للأذكياء فقط.. فزورة كنيسة مارمينا!!
 

بسم الى خلقى وخلقك بسم ربى الذى خلق السموات بدون عمد

بسم الله الرحمن الرحيم

بدون مقدمات ما تيجى نشوف ايه الحكايه يا صحبى مش يا مسيحى

صحبى انى لو شفته بينضرب من مسلم هروح اعلق المسلم بدل ما صحبى مظلوم

مسيحى يالى صحبى يالى ساكن جنبى يا جارى

يلا نحل اللغز مع بعض وبهدوء

********************

مسيحية أسلمت.. عادي

دخلت الكنيسة بعد إسلامها.. عادي برضه!!

ذهب وفد من المنطقة السكنية المحيطة بالكنيسة؛ للتفاوض مع قساوستها لمعرفة وضع تلك التي أسلمت.. طب وإيه يعني!!

في هذا الوقت التفّ ناس حول الكنيسة، وبدأوا يرشقونها بالحجارة.. ليييييييييه كده؟!!

فقام شباب الكنيسة بتبادلهم بالرشق.. لأ كده الموضوع كِبر أوي!!

بعدها -وغير معروف السبب- تحوّلت الحجارة إلى قنابل مولوتوف، وبعد قليل تبادل لإطلاق النار من أسطح المنازل المحيطة بمنطقة الكنيسة.. والله ما عارف أعلّق وأقول إيه؟؟؟

انتشرت الأخبار في كل جهة بأن تبادل إطلاق النار يتم بين سلفيين وشباب مسيحيين!!

أليس ما سبق هو ملخص للسيناريوهات المختلفة التي رُويت عن حادث كنيسة مارمينا بإمبابة؟ ألم تلاحظ شيئًا في تسلسل الأحداث؟ أليست هذه الأحداث بتسلسلها شبيهة بأحداث سابقة مع اختلاف الأسباب؟ ألا تلاحظ أنه في كل الأحداث ترد الأخبار بأن المعركة تدور بين سلفيين ومسيحيين؟ ألا تلاحظ أن كل الأحداث الشبيهة بحادث كنيسة مارمينا يبدأ فيها التراشق بالحجارة ثم التراشق بقنابل الملوتوف ثم تبادل لإطلاق النار؟

هاااا.. فكّر شوية.. تسلسل الأحداث.. هذا التسلسل لم يُذكّرك بشيء؟ لو عرفت تبقى ذكي.. وأنا متأكّد إنك ذكي جدًا؛ لأنك باختصار شديد.... أنت مصري..

طب هابسّطها لك..

فاكر أيام ثورة 25 يناير؟!!

فاكر يوم الأربعاء 2 فبراير 2011؟!!

أيوه.. تمام هو زي ما إنت قلت كده.. اليوم بتاع "معركة الجمل".. أو يوم "الأربعاء الدامي"..

طب افتكر معايا هو إيه اللي حصل فيه..

سيبك من موضوع اقتحام الميدان من قبل بلطجية يمتطون جمالاً وخيولاً.. أنا قصدي إيه اللي حصل بعد كده؟!!

مش الموضوع بدأ بناس كانت مؤيّدة لمبارك، بعد كده الناس دي بدأت ترشق حجارة ورُخام على الثوّار في ميدان التحرير... وبعد كده بقليل تحوّلت الحجارة إلى قنابل مولوتوف.. بعد كده اتحوّل المولوتوف لضرب نار من على أسطح العمارات السكنية المحيطة بالميدان وأحد الفنادق القريبة من الميدان.. وأدّى ذلك إلى استشهاد أبطال الثورة.. وإصابة أعداد كثيرة.. مش هو ده اللي حصل؟!!

هاااا عرفت الحل؟!!

باختصار.. وعلشان ماطوّلش عليك.. مش فيه تشابه شديد بين أحداث يوم الأربعاء الدامي بميدان التحرير مع أحداث كنيسة مارمينا بإمبابة؟!! وكنيسة صول بأطفيح وكل أحداث الفتنة الطائفية التي أعقبت ثورة 25 يناير؟!!

