|
عمرك شفت الشمس مضايقة؟؟؟
السلام عليكم ورحمة الله وبركاته سبحان الله..ربنا سخر لنا كلللل حاجة ..بس بردو ساعات بنكون مضايقين ربنا سخر لنا الشمس والقمر والانعام والدواب وكل المخلوقات اللي في الدنيا ربنا سخرها لنا... عمرك شفت الشمس مضايقة؟؟ طب عمرك شفت القمر متمرد؟؟ طيب اي حيوان او نبات زعلان انه ربنا اختاره في المكانة دي؟ امال احنا ليه بنضايق دايما على حاجات مش مستاهلة..وبنبقى عارفين ان هو ده الخير لينا اللي ربنا اختاره لينا ..وهو سبحانه وتعالى رآك في المكان ده هتنجز كتييير..ورآك في الظروف دي هتكون اقوى بكتييير..وعالم انك لو اتحطيت في موقف زي ده هتتعلم حاجات كتييير يعني ربنا مش بيعملنا حاجة وحشة..سبحانه وتعالى جعلك احسن مخلوق في الدنيا..عايز ايه تاني..هو في اكتر من كده؟؟ ساعات بنشوف واحد مضااايق جدا انه فاتته حلقة من برنامج عادي..ولا واحد مضايق ان حبيبته زعلانة منه..ولا ..ولا.. ليه طيب الواحد مش بيضايق لما تفوته صلاة ..ولا لما ما يقرأش الورد القرآني بتاعه؟ ممكن الواحد يتحط في ظروف فعلا صعبة ومش قااادر..فبيكون مضايق بس احنا يمكن ساعات مش بنعرف حكمة ربنا ايه من اللي حصل ده لكن ساعات بتعرف بعدها وبتقول يااااه ..ده ربنا كريييييم اوي..ده ربنا عظييييم اوي ربنا حماني من حاجة وحشة..او قربني من خير..او بعدني عن شر يااااه..وانا اللي كنت مضايق ان انا اتحطيت في الظروف دي؟ انا ازاي كنت زعلان..ده انا لو كنت اعرف اللي ربنا مدبره ليا ..انا كنت هبقى مبسوووط طيب مااحنا كلنا عارفين ان ربنا مدبرلنا الخير ..ليه بنضايق..ليه بنزعل لما يحصل اي حاجة..مع اننا مش عارفين اصلا دي هتودينا فين..و بسبب الحاجة دي اللي ربنا عملهالك انت هتكون فيييين يا جماعة لازم نرضى باللي ربنا كتبهولنا.. مش بنتكسف لما نعرف ان الانعام بتكون راضية..واحنا لا؟؟؟؟ عمرك شفت حيوان وقف في الشارع وقال مش همشي..انا خلاص زهقت..مش هكمل..شفت ده حصل؟ ايه ده ازااااااي؟ معقوووولة؟ الانعام راضية ..وانا مش راضي؟؟؟ طيب هو اصلا ربنا فضل مين على مين؟ فضلنا احنا على الانعام ؟ ولا فضل الانعام علينا؟ طبعا فضلنا احنا.. سبحان الله..واحنا اللي مش راضيين؟ ايه ده..ليه كده؟ في آية قرأتها اثرت فيا اوي (ويوم يحشرهم كأن لم يلبثوا الا ساعة من النهار يتعارفون بينهم) يااااااااه يتعارفون بينهم؟ انت متخيل؟ بقى كللللل الدنيا دي اللي احنا عايشينها وبنضايق وبنزعل وبنتخانق احيانا على حاجات بسيطة جدا.. تبقى ساعة من النهار يتعارفون بينهم؟؟؟ اااااه لو نعرف كده بجد..ونحس بيه..ويبقى في دماغنا على طول ان الدنيا دي حاجة بسيييييطة اوي...واحنا مكبرينها جداا صح كده ولا ايه؟ عايزين نفكر كده تاني.. ونشوف كااام واحد زعلناه..وكام واحد زعلنا منه على حاجات صغيرة..وتتخيل كده لما تيجي يوم القيامة.. وربنا يقولك ليك القصر ده كله لو سامحت فلان..يااااااه..القصر ده كله عشان اسامحه بس؟..طبعا مسامحه.. طب ما تسامحه دلوقتي..في الدنيا..يعني هي ساعة من نهار يتعارفون بينهم.. واحنا نوصل لدرجة اننا مش مسامحين بعض؟؟ ايه ده..لحقنا؟؟ بالسرعة دي؟؟ كل واحد يقف مع نفسه وقفة ..وانا اول واحدة هقف مع نفسي.. نشوف لو مش مسامحين حد نسامحه..ولو في ظروف انت مش راضي بيها..ارضى ربنا يرضى عنك وعننا اجمعين..اللهم امين محديش يا جماعه يزعل لو جاب مجموع فى ثانويه مش تمام خير ان شاء الله ولازم ناخذ بالاسباب |
بجد موضوع جميل جدا وفعلا كلامك مؤثر ومقنع ولو على الثانويه الحمد لله على كل شئ انا مضايق بس كل ما اعرف ان ربنا قدرلى كدا اقول الحمد لله على اى شئ عشان ربنا عايز كدا وبرضو لو شكرتك على الموضوع مليون مره مش هتاخد حقك فيه :) |
اقتباس:
لك ودى |
كلام فعلا صح 100 100
|
اقتباس:
لك ودى |
تمام الكـلام شكـرا ليك ع التوبيك الروعه ده |
شكرا يا معلم علي التوبيك الجميل دا
شكرا |
الحمدلله على كل شئ
بس بردو الموضوع إجتهاد يعنى لو الطالب كان إجتهد فى دراسته كان سيحصل على مجموع متميز ولكل مجتهد نصيب |
اقتباس:
|
شكراا مجهود رائع
|
كـلام دخـل قـلبى
شـكـراً :teehee: :teehee: |
شكرا كلام كله صح و موضوع رائع
|
يا رب أمين إني كل واحد برضي بإلي ربنا قاسمهوله |
تمام يا مان |
يعنى كلامك صح بس ديه عادتنا هنعمل اه طيب
|
| الساعة الآن 02:29 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.