|
موسوعــة التعريف بالشعراء و أعمالهم (الجزء التانى)
http://store2.up-00.com/Mar11/Zm872092.gif
أحمد فؤاد نجم http://store2.up-00.com/Mar11/j6p72093.gif http://store2.up-00.com/Mar11/n3m72093.gif ولد أحمد فؤاد نجم في أيار- مايو سنة 1929 و في الطريق إلى “ عزبة نجم“ قريته التي استمدت اسمها من العائلة الكبيرة “ القبيلة كما يدعوها نجم“ التي ينتمي إليها الشاعر لا بد أن ترى كل نماذج البؤس , و القهر التي تمتد عبر آلاف السنين , و تبدو لشدة وطأتها بلا نهاية . " كان والدي في بدا حياته ضابط شرطة مشاغب أبعد عن عمله و اشتغل موظفا في وزارة المالية ثم فلاحا في الأرض التي يملكها. مات أبي و كنت في السادسة , لا أذكر من طفولتي البعيدة إلا صور الجنة.كنت طفلا مدللا أحبني والدي لأنني أشد الأبناء قبحا .و أذكر أيضا أنه قبل أن يموت قال لي ... يا بني فيك شيء يقول لي إنك إما أن تصل إلى قمة ما و إما أن تبقى في الحضيض... فليحمك الله..." . يقول نجم : " تركنا أبي لعالم وحش بلا قانون .كانت أمي صغيرة و ساحرة .ووقعت فريسة لمطامع أعمامي و هم أغنياء ..(امتلكت أسرتنا في أواخر القرن 19 و بداية القرن العشرين آلاف الأفدنة ). رفضت أمي أن تتزوج أحدهم لأنها أحبتنا و كانت تعرفهم جيدا.و كان عليها أن تتلقى العقاب كاملا فجعنا". http://store2.up-00.com/Mar11/n3m72093.gif عمل نجم في معسكرات الجيش الانجليزي متنقلا بين مهن كثيرة كواء..لاعب كرة.. بائع ..عامل انشاآت وبناء.. ترزي. و في فايد و هي احدى مدن القنال التي كان يحتلها الانجليز التقى بعمال المطابع الشيوعيين..و كان في ذلك الحين قد علم نفسه القراءة و الكتابة و بدأت معاناته الطويلة تكتسب معنى. و اشترك مع الآلاف في المظاهرات التي اجتاحت مصر سنة 1946 و تشكلت اثناءها اللجنة الوطنية العليا للطلبة و العمال. http://store2.up-00.com/Mar11/n3m72093.gif يقول نجم: كانت أهم قراءاتي في ذلك التاريخ هي رواية الأم لمكسيم غوركي, و هي مرتبطة في ذهني ببداية و عيي الحقيقي و العلمي ب حقائق هذا العالم, و الأسباب الموضوعية لقسوته و مرارته. http://store2.up-00.com/Mar11/n3m72093.gif ″ ولم أكن قد كتبت شعرا حقيقيا حتى ذلك الحين و انما كانت أغان عاطفية تدور في اطار الهجر و البعد و مشكلات الحب الاذاعية التي لم تنته حتى الآن... و كنت في ذلك الحين أحب ابنة عمتي و أتمناها, لكن الوضع الطبقي حال دون اتمام الزواج لأنهم أغنياء″ . و خرج الشاعر مع 90000 ألف عامل مصر من المعسكرات الإنجليزية بعد أن قاطعوا العمل فيها على اثر إلغاء المعاهدة, و كان يعمل بائعا حينئذ فعرض عليه قائد المعسكر أن يبقى و إلا فلن يحصل على بضائعه,» و لكنني تركتها و ذهبت«. http://store2.up-00.com/Mar11/n3m72093.gif و في الفترة ما بين 51 الى56 اشتغل شاعرنا عاملا في السكك الحديدية. و بعد معركة السويس قررت الحكومة المصرية أن تستولي على القاعدة البريطانية الموجودة في منطقة القنال و على كل ممتلكات الجيش هناك. و كانت ورش و أبورات الزقازيق تقوم في ذلك الحين بالدور الأساسي لان وابورات الاسماعيلية و السويس و بور سعيد ضربت جميعا في العدوان . ″ و بدأنا عملية نقل المعدات. و شهدت في هذة الفترة أكبر عملية نهب و خطف شهدتها أو سمعت عنها في حياتي كلها.أخذ كبار الضباط و المديرون ينقلون المعدات و قطع الغيار الى بيوتهم ... و فقدت أعصابي و سجلت احتجاجي أكثر من مرة... و في النهاية نقلت الى وزارة الشؤون الاجتماعية بعد أن تعلمت درسا كبيرا.أن القضية الوطنية لا تنفصل عن القضية الاجتماعية, كنت مقهورا و أرى القهر من حولي أشكالا و نماذج...كان هؤلاء الكبار منهمكين في نهب الورش, بينما يموت الفقراء كل يوم , دفاعا عن مصر...