الموقع العربي الاول للعبة Silkroad Online - أخــر كـلامـ فى مـوضوع نجيـب سـاويرس

- بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)

- - أخــر كـلامـ فى مـوضوع نجيـب سـاويرس (https://silkroad4arab.com/vb/showthread.php?t=367582)

أخــر كـلامـ فى مـوضوع نجيـب سـاويرس

من كـام اسبوع تقريباً ظهر خبر مصحوب بصورة (ميكي ماوس بدقن وميني ماوس بنقاب) والخبر بيقول أن الصورة دي المهندس/نجيب ساويرس نشرها على حسابه بتويتر ، وان الصورة استفزت مشاعر المسلمين (خاصة السلفيين) وتم رفع دعوى قضائية ضد نجيب وكمان –وده الاهم- حصلت حملة مقاطعة لشركة موبينيل وتخلص من شرائح الموبايل بتاعتها ، رد فعل نجيب كان أنه اعتذر على حسابة بتويتر .. و بس
وبما اني مش بهضم حكاية الهزار خصوصاً ان نجيب لديه من الامكانيات انه ينشر اعتذاره في كل القنوات والبرامج والجرايد كمان ، انما هو اكتفى بنشره الكترونياً فقط ( نتذكر المدعو حازم شومان لما قل ادبه على البرادعي وبنته ، طلع اعتذر في كل حتة وكان ناقص يروح للبرادعي بيته يعتذرله ) رغم انه مش غني زي نجيب .. شيوخ الفضائيات دول كبيرهم كام عربية "هامر" وكان الله بالسر عليم .
طب ايه الحكاية .. نجيب ساويرس –رغم اني مش بحبه – رجل اعمال ذكي جدا وبيحسبها بالورقة والقلم ، والدين دلوقتي اصبح سلعة وكله بيتاجر بيها يا اما على القنوات يا اما في الانتخابات وبالتالي أكيد في سر ورا الحكاية .. قبل ما اقولكم السر تعالوا نعرف حبة معلومات:

شركة موبينيل (الشركة المصرية لخدمات التليفون المحمول) : هي شركة تمتلك شركة " فرانز تيليكوم" الفرنسية نسبة 71.25 % من اسهمها ، وتمتلك فيها شركة "اوراسكوم للإتصالات" 20 % من اسهمها ، الشركة تعمل في مصر فقط.

أوراسكوم للاتصالات : هي شركة مصرية يمتلك المهندس/ نجيب ساويرس وعائلته 51 % من اسهمها ، وله حق ادارتها كونه مالك الحصة الأكبر، الشركة تعمل في الجزائر – العراق – زيمبابوي – هونج كونج - باكستان – بنجلاديش ، ومصر.

يبقى نعرف من هنا أن نجيب ساويرس يمتلك في "موبينيل" 20 في الماية بس من الأسهم بشركته اوراسكوم للاتصالات ، اللي هو اصلا بيمثل فيها 51 في الماية ، يبقى هو تقريباً بيملك 10 في الماية بس من اسهم موبينيل.

قيمة السهم اللي بيمتلكه نجيب ساويرس في شركة اوراسكوم للاتصالات 4 جنيه تقريبا.
بينما قيمة السهم اللي بيمتلكه في موبينيل 130 جنيه تقريبا.

