها تجاهد فى سبيل الله وان شاء الله هحاول اجيب نص الحديث الشريف ولو الجيش دخل فيه بنات هتلاقى طوباير على الدخول فى الجيش زى بتاع العيش واكيد طبعا عارف ليه ما انا هبقى واقف فى الجبه وواخد بالى من المزه الى بتحارب جنبى واحميها من العدو ومن الحر وهما مش هيستحملوا لول

المشاركة الأصلية كتبت بواسطة fightercool55 (المشاركة 3794013) انتو عاوزين العالم يضحك علينا ازاي بنات تدخل جيش خلاص الرجاله خلصوا ! :mfr_lol:

المشاركة الأصلية كتبت بواسطة backtokill (المشاركة 3794099) يا عم مفيش مشاكل و لو بنفع واحدة تاخد دوري

المشاركة الأصلية كتبت بواسطة __3Li__ (المشاركة 3794271) لا طبعا مينفعش ليه هيا البلد مجبتش رجالة ولا ايه دى النقصة

فى اوروبا و الدول المتقدمه البنات بتدخل الجيش عادى :biggrin2: حتى حبايبنا فى الشمال البعده اسرائيل البنات بتتجند وبتقف حرس حدود يا قشطه

بس قسما بالله فكره جامده .. هقلكم بالمنطق .. احنا دلوقتى محتاجين البلد تتقدم صح ؟؟ .. ومش معانا فلوس :P >> البنات تتجند .. وده مش معناه انها تدرب على مسك السلاح وكده .. الحكومه تستخدمهم ببلاش بقى فى الزراعه والتفصيل و تربيه الحيوانات والسمك و الاعمال الخيريه :thumbs_up: .. منها هنستفاد منهم .. ومنها محدش هيتجوز البت غير لما تخلص فتره تجنيدها . يعنى الجواز هيبقى متأخر حبتين .. وانت كده يا برنس قللت الكثافه السكانيه .. وقللت الطلب على المساكن

ومرتب البت من دول ميعديش ال 100 جنيه فى الشهر .. والله هنوفر حاجاااااات كتييييييييييييير اووى