″ . و في وزارة الشؤون الاجتماعية عملت طوافا أوزع البريد على العزب و الكفور و القرى و كنت أعيد في هذه المرحلة اكتشاف الواقع بعد أن تعمقت رؤيتي و تجربتي. شعرت حينئذ رغم أنني فلاح و عملت بالفأس لمدة 8 سنوات أن حجم القهر الواقع على الفلاحين هائل و غير محتمل . كنت أجد في الواقع المصري مرادفات حرفية لما تعلمته نظريا. كان التناقض الطبقي بشعا. في سنة 1959 التي شهدت الصدام الضاري بين السلطة و اليسار في مصر على اثر أحداث العراق انتقل الشاعر من البريد إلى النقل الميكانيكي في العباسية أحد الأحياء القديمة في القاهرة. يقول نجم: و في يوم لا يغيب عن ذاكرتي أخذوني مع أربعة آخرين من العمال المتهمين بالتحريض و المشاغبة إلى قسم البوليس و هناك ضربنا بقسوة حتى مات أحد العمال ״ . ...و ما زالت آثار الضرب واضحة على جسد نجم حتى الآن... ″ و بعد أن أعادونا إلى المصنع طلبوا إلينا أن نوقع إقرارا يقول أن العامل الذي مات كان مشاغبا و أنه قتل في مشاجرة مع أحد زملائه..و رفضت أن أوقع ,فضربت.″ و بعد ذلك عاش نجم فترة شديدة التعقيد من حياته إذ وجهت إليه تهمة الاختلاس, و وضع في السجن لمدة 33 شهرا. http://store2.up-00.com/Mar11/n3m72093.gif ابوك السقا مات http://store2.up-00.com/Mar11/j6p72093.gif الأغنيه http://store2.up-00.com/Mar11/n3m72093.gif شيلني واشيلك دانا برضه فرحت لك وانا بتاعك يا بيه واعرف مااعرفش ليه وكام عبد المعين لابد في المسؤلين وانا بتاع كل حاجه ودراعك اليمين وهتيف الوزير وسواق المدير ومهماز المدام ونبوت الغفير وراش العياده وخدام السياده واللي من غير سناده يتعكز ع السرير ؟ وناس بدم ساقع واقفين ورا البراقع يميعوا المبادىء ويفسروا الشرائع وناس من خلف شيش خايفين من الشاويش سلبيه الميه ميه تعالي لأ ما اجيش دا كان كلام زمان ما يبقالوش مكان في مجتمع نضال بيعجن الرجال بالصهد والعرق ولو حس الألم يوشوش القلم يصرخ ع الورق يقول كل الكلام عريان مايزقوش ويوصف الالام للي ما اتالموش أصل احنا شعب طيب والطيبه فينا بلوى تاخدنا من قريب وتجيبنا كلمة حلوة سامعين يا اهل البلد ولا امسك النفير يالبنت يا الولد يا المجدع الكبير عارفين ماشيين منين؟ والسكه السالكه فين؟ .... مشوارنا مش هوين وماهواش بالقليل مهما الخيال يزين لسه الطريق طويل و ع الطريق شكوك وجبال حسك وشوك صحصح ياعين ابوك وامسك في ايج اخوك عايزين همة رجال ابعد من المحال واسرع من الامل تزلزل الجبال وتفتح المجال للعدل والعمل ويطلع خير بلدنا على ذمة ولادنا وتبقى عيشه جنه وملو الصحن حنه على كفوف الصبايا واعيش عين الاعادي قايمين للعز رايه واقعد ويا الصحابه ونقول على الربابه ياجل الانجازات ابو السقا .. مات من شرب الميه طين http://store2.up-00.com/Mar11/n3m72093.gif اتجمعوا العشاق http://store2.up-00.com/Mar11/lOC72386.gif اتجمعوا العشاق في سجن القلعة ... اتجمعوا العشاق في باب الخلق و الشمس غنوة من الزنازن طالعة .. و مصر غنوة مفرعة في الحلق تجمعوا العشاق بالزنزانة .... مهما يطول السجن مهما القهر مهما يزيد الفجر بالسجانة .. مين اللي يقدر ساعة يحبس مصر ............... http://store2.up-00.com/Mar11/LTr72386.gif تجمعوا و العشق نار في الدم ..... نار تحرق الجوع و الدموع و الهم نار تشتعل لما القدم ينضم .... لما الايادي تفور في لم اللحم و اللحم متنتور في رملة سينا .... و الكدب بيحجز على أيادينا قدم العدو غارسة في لحم ترابي ... و الكدب عشش مخبرين على بابي و المخبرين خارجين كلاب سعرانة ... بيجمعوا العشاق في الزنزانة ............... http://store2.up-00.com/Mar11/LTr72386.gif مصر النهار يطلقنا في الميادين .. مصر البكا .. مصر الغنا و الطين مصر الشموس الهالة من الزنزانين .. هالة و طارحة بدمنا بسا تين مصر الجناين طرحة مين يقطفها .. مصر الجناين للي يرفع سيفها مهما يطول السجن مهما القهر .. مهما يزيد الفجر بالسجانة مين اللي يقدر ساعة يحبس مصر http://store2.up-00.com/Mar11/LTr72386.gif http://store2.up-00.com/Mar11/av972386.gif اسكندريه http://store2.up-00.com/Mar11/ftl72386.gif http://store2.up-00.com/Mar11/lOC72386.gif يا اسكندريه بحرك عجايب ياريت ينوبني م الحب نايب تحدفني موجه على صدر موجه والبحرهوجه والصيد مطايب أغسل هدومي وأنشر همومي على شمسه طالعه وأنا فيها دايب كأني فلاح