ساويرس من اسبوع تقريبا – خبر نشرته مجلة البورصة - قرر انه يعمل تقييم لاسهمه في اوراسكوم وتقييم لاسهمه في موبينيل عشان يبادل ويشتري اسهم اكتر في موبينيل- اللي السهم بتاعها ب 130 – ويبيع اسهمه اللي اوراسكوم – اللي ب 4 جنيه
طيب نيجي بقى للجزء المهم .. لأننا دولة متخلفة فكرياً وثقافياً ، ولأننا معتقدين ان العالم كله بيحارب الاسلام ، ولمجرد اننا معتقدين اننا لو صلينا الفجر جماعة يبقى كل مشاكلنا اتحلت ولأن العالم كله ساعدنا نقتنع بده فعلاً ، بدأت حملة المقاطعة اللي عملها اخواننا المدافعين عن النقاب واللحية .. وبدأت اسهم شركة موبينيل في البورصة بدأت في الهبوط .. وبالتالي سعر السهم بيقل
طب ليه ؟؟ علشان المهندس العبقري نجيب ساويرس لما يجي يعمل التبادل يشتري الاسهم بسعر ارخص كتير من سعرها ... وبعد كدة ممكن يبقى يعتذر للعالم كله ويروح يبوس دقون المسلمين دقن دقن .. ويتبرع لبناء 10 جوامع ومش بعيد كمان يعلن اسلامه عشان الشعب المصري – الطيب اوي – يسامحه .. وممكن كمان ينزل شوية عروض حلوة من بتاعة اتكلم الاسبوع كله بربع جنيه .

حكاية اخيرة .. اواخر السيتينات لاحظت شركة كوكاكولا ان المنافس الوحيد لها في العالم هو – مياه الحنفيه – قبل ذلك كانت شركة كوكاكولا امينة جدا لمبدأ (انتاج السلعة الواحدة ) ، لكن مع تزايد المنافسة ماذا فعلت؟؟ ... انتجت شركة اكواشيم التابعة لكوكاكولا زجاجات المياه المعدنية كي تنافس بها نفسها ومياه الحنفية .. على رأي احمد حلمي : كل نفسك قبل ما حد ياكلك
-------------------------------------------
امريكا بتصنع السلاح وتبيعه لأفغانستان والعراق وبعدين بيحاربوها بيه وبالتالي شركات السلاح تبيع اكتر .. امريكا تدعم الحكومة السودانية بالسلاح وتدعم الثوار السودانيين بالسلاح .. السعودية تحكم باسم "الدولة الاسلامية " وتحتكر بترول الدولة كله للعائلة المالكة .. وعد بلفور لتسكين الصهاينة فلسطين كان الهدف منه حماية المصالح الإنجليزية في المنطقة عن طريق حليف قوي بعد تزايد قوة مصر وانفصالها عن الدولة العثمانية ...... الخلاصة .. حركة المجتمعات تحكمها المصلحة والمكسب والخسارة .. ورجال الاقتصاد والسياسة بيتعاملوا مع الدين كوسيلة للكسب والسيطرة .. وهذا ما كان يقصده "كارل ماركس" حين قال أن الدين أفيون الشعوب ...

العالم يحكمه دفتر شيكات كبير

افيقوا يرحمكم الله

تـــشـــكـــر ع المعلومات والله انا مش عارف الناس ديه عايزه البلد توصل لفين تانى :confused:

يا معلم و الله قولنا الموضوع ده اتعمل كتييييير و تم الحزف ممنزع هنا في المنتدي كلنا مصرين مفيش حاجه اسمها مسلم و مسيحي كلنا واحد والله هيتم الحزف عند دخول المشرف

تقبل مروري

لو سيـادتك كنت كـلفت نفسـك و قريـت المـوضوع كنـت هتفهم ان مـالوش أى عـلاقة بـ مسـلم و مسيحـى :)
أى كـلام بيتقـال و خـلاص ..!

للأسف المـوضوع ده مش لسيـادتك
ده لطبقة معيـنة من الأعضـاء
و يـاريت لو أى مشـرف هيحذف الموضوع يبعتلى رسـالة و يتناقش معـايا

اقتباس:

علشان المهندس العبقري نجيب ساويرس لما يجي يعمل التبادل يشتري الاسهم بسعر ارخص كتير من سعرها ... وبعد كدة ممكن يبقى يعتذر للعالم كله ويروح يبوس دقون المسلمين دقن دقن .. ويتبرع لبناء 10 جوامع ومش بعيد كمان يعلن اسلامه عشان الشعب المصري – الطيب اوي – يسامحه .. وممكن كمان ينزل شوية عروض حلوة من بتاعة اتكلم الاسبوع كله بربع جنيه .

