شروط اختيار الرئيس القادم
 

شروط اختيار الرئيس القادم
____________________

1-مايكونش منوفي

2-ألا يستخدم بعض المصطلحات مثل محدودي الدخل و لا مساس و المرحله المقبله و غيرها من العبارات التي تردد على أسماع الشعب أول مايو من كل عام

3-يسمع كل يوم الصبح أغنية دامت لمين

4-مايعملش زيارات مفاجأه يوم السبت الساعه11 احنا اللي هنعمله زيارة مفاجأه كل 3 ساعات

5-مايفكرش إنه عشان بقى ريس يبقى قائد الثورة

6-مايقولناش الإخوه و الأخوات أنا أمي ماخلفتش غيري أنا و إخواتي

7-يصدر قرار بمنع عبارة "بناء على تعليمات السيد الرئيس" و اللي يقولها يتحاكم فورا

8-يكون بيتكلم و بيفهم انجليزي من غير مايطقطق ودانه

9-يكون عارف إننا انتخبناه هو.. مش هو مراته و ابنه و جوز خالته و عمة أم اللي جابو أبوه

10-يبقى عنده فيس بوك بس مابيلعبش فارم فيل ويكتبله بوست واحد في اليوم عشان مايضيعش وقت الشعب

11-يكون متواضع جداااا... بس مش لدرجة إنه يقعد في خيمه

12-مراته تاخد لقب سيدة مصر الأخيره

13-مايقعدش في القصر الجمهوري... ياخدله شقه إيجار جديد

14-ياكل عيش من أبو شلن و يشرب من مية الحنفيه

15-البدله بتاعته ماتكونش سينييه و ماضي عليها الخواجه فيرساتشي الله يرحمه... يجيب بدلته من أبونسمه

16-يتفرج كل يوم على قناة الجزيره

17-مايكونش عمل أي ضربات جوية و لا أرضيه و لا فضائية يذل أهلنا بيها

18-مايعطلش المرور عشان يروح مشوار عايز يوصل بسرعه يركب طياره

19-مايكونش راعي الرياضه و الرياضيين و لا الثقافة و لا المثقفين و لا الفن و لا الفنانين و يسيب الناس دي في حالها

20-مايضحكش علينا و يروح يفتتح نفس المكان عشرين مره

21-يبطل كلمة نشجب و ندين

22-مايكونش بيصلي العيد قبل مايبدأ و تنزل صورته و هو بيصلي في الأهرام يوم الوقفة بالليل في الطبعه الأولى

23-مايكونش من محبي الاستقرار

24-بمجرد فوزه في الانتخابات و قبل مايحلف اليمين يشتري كرسي تيفال الأصلي عشان مايلزقش

مكرر انا كنت عاملة قبل كدة هيطلع واحد دلوقتى يقولك انا منوفى ومينفعش اللى انت بتقولة دة

ههههههههههههههههههههههههههه
والله شروط زى العسل:character38:

مكررر

انا منوفي وانا اللي عامل الموضوع عادي يعني

هههههههههههه جامد شروط جامداااااااا

هههههههههههههه
شروط ممتازة:icecream:

مكرر

مكرر !!!! و اية يعنى بس موضوع جاااااااااامد ولذيذ واول مرة اقراة هنا

تقبل تحياتى

انت نسيت شروط على فكرة
انه ميكنش قائد طيران علشان ميقعدوش يذلونا بالضربة الجوية^^
انه ميدخلش الجيش
وانه يكون من سن 30 الى 40 سنة ويقعد فى الحكم بالكتير 15 سنة علشان لو حاكمناه او قتلناه ميبقاش سنه كبير^^
علشان محدش يتعاطف معاه لما نيجى نحاكمه او ميصعبش علينا لو جينا نقتله^^
منخليهوش يتجوز علشان ميجبش عيال ولو اتجوز وخلف ميسميش جمال ولو اصر يسمى الاسم ده يبقى يسميه بمعنى تانى وهو Camel او سفينة الصحراء^^

اهم حاجة يكون بيلعب سيلك رود
اية الشروط دية انتا تجيب واحد من الخرابة اسهلك