في جيش عرابي مات ع الطوابي وراح في بحرك كأني نسمه فوق الروابي م البحر جايه تغرق في سحرك كأني كلمه من عقل بيرم كأني غنوه من قلب سيد كأني جوا المظاهره طالب هتف باسمك ومات معيد كأني صوت النديم في ليلك بيصحي ناسك يشدوا حيلك كأني طوبه من بيت في حاره كأني دمعه في عيون سهارى كأني نجمه فوق الفناره تهدي الحيارى والبدر غايب يا اسكندريه يامصراويه على سن باسم على ضحكه هاله البحر شباك ومشربيه وانتي الاميره ع الدنيا طاله يا اسكندريه عاشق وبدوي ارتاح في حضنك والود ودي يكون كلامي عربون غرامي وبالمحبه ناخد وندي يا اسكندريه فيكي الغلابه ع الرزق يسعوا ولايناموش صبح صباحهم رجع مساهم وزاد شقاهم ومارتاحوش يا عيني ع اللي الزمان تعبهم وضاع تعبهم ومالتقوش نزل شبكهم في بحر طامي طلع شبكهم على فاشوش وفيكي بين البشر ديابه وفيكي فوق البشر وحوش وفيكي ناس مغرمين صبابه لو خان زمانهم مابيخونوش وفيكي خمري سلمت امري ما اقدرش اشوفه وما انيلوش سمك يا بني يا اسكندراني في العشق واحد مالكش تاني سمك يابني يا اسكندراني في الحسن ساحر ومعجباني سمك يابني والعشـق غيه تبدأ بنظره تبقى ملاغيه وكل عاشق وله بهيه وكل شاعر وله اغاني وأنا اللي عشق الصبايا كاري أعشق وأغني ما اقدرش اداري واي نظره بتجيب قراري وايشحال عيونك يا الاسمراني http://store2.up-00.com/Mar11/lOC72386.gif اصحي يا مصر اصحى يا مصر اصحى يا مصر هزى هلالك هاتى النصر كونى يا مصر وعيشي يا مصر مدي اديكى وطولى العصر اصحي وكوني وعيشي يا مصر http://store2.up-00.com/Mar11/LTr72386.gif اصحى يا عامل مصر يا مجدع وافهم دورك ف الوردية مهما بتتعب مهما بتصنع تعبك رايح للحراميه جهدك عملك رزق عبالك عرقك مرقك ولا يهنا لك اصحى يا عا مل غير حالك صون المصنع واصنع مصر اصحى وكونى وعيشي يا مصر http://store2.up-00.com/Mar11/LTr72386.gif اصحى يا زارع مصر الخضره قدره وخضره ونور وجمال ابدر غيطك واحمى البدره ضد الافه والاستغلال ارضك عرضك باب الدار صبحوا مداسه للسمسار نعطش ولانشربش عكار وصفه قالوها الحكما يامصر اصحى وكونى وعيشي يا مصر http://store2.up-00.com/Mar11/LTr72386.gif واصحى يا جندى يا تار الشهدا عمى وخالك اختى واخوك لجل ما تهدا وتارك يهدا فرغ نارك ف اللى خانوك يابن الشعب يا حامي الشعب انت املنا فى يوم الصعب اصحى يا جندى ودق الكعب حرر مصر وطهر مصر اصحى وكوني وعيشي يا مصر http://store2.up-00.com/Mar11/av972386.gif اغنيه بقره حاحا النطاحه http://store2.up-00.com/Mar11/ftl72386.gif الكلمات ناح النواح والنواحه على بقرة حاحا النطاحه والبقره حلوب تحلب قنطار http://store2.up-00.com/Mar11/lOC72386.gif لكن مسلوب من أهل الدار والدار بصحاب وحداشر باب http://store2.up-00.com/Mar11/lOC72386.gif غير السراديب وجحورالديب وبيبان الدار وف يوم معلوم عملوها الروم زقوا الترباس http://store2.up-00.com/Mar11/lOC72386.gif هربوا الحراس دخلوا الخواجات شفطوا اللبنات والبقره تنادي وتقول ياولادي http://store2.up-00.com/Mar11/lOC72386.gif وولاد الشوم رايحين في النوم البقره انقهرت في القهر انصهرت وقعت في البير سألوا النواطير طب وقعت ليه http://store2.up-00.com/Mar11/lOC72386.gif وقعت من الخوف والخوف ييجي من ايه من عدم الشوف http://store2.up-00.com/Mar11/lOC72386.gif وقعت من الجوع ومن الراحه البقره السمرا النطاحه ناحت مواويل النواحه على حاحا http://store2.up-00.com/Mar11/lOC72386.gif وعلى بقرة حاحا حبيبي يامجرم ياسافل يادون يارب السوابق يارد السجون رزالتك معاهم http://store2.up-00.com/Mar11/lOC72386.gif ونمك عليهم دا زائد جنانك ونعم الجنون جابولي وجابولك وياما يجيبوا لنا http://store2.up-00.com/Mar11/lOC72386.gif لأن البلد دي حاكمها القانون توقع مابيني وما بين الحكومة؟ دي برضك حكومة وانا ايش اكون http://store2.up-00.com/Mar11/lOC72386.gif أديك رحت مورته وحتروح بشرطه وحيفسحوك في جميع السجون http://store2.up-00.com/Mar11/lOC72386.gif وانا مش ح ازورك كما كنت فاهم ولاكنت فاهم http://store2.up-00.com/Mar11/lOC72386.gif الحمام الامري http://store2.up-00.com/Mar11/ftl72386.gif الحمام الامري صبح ع البناني قابل الصبح النور بالاغاني والمعاني الحلوه رنت في الخميله الصاحيه غنت والقلوب القاسيه حنت للأماني كنت فين يافجر غايب كنت فين والسؤال ف عنيه دايب دمعتين والساعات في الليل طويله ع السهاري في الخميله والاغاني كل ليله ولسه تاني http://store2.up-00.com/Mar11/lOC72386.gif الأولة بلدي http://store2.up-00.com/Mar11/ftl72386.gif الأولة بلدي و الثانية بلدي و الثالثة بلدي الأولة بلدي باسلطن جو موالي و دا الموصوف و الثانية بلدي باقول الكلمة بالعالي و ع المكشوف و الثالثة بلدي ياكنزي و عزوتي و مالي و ملو الشوف http://store2.up-00.com/Mar11/lOC72386.gif الأولة بلدي باسلطن جو موالي و دا الموصوف دوا العيــــــــــــــــــــان و الثانية بلدي باقول الكلمة بالعالي و ع المكشوف و ف المليـــــــــــــــان و الثالثة بلدي ياكنزي و عزوتي و مالي و ملو الشوف آوانـــــــــــــــــــــك آن http://store2.up-00.com/Mar11/lOC72386.gif تحدي الحد يا بلدي ما بين الحق و البهتان و رايتك تعلا يا بلدي دليل عن صحة البنيان و دا الموصوف و الاولة بلدي و الثانية بلدي و الثالثة بلدي http://store2.up-00.com/Mar11/lOC72386.gif التوبة http://store2.up-00.com/Mar11/ftl72386.gif أتوب ازاي و أنا أيوب رماني الوعد و المكتوب سنين ماشي ورا الأفكار على كفوف القدم دوار لاخليت ف الدروب مشوار و لا فوق الورق مكتوب و أتوب ازاي http://store2.up-00.com/Mar11/LTr72386.gif رماني الشوق مشيت سواح أغني و ماو قلبي جراح على يميني شجر صبار على اشمالي مفيش أشجار على قلبي الهوى جبار و بات غالب و أنا المغلوب و أتوب ازاي رماني الشوق مشيت حادي حدايا و غنوتي بلادي يا عيني يا ليلي على انسان غريب الأهل وف الأوطان < http://store2.up-00.com/Mar11/LTr72386.gif الجدع جدع و الجبان جبان بينا يا جدع ننزل الميدان و الميدان بعيد عن جوف المدينة يا تار الشهيد ف الكنال و سينا بحري و الصعيد احنا أهله ادينا أصلب م الحديد ف الشدة تلاقينا بالنار و السلاح نرفع الكفاح فوق كل العواصف و هبوب الرياح يسبق الليالي و يجيب الصباح يهزم الهزيمة و يداوي الجراح http://store2.up-00.com/Mar11/LTr72386.gif عايزين الصباح ؟ قدامكو الميدان و الجدع جدع و الجبان جبان http://store2.up-00.com/Mar11/LTr72386.gif الخواجة الأمركاني http://store2.up-00.com/Mar11/ftl72386.gif الخواجة الأمركاني و السماسرة اللي وراه تخنوا بالكذب ودنه و عرضوله مقاس قفاه فهموه من غير ما يفهم ان سوق الشرق مغنم و الخواجة بطبعه مغشم و المصاري معفرتاه حب يعمل فيها تاجر http://store2.up-00.com/Mar11/lOC72386.gif http://store2.up-00.com/Mar11/av972386.gif و يطلق يسلب و ينهب ف الزباين بالنهار يحدف الدولار يلمه تلتميت مليون دولار بالقزايز و البنات باللبان و البومبونات بالمدافع و الدانات أو بأفلام الرعات قول بقى تاجر و فاجر http://store2.up-00.com/Mar11/lOC72386.gif http://store2.up-00.com/Mar11/av972386.gif و انفلت لص المواشي رعب ماشي ف البلاد يشفط البترول و يطرش كل ألوان الفساد عزرائيل من غير فرامل يقلب العرسان أرامل حتى ف بطون الحوامل كان يدبح الحياة بالسناكي و الخناجر http://store2.up-00.com/Mar11/lOC72386.gif http://store2.up-00.com/Mar11/av972386.gif و النهاية يا خواجة من ف يوم كانت بداية ؟ البداية برضه لازم بيجي يوم توصل نهاية مهما زاد الرأسمال الهلاك هو المآل و التاريخ هو اللي قال لعبت الموت ف الحيات يسحب الروح ف الحناجر http://store2.up-00.com/Mar11/lOC72386.gif http://store2.up-00.com/Mar11/av972386.gif الربيع http://store2.up-00.com/Mar11/ftl72386.gif يطوف الربيع صغير بديع و ينهي المطاف اذا العدل طاف و شاف الجميع http://store2.up-00.com/Mar11/LTr72386.gif http://store2.up-00.com/Mar11/av972386.gif تعيش الزهور اذا الدنيا نور و تملا الخمايل http://store2.up-00.com/Mar11/LTr72386.gif http://store2.up-00.com/Mar11/av972386.gif و تطرح مودة عدد كل وردة و تعمل عمايل أحبك يا بلدي و أحبك ربيع شبابك مصحصح و جوك بديع http://store2.up-00.com/Mar11/LTr72386.gif http://store2.up-00.com/Mar11/av972386.gif و نيلك موافي لحد الحوافي يسافر يوافي و يسقي العطاش شجر تمر حنة و شجر دقن الباشا http://store2.up-00.com/Mar11/LTr72386.gif http://store2.up-00.com/Mar11/av972386.gif و تخضر أرضك بطولك وعرضك و تعلا السنابل و تكسي الغيطان و تشدي البلابل و تملا الودان يا مصر انت جنة ربيعك فتنا مشاتل مشاتل سنابل و حنة http://store2.up-00.com/Mar11/LTr72386.gif مجرد أماني ياقلبي يا والع مدام انت ثاني مخضر و طالع بلون الربيع يطوف الربيع صغير بديع و ينهي المطاف اذا العدل طاف و شاف الجميع http://store2.up-00.com/Mar11/LTr72386.gif http://store2.up-00.com/Mar11/av972386.gif السندباد حكيم عليم مخلص جسور طاير على جناح العصور داير كما يدور الدولاب و را التاريخ من الجدور http://store2.up-00.com/Mar11/av972386.gif http://store2.up-00.com/Mar11/lOC72386.gif يطلع جبال يقطع شعاب يغوص ف أغوار البحور http://store2.up-00.com/Mar11/av972386.gif http://store2.up-00.com/Mar11/lOC72386.gif ينبش بعينه ف الكتاب يقر الشواهد ع القبور http://store2.up-00.com/Mar11/av972386.gif http://store2.up-00.com/Mar11/lOC72386.gif و لما عاد السندباد رمى السلام و قال كلام و اسمع كلامه و حلله تلقاه بسيط من أوله تعمل حويط و تأوله تطلع غشيم قال الحكيم http://store2.up-00.com/Mar11/av972386.gif http://store2.up-00.com/Mar11/lOC72386.gif العمر ماشي و كل ماشي و له مداه و كل فرد و له بدايته و منتهاه الشعب هو الباقي حي هو اللي كان هو اللي جي طوفان شديد لكن رشيد يقدر يعيد صنع الحياة http://store2.up-00.com/Mar11/av972386.gif http://store2.up-00.com/Mar11/lOC72386.gif و الشعب لما يقول يا أصحاب العقول نسمع و نوعى و نحترم صوت الاله http://store2.up-00.com/Mar11/lOC72386.gif الشربة العجيبة http://store2.up-00.com/Mar11/ftl72386.gif البلي بم بم والبلي باه قالك ايه http://store2.up-00.com/Mar11/lOC72386.gif قالك آه شربة عجيبة من تركيبة بلدي يابلد البلي بلي با قالك ايه قالك آه http://store2.up-00.com/Mar11/LTr72386.gif شوف يا مواطن شوف يا أمير واسبق شوفك بالتفكير http://store2.up-00.com/Mar11/lOC72386.gif ناس بيقولو السرف بير آدي البير و آدي غطاه و البلي بم بم http://store2.up-00.com/Mar11/LTr72386.gif والبلي باه قالك ايه قالك آه قالك كل الفول بيقوّت قالك حشو المعدة يموت http://store2.up-00.com/Mar11/lOC72386.gif قالّك صهين قالك فوّت كل دا كذب اناس كاشفاه زي ماكشفو البلي بلي باه http://store2.up-00.com/Mar11/LTr72386.gif قالك ايه قالك آه قالك يا مواطن يا ولداه زاده الفول لازم تلقاه http://store2.up-00.com/Mar11/lOC72386.gif عنده البنكرياس بطال و الامساك فوق الاسهال عنده الرهقة http://store2.up-00.com/Mar11/LTr72386.gif عنده الدوخة عنده انيميا عنده عيال http://store2.up-00.com/Mar11/lOC72386.gif قالك ثم الجهل مصيبة مولّف ويا العيا تركيبة تشرب منها تعطش تاني تشرب تعطش تشرب تاني تعطش تشرب خمسة ف ستة مية نار لو طالت جتة http://store2.up-00.com/Mar11/lOC72386.gif لازم تلحس أسمن حتة يعني العقل يا خلق الله آدي البير و آدي غطاه http://store2.up-00.com/Mar11/LTr72386.gif البلي بم بم والبلي باه قالك ايه قالك آه http://store2.up-00.com/Mar11/lOC72386.gif قالك تصبر ع المكتوب زي ما صبر النبي ايوب يعني تسليم للميكروب ياخد رزقه ـبفضل الله ـ يفضل ينحل وبرك لما تتفرط من وسط اللمة http://store2.up-00.com/Mar11/lOC72386.gif خايخ ينخب السوس ف عضاك خلا قوايمك ماهي شيلات ويعالجوك