طيب انا اللي بؤل اي كلام و خلاص حضرنك بغض النظر ( مسلم ) و الله انا زيك مسلم حضرتك دلوقتي عملت موضوع هيجي واحد ( مسيحي ) يعمل موضوع و نقلبها معركه طيب ايه مسيحي و مسلم ليه بتكبرو الموضوع خلاص بأه يا جدعان ملناش دعوه احنا هنا بالكلام ده

اقتباس:

المشاركة الأصلية كتبت بواسطة fightercool55 (المشاركة 3667093)

سيـادتك شـايف انى شتمت حـد فى الجمـلة دى ؟
:s

100 100 فكرة بنت .....

دة يدل انك بتنقل من غير ما تفهم الكلام دة غلط و المقالة دى لما اتكتبت كلوا اعد يضحك على الكتبها عارف لية لان الشركة الام اصلا اقوى من شركة سويريس لدرجة انها كانت حسيطر على شركتة و لسة بيحاولوا و حتجييب 4 ل 130 جنية ازاى و عايز تفهمنى ان الشركة الام حتخسر و شركتة المصرية مش حتخسر ازاى ؟؟؟؟؟؟؟؟؟؟ ازاكان احنا بنئطعها بس يعنى الخساير بتاعت الشركة الام تعتبر عشر ما يخسرة سويريس حاليا ههو عمل كدة لما لئا كلوا بيحارب السلفيين افتكر اننا عشان مبنحبهمشش مش حندافع عن ديننا لا طبعا و حتى الاخوة المسيححين احتقررووه عشان عمل كدة ياريت تفهم و تدور قبل ما تنقل و شكرا

لذيذ أوي الموضوع ده , يا صاحبي ده كا نوت علي الفيس بوك كتبو واحد اسمو اسلام مش عارف ايه , النوت ده اترد عليه بنوت تانيه لو تسمحلي انقلهالك و اقرها كويس و اعقلها

اقتباس:

كتب محمد شاهينhttps://www.facebook.com/muhammad.a.shaheen
كتب صديق عزيز مقالة عن قضية صور ساويرس المسيئة و ما أَثير فيها
********************/6e9eutr
و صديقى يرى انه لا ضرورة لما حدث من مقاطعة و ثورة فما حدث لا يستحق بل و تعدى ذلك ايضا إلى انه مؤامرة من ساويرس حتى يحقق ربح إقتصادى ما
و علل ذلك على حد قوله ان ساويرس يرغب فى امتلاك حصة أكبر فى الشركة المصرية لخدمات التليفون المحمول و التى تمتلك شركة " فرانز تيليكوم" الفرنسية نسبة 71.25 % من اسهمها ، وتمتلك فيها شركة "اوراسكوم للإتصالات" 20 % من اسهمها
أوراسكوم للاتصالات : هي شركة مصرية يمتلك المهندس/ نجيب ساويرس وعائلته 51 % من اسهمها

ثم اورد خبرا فى غاية الغرابة
قيمة السهم اللي بيمتلكه نجيب ساويرس في شركة اوراسكوم للاتصالات 40 قرش.
بينما قيمة السهم اللي بيمتلكه في موبينيل 10 جنيه.

ساويرس من اسبوع تقريبا – خبر نشرته مجلة البورصة - قرر انه يعمل تقييم لاسهمه في اوراسكوم وتقييم لاسهمه في موبينيل عشان يبادل ويشتري اسهم اكتر في موبينيل- اللي السهم بتاعها ب 10 جنيه – ويبيع اسهمه اللي اوراسكوم – اللي ب 40 قرش
(كل ماهو مكتوب بخط خفيف هو اقتباس من مقالة صديقى)
و يبنى على ذلك نظرية مؤامرة مضمونها انه هيبيع اسهم اوراسكوم ام 40 قرش و يشترى موبينيل ام 10 جنيه :) فهو قال يزعل الناس > فينزل سهم موبينيل > فيرخص > فيبيع سهم اوراسكوم (اللى بقدرة قادر هيفضل زى ماهو مع انه ملك لساويرس برده :) و بكده > يبقى عمل سبوبة حلوة و هابى نيو يير :d

