|
حسبى الله و نعم الزكيل فى الناس الظلمه دى
طالب من كليه الشرطه و زملائه كان راكب عربيته هوّ واتنين من أصحابه وزمايله فى الكلية وماشي " مخالف " في شارع وسوّاق عربيّة نقل طالع من شارع جانبى داخل الشارع " داخل سليم فى اتجاه الشارع " السواق ماتخيّلش ان فيه حد جاي مخالف وبالتالي كان هايخبطهم بس ربنا ستر.. السواق بيزعق لصاحبى وبيقوله مش تفتّح.. طبعاً صاحبنا دمه فار .. إزاي يقول للباشا كده وهو ظابط شرطة باعتبار ماسيكون في المستقبل نزل هو وأصحابه من العربية ونزّلوا السواق وهاتك يا ضرب.. وشتايم إيه بقى.. مش طلبة كلية شرطة السواق طبعاً قعد يعيّط ويقول هاروح القسم.. هاكتب بلاغ.. فواحد فيهم قاله : روح يابن**** قولّه فلان بيه ضربني صاحبي بيحكيلي وبيقول بالنّص " كان فاكر إن المركز هيحميه " ***** السوّاق طلع على القسم وهمّ وراه.. قابلوا ملازم واقف فى الجنينة بتاعة القسم فالسواق قعد يعيّط ويقول ضربوني يابيه.. دول لما شافوه بيعيط مااكتفوش ونِزلوا فوقه ضرب تاني لحد ما المخبرين جم وخدوه .. وهمّ طلعوا على نائب المأمور " راجل محترم برتبة عقيد " .. بيحكوا للضابط اللي حصل الاّ والمخبرين داخلين بالسواق السواق قعد يعيّط ويقول ضربونى يابيه وقالولى يابن ****.. انا امي **** يابيه ؟؟ انا امي **** ؟؟ العقيد قاله دول مش ضباط ؟؟ قاله آه يابيه.. قاله يبقى امك **** !!.. ونزل فوقه ضرب يمكن أشد من الضرب اللى ضربوهوله !! ***** طبعاً "صاحبي" جاي يحكيلي وهو فرحان بالانتصار على السواق الشرير الوحش بس انا لما سمعت الحكاية دى حسيت ان فيه حاجة انكسرت جوايا حسيت بنفس الشعور بالذل والقهر والضعـف اللي حس بيه السواق علشان مالوش ظهر حسيت بشي بيعصـر قلبي لما سمعت صاحبي وهو بيقول ويكـرّر " كان فاكر إنّ المركز هيحميه " لو القسم مايحميش الغلابة .. مين يحميهم ؟؟؟؟ ولما سألتـه: هل من حقكم قانوناً انكم تعملوا كده ؟؟ قالي: ربنا يخليلنا قانون الطوارئ ساعتها مقدرتش أقول غير : حسبي الله ونعم الوكيل ***** " وسيعلم الذين ظلموا اي منقلب ينقلبون " |
الحاجات دى بتحصل كتير بس برده فيه ظباط كتير طيبين صح؟
|
يا عم عمر الحاجات دى ماليه البلد دلوقتى
|
اكيد زي مافي كدة في الكويس مش معقولة كل الناس وحشين
بس من كتر مالناس اللي زي دول كترو غطو علي الكويسين حسبي الله ونعم الوكيل وشكرا ليك |
السواق هو الى غلطان ازاى يزعق لشرطى فالمستقبل ^_^
ده الى حيحصل لو اى حد قرب للشرطه #_# امشى جنب الحيط احسن d: بدل مالحايطه تقع عليك *_* |
شكرا يا جماعه
|
انا شفت منظر زى كدا وى كنت هنزل فيهم ضرب الصراحة مادرتش امسك نفسى
|
حسبى الله ونعم الوكيل
|
حسبى الله ونعم الوكيل
|
sorry ya man
بس صاحبك ده هو اللى ابن ****** |
حرام عليه اللى عمالوا ده ولاهى بجد
و شكرا على مواضيعك بجد كلها روعة |
البلد لا حول ولا قوة الا بالله كلها بقت كده
شكرا على الموضوع يا مان وهو انته فعلا اللي بتحكي ولا انته جايبوا من منتدى تاني يريت لو جايبو من منتدى تاني تكتب عليه منقول علشان منفكرش ان ليك اصحاب ظباط بقى:d:d |
| الساعة الآن 06:49 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.