|
عيال صايعة بت صايعة !!
هى مش كلمة صايع كانت شتيمة زمان؟؟! عندما تتأخر فى العودة إلى المنزل بعد المدرسة يتم أستقبالك بسؤال ((كنت فين يا صايع لحد دلوقتى ؟)) وعندما يكون الزرارالعلوى للقميص مفتوحاً ((ماتفتحش صدرك زى العيال الصايعة )) وكان هناك ارتباطاً وثيقاً بين الصياعة والتدخين والوقوف على النواصى ومعاكسة البنات ووضع الايدى فى الجيوب أثناء الكلام مع الاب وشرب القهوة ومتابعة المشاهد الساخنة فى الافلام والكلام فى التليفون بالساعات والرد على الكبار بأسلوب غير مهذب والتزويغ من المدرسة والرسوب فى نهاية العام وأرتداء القميص على اللحم . وكأن لقب ((صايع)) لقباً مخيفاً نهرب منه (( وهو الواحد اية غير سمعة وشوية حاجات فوق بعض )) وكنا نحرص على الابتعاد عن أى شخص يحمل لقب ((صايع)) علشان الواحد ما ((يتشبهش)) . ولكن بمرور الوقت حدثت طفرة لم تعد كلمة صايع شتيمة بل اصبحت وساماً يضعه الاخرون على صدر كل من يحوز إعجابهم ولم يعد الصايع هو الشخص ((اللى مش متربى قليل الادب اللى بيسقط دايماً وقاعد طول النهار على القهوة وبيعلى صوتة على أهلة وبيسرق فلوس من ورا أهله علشان يجيب سجاير )) هذا الشخص مابقاش أسمة صايع بقى اسمة ((مغفل)). وأصبح الشخص الصايع هو الشخص الناجح القادر على أثارة إعجاب الناس من حوله الشخص القادر على أنتزاع تصفيقهم وأصبح ((الصايع)) هو النموذج والقدوة والمثل الاعلى أحيانا . ولقب ((صايع )) لم يعد أيضاً مقصوراً على الاشخاص فقط فهناك أشياء كثيرة ممكن تقولعليها صايعة جهاز الموبايل اللى فية كل الامكانيات اللى محتاجها واللى بتحلم بيها .. يبقى موبايل صايع . ممكن تلاقى جون ((صايع)) عبارة عن جمله بين 3 لاعبين سريعة ورشيقة وغير متوقعة . وممكن تلاقى بلد يتقال عليها ((بلد صايعة)) زى الصين اللى قدرت إنها تخترق مصر بمنتجاتها ويبقالها فى كل بيت مصرى 20 منتجاً على الاقل وبالتالى يمكنك أن تقول إن ((الصين دول صايعيين قوى )). لم يعد لقب صايع مزعجاً مثل لقب ((عنده إيدز )) ولكن صايع أصبح وسام شرف مساو فى قوتة لوسام ال "iso 9001 " ولا اعرف ماذا حدث بالضبط وغير سمعة الكلمة 180 درجة .. غالباً هى دى الصياعة ! أستطيع الان وأنا ضميرى مستريح أن أشجعك على أن تكون ((صايع )) بالمعنى الجديد للكلمة .. للصياعة بمفهومها الجديد أداب يجب الالتزام بها حتى تستحق اللقب -الصايع عمره مايقول على نفسة أنا صايع عمرك شفت واحد ذكى ماشى يقول للناس ((أنا ذكى يا جماعة )) ؟ -الصياعة تعتمد على الثقافة العامة فى كل المجالات يكفيك أن تعرف ((حاجة عن كل حاجة )). - الحظ قد يقودك إلى القمة والصياعة أن تحافظ عليها . - الصياعة إنك ماتكررش نفس الغلطة مرتين . - الصياعة إنك تدى كل واحد حقة وتعرف قيمة اللى قدامك بالضبط . -الصياعة أنك تبقى فاهم كويس إنه مش مهم إنك تغير الكون .. المهم إنك تخلى الكون ما يغيركش . - الاحمق هو الشخص اللى لسانة أسرع من عقلة . - أستمتع بالحاجات الصغيرة بكرة هتعرف إنها كانت كبيرة . - اتعلم تضحك على مشاكلك وأنت عمرك ما هتبطل ضحك . - الخط المستقيم أقصر طريق بين نقطتين والابتسامة أقصر طريق بين شخصيين . - الصبر .. هو الحاجة الوحيدة اللى لازم تستعجل وأنت بتتعلمها . - مش كل مرة تتعب فيها هتوصل للى أنت عايزة بس عمرك ماهتوصل للى انت عايزة من غير ما تتعب . - الفهلوة سرقة .. خد بالك مفيش طريق مختصر للمكان اللى يستحق إن الواحد يروحه . - أول خطوة فى النجاح إنك تعرف إنت عايز إية . - ابتسامتك فى وش أى حد هتخليه صعب إنه يكرهك - مش أى هدية ينفع تقبلها . - ماتسيبش الريموت كنترول فى إيد حد إلا لو كنت بتثق فيه. - ماتصدقش اللى يقولك ((هى كده)) أو ((هى ما تتعملش غير كده )) كل الحاجات ينفع تفكر فيها من أول وجديد حتى لو قالوا لك دى ثوابت . وخليك فاكر أن السباحة لو كانت بتخسس – زى ما بيقولوا – كان الحوت بقى سمكة زينة من زمااااان. - الخبرة هى الحاجة الوحيدة المفيدة فى الفشل . - العقل زى الباراشوت .. مابيشتغلشى غير لما يتفتح . So Do you want to be a Saii3 !! |
ههههههههههه
شكرا يا عم كلنا عيال صايعـــــه :camberman::camberman::camberman: |
هههههههههههههههههههه
كلام جميل والله و تسلم علي الكلام دا و انا صايع ولا ايه مش عارف هههههههههه |
شكرا يا كبير يإلي ناسينا يإلي مش فاكرنا و لا حتي بتسأل :111 (9)::111 (9)::111 (9): بس أكيد ليك عذر :ops::ops: |
اقتباس:
|
اقتباس:
وهو منقول من كتاب كابتن مصر للمؤلف عمر طاهر وانا قريتة وكان كتاب جامد جدا انصحكم تشتروه وشكرا علي الموضوع :kissing: |
كلام جميل اوي والله
بجد كل مواضيعك مميزه تسلم |
الصياعة أدب مش هز ,,,
:idiot: |
اقتباس:
Yes , i Want xD |
شكرا على الموضوع الصايع دة
:roflmao: |
أية الموضوع الصايع دة أقولك حاجة دة صايع أخر حاجة أقولك حاجة كمان صاحب الموضوع دة صايع فحت أقولك بقا الكبيرة ؟ أنا صايع ياعم :blowup:
|
موضوع جامد تسلم يا صايع ::specool::specool: |
:111 (15):
موضوع صايع فعـلا |
يا واد يا واد ^_~
|
So
Do you want to be a Saii3 انا صايع اصلا ^_^ |
| الساعة الآن 11:48 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.