انا بقى ايه مشكلتى مع الكلام ده ؟
مفيش مشلكة خالص بالعكس انا عاجبنى التحليل و التفكير خارج الصندوق و بحترم اى واحد لا ينقاد للتيار العام و يفكر بعقله .. بس ده لو كان بعقله .. مش مجرد سمع كلام برده من حد تانى و حب يكرره;)
المهم نقول بقى كده كام نقطة :
أولا : الرفيق كتب مقالته بتاريخ 27/6/2011 و قال فيها ان سعر سهم موبينيل 10 جنيه مصرى المشكلة انه فى نفس اليوم سعر إقفال سهم موبينيل 134.90 جنيه يعنى قول 135 بالصلاة ع النبى عشان الحسد
اما أوراسكوم فسعر إغلاقه لنفس اليوم 4.10 جنيه مش 40 قرش
http://www.mubasher.info/portal/case...e&stockid=4458
يخربيت الفتى يا جدع ... بتاع البورصة طبعا;)بس هو مين اللى قاله المعلومة دى ؟ ;) :d
ثانيا : الأخ الرفيق افترض ان اسهم موبينيل هتقع و بالتالى هترخص و فى نفس الوقت اوراسكوم مش هتقع و بالتالى هيبيعها و يشترى بتمنها اسهم موبينيل اللى رخصت و يبقى عمل فرق نسبى فى السعر و دى سبوبة حلوة و بارك الله فيما رزق .. انما الغريب انه يتوقع ان اسهم اوراسكوم مش هتنزل على الرغم من انها مملوكة لنفس الساويرس و عائلته اللى هو اصلا تسبب فى سقوط اسهم موبينيل لمجرد امتلاكهم 20 فى المية من اسهمها ... فكيف لا يتسبب اسمه فى هبوط اسهم الشركة التى يمتلك فيها 51 فى المية على حد زعمه !!!!! بل و تظل على سعرها و يبيعاها بمكسب و يشترى التانية فى وقت الرخص ... و هابى نيو يير برده
:)
الألذ بقى لسه جاى :) :) عائلة ساويرس بتمتلك اسهم فى شركات اخرى
عائلة ساويرس تمتلك أربع شركات هي اوراسكوم تليكوم القابضة واوراسكوم للإنشاء والصناعة والمصرية لخدمات التليفون المحمول واوراسكوم للفنادق .. و بمعنى اصح حصص كبيرة فى هذه الشركات
ثالثاَ : لو كان الرفيق كلف نفسه و شاف اسعارها لكان عرف انها كانت تعانى كلها الهبوط فى نفس يوم كتابته للمقال بل و من قبلها و لكن دعونا نلقى نظرة على نفس اليوم الآن

المصرية لخدمات المحمول - موبينيل
فتح : 136.92
إغلاق : 134.90
المؤشر >>> هبوط
http://www.mubasher.info/portal/case...e&stockid=4458
أوراسكوم تليكوم القابضة (orte) الهبوط : -0.02 -0.49
الفتح 4.12
إغلاق 4.10
المؤشر >>> هبوط
http://www.mubasher.info/portal/case...pageparam=true

أوراسكوم للإنشاء والصناعة (ocic)
مقدار الهبوط : -2.14 %-0.79
الفتح : 270.13
الإغلاق : 267.99المؤشر >>> هبوط
http://www.mubasher.info/portal/case...pageparam=true
;)و هذه خسارة يوم واحد فقط كما تلاحظون
و لم تصمد قليلا سوى شركة اوراسكوم للفنادق و السياحة و معلوم لمن يفهم فى هذه الأمور ان ذلك سببه الوحيد انها شركة تمتلك اصول و عقارات و فنادق صالحة للبيع فى اى وقت حتى ولو أفلست و توزيع ريعها على المساهمين و بالتالى تكون مثل هذه الشركات اقل تأثرا و إن كان يتوقع تأثرها بإذن الله فى الأيام المقبلة مع استمرا حملة المقاطعة و الإستنكار