الناس بالصبر http://store2.up-00.com/Mar11/LTr72386.gif مع انك عيان بالصبر قومك صبر نومك صبر لحد القبر يا حول الله http://store2.up-00.com/Mar11/lOC72386.gif وحياتك م الدار للنار تتولف عند العطار يسقيك الحكمة ف اشعار ويركب م الصبر دواره http://store2.up-00.com/Mar11/LTr72386.gif وتقربع والداء عمال ف عصام الابعد نحال http://store2.up-00.com/Mar11/lOC72386.gif وتخلف للبوس عيال وبهيه صبية ياولداه آدي البير وآدي غطاه والبلي بم بم والبلي باه قالك ايه قالك آه بعد الكشف بميكروسكوب http://store2.up-00.com/Mar11/lOC72386.gif شفنا التوب وما تحت التوب تشكيلة امراض عشناها واليكم في اللآتي دواها وصفة عجيبة من تركيبة بلدي http://store2.up-00.com/Mar11/LTr72386.gif يا بلد البلي بلي باه قالك ايه قالك آه http://store2.up-00.com/Mar11/lOC72386.gif وجع الراس جنعلجه بايه قالك تدي التاس القوت قالك طب والجهل يابيه http://store2.up-00.com/Mar11/LTr72386.gif قالك سيب الكمة تفوت فالك طب حتفوت الزاي قالك لما الضلمة تموت طب الضلمة تموت من ايه http://store2.up-00.com/Mar11/lOC72386.gif قالك لازم بالنبوت والنبوت حنجيبه منين قالك لما نهز التوت قالك قدر خفنا نهز قالك نشرب صبغة يوت حتطهر ايوب من صبره http://store2.up-00.com/Mar11/LTr72386.gif وتفجز كبد المكبوت وتفوق يونس من نومه ويفلفص من بطن الحوت آدي البير آدي غطاه http://store2.up-00.com/Mar11/lOC72386.gif وآدي وجعنا وآدي دواه البلي بم بم والبلي باه قالك ايه قالك آه http://store2.up-00.com/Mar11/lOC72386.gif الشيخ امام دور يا كلام على كيفك دور خلي بلدنا تعوم ف النور ارمي الملمة ف بطن الظلمة تحبل سلمى و تولد نور يكشف عيبنا و يلهبنا لسعة ف لسعة نهب نثور دور يا كلام على كيفك دور عم دياب شايل غاب و مسوح ف بلاد الناس من شوق نوله يعزل قوله و يغني مرفوع الراس بلدي يا نبع النور سلسال يسقي الفكرة للأجيال بلدي يالقمة عيش يا حلال ع الأكالة و ع الأكال يا أم النيل سايل مواويل كل مغني و له موال و أنا أرغولي لما يمول سوى ف الأخر سوى ف الأول مش حيغني الا يا مصر يا ركوبة ركاب النصر سرقوكي سكان القصر و الضابط عبد المأمور دور يا كلام على كيفك دور الطنبور زهر الجناين طرح و العتر مش واحد مع ان أصل الشجر طالع ف غيط واحد و الحب لما انبدر مسقي بماء واحد عجبي على فرعين كان أصلهم واحد واحد عرز ف الطين و اللي سرح واحد و الورد لما انقطف يا رب يا واحد ريحت بيه أولوفات و اللي تعب واحد بسيطة جاوي جاوي رواية المجالة مليحة جاوي جاوي للي ما نايمشي طويلة جاوي جاوي حكاية الرسالة جريبة جاوي جاوي و انت ما عالمشي مد الخطوة و امشي تلجى الصعب فات غير الله ما دامش و كل حي مات و ان كنت ناصح و فهمت المجالة مهمها يا ابني للي ما فاهمشي بسيطة كيف الدنيا لف و دور يا طنبور هم شوية خلي المية تغطي البور معدودة الخطاوي رايحة و لا جاية ما يملكشي خوفك ع الدنيا الدنية جول الكلمة عالي بالصوت البلالي جول ان العدالة دين الانسانية كامش و خايف فرج الشفايف هو العمر واحد و لا العمر مية و ان كنت ناصح و فهمت المجالة فهمها يا ابني للمفهمشي بسيطة كيف الدنيا لف و دور يا طنبور هم شوية خل المية تغطي البور المولى خالجنا بالعدل و ناشينا طل ف خلجة تلجاه بالعجل مساوينا و منور طريجنا من فضله و هادينا بالنور اللي طالل من غرة نبينا جن الليل غوانا و مشينا ف عمانا و نسينا شارعنل و تهنل ف المدينة و ان كنت ناصح و فهمت المجالة فهمها يا يا ابني للي ما فهمشي بسيطة كيف الدنيا لف و دور يا طنبور هم شوية خلي المية تغطي البور يا مودر شبابك بسنين العذاب بين وهم الأماني و الصبر اللي شاب صبر ع المساوي بيزيد البلاوي تبجى انت المصيبة و تبجى انت المصاب يا ويلك بصبرك ع الظالم و ظلمه ف الدنيا و يويلك من يوم الحساب و ان كنت ناصح و فهمت المجالة فهمها يا يا ابني للي ما فهمشي بسيطة كيف الدنيا لف و دور يا طنبور هم شوية خلي المية تغطي البور http://store2.up-00.com/Mar11/lOC72386.gif