طب إحنا عرفنا تقريبا مين اللي كانوا مسلّطين البلطجية يعملوا كده يوم الأربعاء الدامي في ميدان التحرير.. وهما دلوقتي قدام القضاء.. وعرفنا برضه إنهم عملوا كده علشان كانوا عايزين الثورة تفشل.. ويستمر نظام مبارك في حكم البلد وسرقتها ونهبها؛ علشان هما مستفيدين طبعًا من السرقة والنهب ده!!

وبكده.. أكيد عرفنا برضه مين اللي كانوا مخططين ومدبرين لأحداث امبارح قدام كنيسة مارمينا.. وكل الأحداث اللي زيّها.. وأكيد كمان عرفنا هو غرضهم من ده.

وأفكّرك بكلمة مبارك قبل ما يتنحّى: "عليكم الاختيار بين الفوضى والأمن".

هاااااا.. عرفت مين اللي ورا الأحداث دي؟!!

[center]بوص هو الكلام يتلخص فى كلام بسيط الحكاية مدبرة من الالف للياء و معمول حساب كل حاجة و اول حاجة ان الكنيسة كلها تولع فى وقت واحد و دة اكبر دليل انها مدبرة كويس اوى و من ناس محترفة صح و الى نفزها شباب لان كل الناس بتؤل اعمار الى هجمو مبين 15-20 بس فالاخر احنا كلنا ايد واحدة و مهمن حصل هنبا ايد واحد لان احنا بنكمل بعض
معلش بس بردو فى حاجة فى امبارح شيخ معروف طلع على القناة الاولى و قال المفرض ان شيخ الازهر و البابا شنودة يسيبو منصابهم طب و هو مالوا الناس دى هيى الى بتحل كل حاجة يؤم هو عايز يشلهم طب لية و بصراحة الناس دى مش هتتعوض دة رائى الخاص

طبعا والله موضوع جميل تسلم و انا عايز اقول حاجه ليه الحاجة دي بتحصل الايام دي تاب ما المسلمين و المسيحين
طول عمرهم مع بعد من سعت ما ربنا خلق مصر و كل الحروب كانو ايد واحد يا جماعه اصحو الحكايه بينا اوي
و يارب الايام دي تعدي علي خير
وبشكرك تاني علي الموضوع الجميل تسلم يا مصري مش يا مسلم ولا يا مسيحي

يا جماعة فى دليل ان الموضوع فى ان بخصوص عبير و لو المشرف هيسمح انى اتكلم و اجيب فيديوهات من برامج التلفزيون انا موافء و لو رفض عادى انا هسكت

انا مش حقول غير حسبى الله و نعم الوكيل فى الناس الى بتشعل الفتنه ديه و مشكور على الموضوع الجامد

موضوع جميل بس انا بقا بصراحة مبقطنعش الكلام دا بسبب تدخل من برا ولى الكلام دا انا شايف انو موضوع وانشاء الله يروح لحالة

انا مش حقول غير حسبى الله و نعم الوكيل فى الناس الى بتشعل الفتنه ديه و مشكور

كلامك تمام

تفسير منطقى جداً
وفعلآ نفس الأحداث بالظبط..
وأصلآ معروف مين المستفاد من كل ده ومين اللى بيستغل نص فرصه علشان يستفاد منها!!
مش هقول يسبب فتنه !! لأن الفتنه بتطلع من اهلها ومحدش بيجيب الخراب لأهله !!
لكن هقول إنه واحد عاوز يوقع الدنيا فى بعضها بقتل الناس ..
والمفروض إن الكل يكون عاقل ويعرف يفكر كويس ومش مهم أياً كان اللى بيموت (هيجى غيره ويدافع ويقول كلمة الحق)..
والزعل الوحيد هنا هوا (الفراق مش اكتر)..
العمر واحد ومحدش هيغير ده حتى القاتل !!
والناصح اللى يجيب حق صاحبه أو اخوه اللى اتقتل حتى ولو بكلمه او حتى بمشاعره لو مقدرش يعمل حاجه او مفيش بأيده حاجه يعملها!!
الكلمه اللى تتقال هنا
مش
مسلم+مسيحى=مصرى بس !!
لأ الكلمه اللى تتقال هنا
أنا مصرى
فقط لآغير وديه ليها معانى كتيــــر جداً وعمر مامصر هتفنى بإذن الله طول ماحنا ايد واحده ومبيفرقناش أى ظرف !!..
شكراً على الموضوع وتســلم ايــديكـ
تحيـاتـى للـجـمـيع :)