فإذا حسبنا مجمل حصصه فى تلك الأسهم الهابطة و التى لا زال امامها طريق طويل لأسفل مع استمرار الحملات بإذن الله ... سنجد أن خسارته ستكون اضعاف ما يمكن ان يربح من مثل اللعبة التى اقترحها صديقى ... ففى الإقتصاد >>> كل صفقة تخضع لدراسة جدوى شاملة عامة و لا تخضع لنظرة قاصرة لوجهة دون غيرهافهو خاسر فى كل الشركات التى يملكها
اضف إلى ذلك بقى تلك المعلومة عن لعب البورصة فتعرف كم خسر حقاً
رابعاً : فى لعبة بتتعمل
واحد زى ساويرس نسبته المعلنة 20 فى المية مثلا فى موبينيل
كل ما زادت نسبته فى سهم معين بيبقى مسئول قدام إدارة البورصة
و كذلك مجلس الإدارة قبل مايبيع او يشترى اى اسهم بصفقات لازم يُعلم إدارة البورصة و هى تعلن الخبر بعد التأكد منه حتى لا يتم التلاعب او تسريب اخبار كاذبة بغرض رفع او خفض قيمة السهم و تحقيق ارباح شخصية على حساب صغار المستثمرين و الافراد ... و الباشا مستثمر كبير و فى نفس الوقت فى مجلس الإدارة
;)
يعنى مثلا لو هيخش صفقة لازم تبقى معلنة زى الصفقة محل النقاش
يقوم أونكل ساويرس يعمل اييييييييه !!؟؟
يروح لعم محمد الغلبان يقوله ادينى بطاقتك و يعمل بيها اسم و رقم فى البورصة المصرية قى شركة مصر المقاصة المسئولة عن ذلك
و يروح يضارب بحساب عم محمد براحته و يشترى و يبيع فى الخفاء بدون حساب و يتحكم أفضل فى سعر السهم و يبقى له صوت أكبر فى الجمعية العمومية التى تتخذ القرارت للشركة بالتصويت بين المساهمين ... و عم محمد راجل غلبان بياخد القرشين اللى فيهم النصيب و يرضى و ينسى
و بكده ماتبقاش العملية على قد 20% فى موبينيل ولا 51 فى اوراسكوم ولا مش عارف كام فى الإنشاء و الصناعة
لأ ده النسب الحقيقة اللى بتمثل مجمل استثماراته اكبر بكتييير و بالتالى خسارته هتبقى اكبر برده;)
و كل ده عشان يشترى سهمين ارخص !!! ؟؟ يا حلااااوة
كل أسهم ساويرس هتقع متزامنة إن شاء الله و بالتالى الفرق النسبى هيظل ثابت فى ظل إنخفاض عام فى مؤشر أسهمه و ده حصل فعلا
بمعنى مش موبينيل اللى وقعت بس لأ وقعت اوراسكوم تليكوم و الإنشاء و الصناعة اللى هما من اكبر شركاته المعروفة
و بالتالى هيصبح الفرق النسبى ثابت تقريبا بين هذه الشركة و تلك مع إنخفاض القيمة العامة يعنى مش هيقدر ينفذ اللعبة اللى بتقول عليها
بس فى المقابل إنخفاض القيمة العامة ده يدمره لأنه بيخفض إعتماد شركاته و بيحجم القروض اللى من حقه ياخدها عشان يخش مشاريع جديدة
و بيقلل من ترتيب شركاته عالميا و بالتالى بيضر بشروط اى تعاقد مع اى شركه محلية او اجنبية
يعنى حتى من الجانب ده هيلبس برده ;)
اللعبة فى البورصة مابتتلعبش كده
اللى ممكن يعمله انه يشترى الاسهم و هى واقعة و يبعيها لما تتطلع و بكده يبقى عوض الخسارة و عشان كده لازم الحملة تستمر و لازم يُحاصر إقتصاديا أكتر و ده دورنا ... اننا مانسمحلوش يلعب اللعبة دى و نخليه يفضل يخسر و يشترى اكتر و يخسر أكتر طول ما اسهمه بتنزل