الغربة يا غربة روحي روحي لا تحطي على سطوحي و سطوحي يطلع فدان و الفدان يحتاج مروى و المروى عرق الانسان و الانسان يحتاج ثروة و الثروة ف غيط الفلاح و العامل صاحب المفتاح و المفتاح يفتح جنة و الجنة فيها الحنة يا حنة يا محنية عشقوكي الجناينية زرعوكي خضرة خضرة م البدرة للقطفية و عجنوكي حمرة حمرة للسمرة و الخمرية و السمرة طرحت بستان و البستان لا بس فستان و الفستان طاقه طاقه أحمر أخضر يا رفاقه و رفاقي يا كل الناس من كل الناس و الأجناس ع الحنة واقفين حراس و الحنة على سطوحي يا غربت روحي روحي http://store2.up-00.com/Mar11/lOC72386.gif الفاعل دللي الشيكارة دنب الشيكارة واجعد يا حفني ولع لك سيدارة فكر شوية في العيشة دية ايه الجضية.. ايه العبارة من صغر سني شجيان لكني مالط سني غير البصارة ودخلت حارة من دوه حارة وف كل حارة عليت عمارة وسط المعاول بنا و مناول بس المجاول كلني بشطارة و لا خلا صرة و لا لجمة حرة و العيشة مرة آخر مرارة http://store2.up-00.com/Mar11/lOC72386.gif الفوازير شاعر بيتخن من بوزه ممكن تخوف به عيالك نازل يقزقز أزا أوزو حتتك يمينك وشمالك بقي مليونير واللي يعوزه يلقاه في إيده عقبالك وخلي بالك من زوزو وخلي زوزو من بالك يا ولية عيب اختشي ياشبة إيد الهون دانتي اللي زيك مشي يامرضعة قلاوون مدحتي عشرين ملك وميت وزير ورئيس مروان وعبد الملك والمفتري وعتريس بتغني بالزمبلك ؟ ولا انتي صوت إبليس من أول المبتدأ حتي نهاية الكون؟ http://store2.up-00.com/Mar11/lOC72386.gif اللورد بن اللورد بن اللورد ابن اللورد متأصل في الثروة لا أونا سيس ولا فورد حيطبق بسلامته قوانين لا شتراكيه ويدافع (( من عشمه )) عن صوت الحريه واهي كوسه علي باميا علي قرع استامبوللي بتفرع يا بلدنا علي وش التسقيه http://store2.up-00.com/Mar11/lOC72386.gif سكرتير عموم مصر وافهم كلامي تعدد مناصبه ولا تنتهيش وجيه بالوراثه وجاهل عصامي جمع جهل طايل وإيه ؟ من مفيش وكان أصله ظابط وحول حرامي ويكتب أدب بس ما يتقريش http://store2.up-00.com/Mar11/lOC72386.gif لماليمو الشخلوعه http://store2.up-00.com/Mar11/ftl72386.gif الدلوعه الكتكوت الليله حيتنهد ويغني ويموت يشيلوه قال علي لندن علشان جده هناك من بعد ما يتلايم علي دخل الشباك ويهرب أموالك ويقولك أهواك يا شعب يا متلوع ع الهدمة وع القوت ينسونه المتبعتر ما لقاش أب يلمه إبن امه بس امه كانت اجدع من أمه باع نفسه بخسارة ما قابلش المعايرجي كان مالك أفكاره واتعين تفكيرجي والحاجه اللي تحير طب إيه اللي اتغير كان كاتب سرايرجي واتحول شماشرجي http://store2.up-00.com/Mar11/lOC72386.gif يكون في عون الصحافه http://store2.up-00.com/Mar11/ftl72386.gif الله يكون في العون لمالك يا دود القرافة يا رمه يا ملعون ينهش لحوم الفرايس في الضلمه يا وطواط والكلمه عندك بضاعة أما الشرف مطاط بريئه منك بلدنا مسلمين واقباط ولا انت موسي ولا انت من كلاب فرعون http://store2.up-00.com/Mar11/lOC72386.gif مجاول وشاعر http://store2.up-00.com/Mar11/ftl72386.gif وبياع ملوحه وتاجر غناوي وسمسار بنات نعيمه وزكيه وعطيات وتوحه ومخبر مودك علي التجريرات حضر من بلدهم بمقطف ملوحه جبر واشتراله تلات تاكسيهات يتوب علي دي البلد منك وأمثالك ما عدش لينا جلد علي سو أفعالك الفن للمعركه عبيته في البلا ليص وصحافة المعركه في الكدب والتهجيص ومليت طريق الهرم يا *** بالتعريص ما دام ما فيش للهرم صاحب هنيا لك http://store2.up-00.com/Mar11/lOC72386.gif لأن الصراحه ف بلدنا قليله http://store2.up-00.com/Mar11/ftl72386.gif بفضل المباحث وأدب الرموز جعلها اللئيم ابن بنت اللئيمه شعار يرمي تحته السموم كيف يعوز وبهدل اصول الصراحة العظيمه وخلا الندوب في الحقايق يزور وحرم وحلل وكتر وقلل وسمى القبيله الذليله حليمه وقال ع السكوت ع الهزيمه يجوز ؟ http://store2.up-00.com/Mar11/lOC72386.gif الفول وا للحمة http://store2.up-00.com/Mar11/ftl72386.gif عن موضوع الفول واللحمة صرح مصدر قال مسئول ان الطب اتقدم جدا والدكتور محسن بيقول ان الشعب المصري خصوصا من مصلحته يقرش فول حيث الفول المصري عموما يجعل من بني ادم غول تأكل فخده في ربع زكيبه والدكتور محسن مسئول يديك طاقة وقوة عجيبة تسمن جدا تبقى مهول ثم اضاف الدكتور محسن ان اللحمه دي سم أكيد بتزود أوجاع المعدة وتعود على طولة الايد وتنيم بني ادم وتفرقع منه المواعيد واللي بياكلوا اللحمة عموما حيخشوا جهنم تأبيد يادكتور محسن يامزقلط يامصدر ياغير مسئول حيث ان انتو عقول العالم والعالم محتاج لعقول مارأى جنابك وجنابهم فيه واحد مجنون بيقول احنا سيبونا نموت باللحمة وانتو تعيشوا وتاكلوا الفول مارأيك ياكابتن محسن مش بالذمة كلام معقول http://store2.up-00.com/Mar11/lOC72386.gif القضية http://store2.up-00.com/Mar11/ftl72386.gif الحكاية والرواية و القضية والجناية و الفانلة ف الجونلة و المخدة ف الملاية و الارادة بالشطارة و الخسارة ع التكايا و الأمين مهلباتي و الأمانة مهلباية و الصحافة مهلبية و الاذاعة يا ضناية ألف ليلة وليلة تندب ع الهوى و تقول هوايا و المشايخ كل شايخ ف الفساد يهدي الهدايا و القناعة للجواععى و البضاعة للهبايا و البوليس ف اليغمة طايح بالطبنجة و العصاية ديب غريب من غير كمامة يهبش التوب و العباية و القضية يا قضايا بالمكايد و الوشاية دبروها و فصلوها بالمقاس لبست قضايا و العدالة بالندالة عطلوها و هي جاية و الحكاية و الرواية و القضية و الجناية الحكاية عايزة قعدة و الكلام ملوش نهاية الحكاية ان البلد مش ملك ناسها و الخلايق ف البلد مش مالكة راسها و البلد أصلا بلدنا مش عليلة البلد علتها جاية من خرستها شوف يا صاحبي ما انت شايف كل حاجة بس خايف الحقيقة بنت كلمة و الكلام لازم يدور سندباد مواله عالي ف المداين .. و الكفور الكلام الكلام يكسر القيد و اللجام الكلام الكلام يدفع الناس للأمام شوف يا صاحبي هي كلمة دايرة ف وسط الزحام البلد مش عايزة قعدة و كل منهو بكلمتين البلد عايزة المجاهدة باللسان و بالادين كلنا و من غير معهادة للبلد علينا دين يكبسونا يحبسونا يضربونا كرباجين البلد سامعة و شاهدة و كل خرم قصاده عين http://store2.up-00.com/Mar11/lOC72386.gif المرجيحة http://store2.up-00.com/Mar11/ftl72386.gif يا عم ادريس يا عم ادريس يا بو المرجيحة و القواديس ما جاش الدور عشان يطلع قادوس لفوق وابوس النور و اطفي للعلالي شوق و أغني ف الهوا موال على ورد الخدود و الخال و أدوق الحب سحر حلال و أشوف الدنيا و أبقى عريس يا عم ادريس يا عم ادريس يا عم ادريس علي الدور ادور و اطلع مع الطالعين كفاية سنين يا عم ادريس يا عم ادريس كفاية سنين و انا و عيال كما العصافير رفاقة كلنا و فرافير يا دوب يعلا الجناح بينا يعدينا القادوس و يطير و نرجع تاني لا فرحنا و لا عرفنا الطريق من فين و جينا زي ما رحنا حيارى و محرومين لتنين نداوي بالقنا جرحنا و نرمي اللوم على الجناحين و جرح النفس له وجعين يبكي القلب قبل العين و قاضي الحظ له شرعين لأهل البخت و المتـــاعيس يا عم ادريس يا عم ادريس و آه بختنا يشوفنا و نرمي الوهر يدينا و قاضي الحظ ينصفنا و يحكم بالأمل لينا و نتمرجح على كيفنا و ينساب القادوس بينا ياخودنا بعيد و يحدفنا و عند الشمس يرمينا و يبقى الجو هليلة تلعلع فيه غناوينا و نبدر ف الهوا حبه تقول للهم يتجنى و ترقص ف الفضا القواديس يا عم ادريس يا عم ادريس http://store2.up-00.com/Mar11/lOC72386.gif http://store2.up-00.com/Mar11/lOC72386.gif http://store2.up-00.com/Mar11/ZAn76432.gif |
اصلى ياض يا حمادة
|
اقتباس:
تعليمك يا استاذ |
تسلمـ يا احمـد
:icecream::icecream: |
تــوبيــك زى الفــل
تســلم يــا ريــس |
شكرا على مروركم يا احمد انتا واسلام
تحياتى :mf_cupid::mf_cupid: |
شكراااا
|
شكرا ع الموضوع الجميل ده
|
موضوع ممتاز
|
شكرا يا واد
تسلم على مجهودك |
بجد شكرا على الكلام الجميل ده وانا لو بتعب بتعب علشان مين غيركم
تحياتى |
| الساعة الآن 02:25 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.