|
حملة لنبذ العنف : الحلقة الأولى : فيديو للتذكرة
http://img708.imageshack.us/img708/2...29572e8663.png صباح الورد والفل وصباحكم بلون علم مصر صباحكم زي العسل يا احلى اعضاء ومشرفين وكل الناس بهذا الموقع الرائع . في الفترة الأخيرة شاهدنا تعصب كروي كبير بين قطبي الكرة المصرية الأهلي والزمالك . وزاد الأحتقان بشكل ملحوظ في الفترة الأخيرة .. الي زاد فيها التنافس على قمة الدوري المصري وصراع القمة على لقب الدوري المصري الممتاز . فحبيت اني ابدأ بنفسي ومن خلال موقع S4A العظيم في حملة لنبذ التعصب بين جماهير النادي الأهلي وجماهير نادي الزمالك . خطة الحملة : سأقوم في خلال كل يومين او ثلاثة بعمل موضوع يعرض صور او فيديو او تصريحات تهدأ وتلطف من الأجواء وطلب بنسيان الماضي وفتح صفحة جديدة بين الجمهورين . نبدأ على بركة الله اليوم وفي اولى حلقات برنامجنا سوف اعرض فيديوهين الأول قد يكون لم يشاهدة كثيرون . وقد يكون شاهدة اخرون فأعرضة للتذكرة . والثاني عرض منذ يومين . الفيديو الأول : عقب فوز منتخب مصر بكأس امم افريقيا للمرة الثالثة في تاريخة فالنشاهد الفيديو معاً . [YOUTUBE]Kh53ZjoPO78&NR=1[/YOUTUBE] رأيتم كيف يتعامل اللاعبون مع بعضهم ؟ نحن الجماهير "نولع" وهما اصدقاء وتجمعهم علاقة جيدة . يبقى لية نحرق دمنا على الفاضي ؟ الفيديو الثاني : والذي عرض منذ فترة قصيرة . وفي اثناء تجمع منتخب مصر الأخير قبل الخسارة من جنوب إفريقيا وتوديع كأس امم افريقيا 2012 . [YOUTUBE]eDRIauPt1d4&feature=player_embedded[/YOUTUBE] لافتة جميلة من لاعبي الأهلي والزمالك والأسماعيلي برأسة الصقر احمد حسن كابتن منخب مصر . دعوة للجمهورين : رجاء خاص . عدم الأدلاء بأي تعليق على اي تصريح يخص الفريق المنافس بمعنى لو احنى "نفضنا" وسبنا الي يقول يقول والله هيزهق من نفسة ومش هيكلم مثال : إبراهيم حسن او اي حد في الزمالك ادلى بتصريح مستفذ .. عدم الأهتمام بيه ولا التعليق علية . سيد عبد الحفيظ او اي حد فى الأهلي ادلى بتصريح مستفذ .. برضو نفس الحكاية . والله هيزهقو وهتقل تدريجياً . لاكن احنا الي بنعملهم صيت ومنظر وهوا الغرض من تصريحة استفذاذ الجماهير .. فلما يلقيكو فعلاً اترفزتو هوا يفرح ويبقى الي هوا عايزو عملوا . بخصوص الأخبار العادية الي بيصرحها المسئولين في اي من الناديين والخاصة بفرقتهم .. ياريت عدم التريقة على اي حاجة او السخرية .. عندك كلمة حلوة قول مش عندك يبقى الصمت افضل .. وابقى اتريق على فرقتك زي منتا عايز . انا بعمل الي عليا والي في ايدي دلوقتي والباقى على ربنا .. وكل واحد فأيدة حاجة ومعملهاش ربنا هيحسبوا .. وكل واحد بيحاول يثير فتنة ربنا هيحسبوا .. وياريت كل واحد بيقول لا هما لما يسكوتوا احنا نسكت .. ياريت تبدأ بنفسك وملكش دعوة بغيرك .. صدقني مش هتخسر بالعكس دة انت كدة هتكسب احترام الجميع ليك ولناديك . http://img685.imageshack.us/img685/1394/image003vz.png |
تمام بس ابراهيم حسن متعصب اوى لدرجة انة رفض ان عبد الواحد السيد يشارك الصقر فى حلقة مبارح بحجة عدم ابعاد اللاعب عن روح المنافسة:icecream::icecream:
دة اسمو اية؟ |
تمام .. ده التعصب بقا في الأكل كمان :weeping: |
الاهلى + الزمالك+ الاسماعيلى = منتخب مصر
يا ريت التعصب يروح وكل واحد يشجع فرقته ومحدش يغلط فى اى حد من الفرقه التانيه ونبقه ايد وحده :glasses3: |
اقتباس:
والحرس والمقاصة والاتحاد وانبى والناس دي نرميها فى الزبالة ؟ منتخب مصر = صفوة لاعبى الدورى المصرى + المحترفيين برا ان وجد |
المفروض نبقى ايد واحده:)
|
مع كل الأحترام والتقدير والشكر .. للناس الي دخلت علقت .. ولاكن بردوا مفيش تفاعل .. لسة كل واحد راكب دماغة .. ياريت نفهم بقا ان دية كورة .. والكورة زي البطيخة ياحمرة يا قرعة
يعنى تقبلها كدة او كدة كسبت خسرت لازم تقبل .. ياريت ياجماعة بجد كل واحد يحاول يعمل حاجة لأن لو انقسامنا اهلاوية وزملكاوية هيبقى فيه كره كبير اوي اوي بينا .. ياريت الحكاية دية تخلي الناس الي انا شايف متمسكة اوي برأيها .. لا انا لازم اكره الزمالك ولا انا لازم اكره الأهلي بجد حرام عليكم .. تعرفوا انا بقيت احسن ان انتو بتكرهوا الفريق المنافس الي هوا من بلدكوا وابن بلدكوا اكتر من الي ضاربكم في السودان وانتوا ادرى بقا هوا مين .. ولو فضلتو على حالكو كدة الله اعلم ممكن يحصل اية وساعتها هقولكم .. لا تبكي على اللبن المسكوب .. وهتبقوا السبب فعلاً في الأحتقان دة |
+1
|
عمتاً انا عملت الي عليا عشان ميجيش يوم وتقولوا مانتوا الي كنتوا بتشعللوا الدنيا .. وربنا يهدي الجميع بقا .. طالما كل واحد متمسك برأية وفكرتة .. يبقى هنشوف حرب قريب وساعتها .. محدش يعيط
|
انـا عـن نـفـسـى مـقـتـنـع بـالـحـمـلـة دى .. لا للـتـعـصـب .. نـعـم للـروح الـريـاضـيـة |
مثبت يـوم ..
|
تسلمم
|
لا للتعصب الكروي
علشان ممكن يجيلك حساسية :icecream::icecream: و نعم للاخلاق الرياضية :D |
مش بالكلام يا رجالة .. المهم الأقتناع .. ومحدش يتريق على الفريق المنافس .. لأن التريقة اكتر
حاجة بتستفذ الي قدامك .. بس للأسف دية اكتر حاجة بتحصل وشكراً على الردود الجميلة دية يا شباب وياريت ننفذ بجد مش كلام في البتنجان وخلاص |
فعلا كلامك مظبوط و عين العقل
تسلم ايدك:icecream: |
| الساعة الآن 07:09 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.