خامسا : ساويرس رجل له هدف قد اختلف معاه فى هذا الهدف و لكنها حقيقة يجب ان نقرهاو هدفه ليس المال بدليل ماينفقه فى انشطة كثيرة نعلمها و أكثر لا نعلمها !!! فهل ترى فى الفترة الحالية و الرجل يحارب لينشئ حزبا و يكتسب بعض الشعبية و يحاول إظهار حسن النية لتحقيق ما يصبو إليه حقيقاً ..
هل له ان يرتكب مثل هذا الحمق السياسى البشع الذى يعرف مغبته جيدا خصوصا فى مجتمع مثل مجتمعنا المصرى ؟
و هل يجازف بكل ما يحلم به من اجل مكسب بسيط يحققه كل يوم من ربح شركة واحدة من التى ادى تصرفه إلى هبوط اسهمها و مقاطعة الكثرين لها؟
و هل هو بمثل هذا الحمق حقاً الذى يجعله يقتنع ان مثل هذه الخطة قابلة للنجاح .. و نحن نرى الآن كيف يخسر ساويرس مابيلعبش فى الشارع عشان يغلط غلطة حسابية إقتصادية فادحة مثل ما تقترح
فهو مشروع كما اوضحت بأعلى فاشل بكل المقاييس الإقتصادية و قد تحقق ذلك على أرض الواقع بالفعل كما رأينا من الارقام

كل ما أود قوله أن الله سلطه على نفسه ليخطئ هذا الخطأ فهى ليست خطة ولا مؤامرة ... بل من الممكن ان تكون الخطة و المؤامرة هو ما اراد الله تعالى ان يفسده عليه بمثل هذا الخطأ ... فيضل سعيه
‏
{‏وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏}‏ ‏[‏سورة الأنفال‏:‏ آية 30‏]

و كل الاحوال هو لابس أسود (و نقاب اسود كمان ) عشان هو دمه سكر ;)

و فى النهاية اعتب على صديقى أولاً : استخدامه لفظ (بقر) فى توصيف فئة كبيرة جدا من الشعب المصرى كل ما فعلوه انهم اسنشعروا الغيرة و الحمية على دينهم .. فحاولوا ان يزودوا عنه بما يستطيعوا .. و لهم فى ذلك السبق و الخير و الفضل على من لم يفعل و أكتفى بالكلام و هجاء .. فكل من يستطيع ان يفعل شيئا فليفعله بدلا من كثرة الكلام التى لا تفيد و لا تزيد

لن نصبح دانماركاً أخرى ... ليس فى تلك البلد

ثانيا : اعتب عليك ايضا ذلك القول(ولمجرد اننا معتقدين اننا لو صلينا الفجر جماعة يبقى كل مشاكلنا اتحلت ولأن العالم كله ساعدنا نقتنع بده فعلاً)
اعتقد يا صديقى ان الصلاة عماد الدين و كما أعلمنا الرسول صلى الله عليه و سلم ان المتخلف عن صلاة الفجر هم المنافقون ..فكيف تريد بالمنافقين ان يكونوا اعمدة لنهضة الأمة ؟
أعلم جيدا ان الصلاة وحدها ليست الحل و لكنها اول خطوة على طريق الحل .. و أول خطوة لإصلاح النفوس حتى يصلح الله ما بنا ... و حتى يجتهد الناس فى العمل و الأخذ بالأسباب الذان بهما تعلو الهمم فترتقى الأمم و يوفقهم الله
و ليست الصلاة مما يستهتر به .. وإن كنت أعلم حسن نيتك صديقى

السلام عليكم و رحمة الله و بركاته

إنت معندكش غير الكلمتين دوول عمال تحطهم في كل حتة