|
إستفسار عن ( المدارس الرياضية العسكرية )
بسم الله الرحمن الرحيم ,,
وبه نستعين ,, أنا هقدم بالإعدادية في المدارس الرياضية العسكرية ... هدخل فيها ثانوي و كلية ؟ وبعد الثانوية ؟ وأما أتخرج هكون إيه ؟ ولو أنا إخترت كلية وأنا فيها .. ينفع أدرس وأنا فيها ؟ ولو انا مخترتش كلية .. اما اتخرج منها هكون ايه ؟ وهل هي بتخرج رتب ؟ ولا أنا فاهم النظام غلط .. ياريت حد يوضح لي كل حاجه عنها .. بس مش ينقل لي خبر .. عايزه هو يقول الى يعرفه او حد يكون دخلها قبل كده ^^ كدردشة .. وشكرا يا جماعه |
اقتباس:
المدرسة العسكرية بتبقا داخلية ... بتبقا نفس نظام الثانوى العام بس بتفرق في ... على الطالب ان يمر وينجح في جميع الاختبارات العلمية وبالتقييم العام الذي يشبه كشف الهيئة بالكلية الحربية وايضا يفضل الموهوبين رياضيا لـ المدارس العسكرية فى مصر والحاصلين من قبل على بطولات على المستوى المحلي والدولي .. سوف يكون نظام الاقامة بـ المدارس العسكرية فى مصر بالمحافظات المختلفة هو نظام اليوم الواحد والمرحلة الابتدائية فقط يكون البيات فيها داخل منزل ولي الامر لكن الاعدادية والثانوية يكون داخل المدرسة .. للعلم انا فى مدرسة ثانوية عسكرية ...بس مش داخلية بس نصيحة منى ليك متقدمش مدرسة عسكرية داخلية |
بوص بداية كدة انا اعرف 2 كانو داخلين المدرسة دى ...
و عدوا كل الاختبارات .. بس المشكلة معهمش شهادة او بطولة فى اى رياضة !! فانت لازم يكون معاك بطولة فى رياضة معينة ,, |
شكرا لردكم يا شباب ^^
يا رب حد تاني يدخل ويفيد |
الهوارى قال كل الى ممكن حد يقولة
|
بوص يا باشا انتا جبت النتيجه الاول
علشان انا فى 3 اعدادي بردو بس لسه منزلتش واحب الفت نظرك لحاجه دي فلوسها كتير اوي اوي على ما اسمع ولو فلوسها حلوة انا نفسي ادخلها ياريت حد يرد علينا |
ولا حد معبرنا ^^ :icecream:
|
طيب بما انكم بسم الله ما شاء الله ليكم خبره فى الكلام ده
انا عاوز اسئل على حاجه واحده بس حد يعرف باب التطويع فى القوات المسلحه المصرييه هيفتح تانى امتى او الواحد لو عاوز يقدم هيكون امتى ؟ |
ماهو محدش هيرد علشان مش كل واحد فاهم في الكلام دة ^_^
|
يدلعوووووووووووو
|
|
بص يا سيدي انا كنت عايز أقدم
لازم يكون قلبك ميت علشان حتبقي في مدرسة داخلي يعني حتشوف اهلك يوم ولا يومين في الأسبوع بس لازم يكون معاك واسطة او بطولة او كويس أوي في رياضة و جسمك كويس ولاز تكون بتحب الحياة العسكرية ضبط ............. .............. ربط ............................ التزام |
انا عايز اعرف عنوان اي مدرسه حربيه
انا دورت كتير و مش لائي ياريت حد يساعدنييييييييييي |
تمام كل ده يا رجالة .. طيب إلي بيتخرج بيبقى إيه ؟ :flex: |
يشترط للقبول أن يجتاز الطالب جميع الاختبارات والفحوصات الطبية والمعملية واختبار السمات الشخصية والقياسات النفسية والاختبارات الرياضية "البدنية المهارية" والاختبارات العلمية والتقييم العام ويفضل الطلبة الحاصلون علي بطولات علي المستويين المحلي والدولي.. ويتم قبول طلبة المرحلة الابتدائية من جميع السنوات من أبناء المدينة التي تقع بها المدرسة والدراسة بنظام اليوم الكامل والمبيت بمنزل ولي الأمر للمرحلة الابتدائية فقط بجميع المدارس ولا يتم قبول الطلبة الراسبين أو الناجحين دور ثاني باستثناء الطلبة الحاصلين علي بطولات رياضية.
وتضم المدارس العسكرية الرياضية رياضات الجمباز والسباحة والغطس وألعاب القوي ورفع الأثقال والمصارعة والجودو والتايكوندو والملاكمة والخماسي الحديث والثلاثي "الترايثلون" والدراجات وسلاح الشيش والقوس والسهم بمختلف المراحل الدراسية ابتدائي وإعدادي وثانوي بحيث يتم تدريب الطلبة في الألعاب المختلفة وصقل مهاراتهم وتنمية مواهبهم تحت إشراف نخبة من الخبراء والمدربين "المحليين الأجانب" والمشهود لهم بالكفاءة والخبرة كما يسمح للأبطال الرياضيين بالانضمام إلي معسكرات المنتخبات القومية ويحصل الطلبة علي درجات التفوق الرياضي التي تضاف إلي مجموع الدرجات وفقا لما هو متبع بقوانين وزارة التربية والتعليم كما يحصل الطلاب علي مكافآت مجزية عند تحقيقهم للبطولات الرياضية مع صرف الملابس الرياضية وغيرها بالمجان. علما بأن موعد سحب وتقديم ملفات القبول بالمدارس علي مدار شهر يونيو بمقر المدارس الرياضية العسكرية ومكاتب المستشارين العسكريين بالمحافظات المختلفة |
| الساعة الآن 06:06 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.