الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   ضحكه لقلبك 2 (https://silkroad4arab.com/vb/showthread.php?t=325639)

TrueLove 29-03-2011 03:29 PM

ضحكه لقلبك 2
 
كما عودناكم على الضحك والفرفشه جايبلكم شويه نكت مسخره لاحلى اعضاء واحلى منتدى وارجو ان تنال اعجابكم بس المره اكتر شويه عشان لقيت فى اقبال على الموضوع:worthy:

مرة واحد مسطول قابل واحد مسطول قالة تعرف ليه بيحطة الشاى وعلية شوية لبن قالة يا عبيط علشان التفل يرضع


مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت


مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب



اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.


مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه


واحد غبي رجع من السفر لقى الشقة مليانه صراصير.. غير قفل الباب



مرة واحد محشش لقي كنز قال: كويس فاضل الخريطة!!


مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك


مرة واحد غبى واقف في الشارع وبيتكلم فى المحمول وعمال يزعق ويقول : بس دورى تانى...معلش دورى كويس ..واحد معدى فى الشارع سأله : فيه ايه؟؟ راح واخد المحمول منه وبيسمع .. لقى (الرقم الذى طلبته غير موجود بالخدمة من فضلك اعد المحاوله)



إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض



مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما



مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"


واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."



وكده اكون خلصت وشكرا مستنى الردود الحلوه سلام :queenie::icecream:

TrueLove 29-03-2011 03:32 PM

up

TrueLove 29-03-2011 03:38 PM

up

ahmedsyko 29-03-2011 04:14 PM

up

_Smile2Hell_ 29-03-2011 04:22 PM

جامده -.-" مفيش ردود ليه؟ٍّ

kigo 29-03-2011 04:51 PM

علي فكره يا باشا النكت مش حلوه بس الق شكر علي مجهودك

lmmortaI 29-03-2011 05:04 PM

اقتباس:

المشاركة الأصلية كتبت بواسطة kigo (المشاركة 3248516)
علي فكره يا باشا النكت مش حلوه بس الق شكر علي مجهودك

+1

Mr.MiDo 29-03-2011 05:05 PM

:teehee: نكت حلوه تسلم يا باشا

Menato 29-03-2011 05:15 PM

يا جماعة النكت حلوة جامدةة شكرا يا برنس

elmor3b0 29-03-2011 05:43 PM

:queenie::queenie::queenie::queenie::queenie: nice ncie

PhantomSoft 29-03-2011 05:57 PM

اقتباس:

المشاركة الأصلية كتبت بواسطة kigo (المشاركة 3248516)
علي فكره يا باشا النكت مش حلوه بس الق شكر علي مجهودك

ليه كدة ياض يا خالد والله نكت جامد وشكرا يا باشا علي مجهودك

ReV0LuTi0n 29-03-2011 06:02 PM

Omg! انا كنت هموت على نفسى من الضحك:jawdrop:

S_Unknown_S 29-03-2011 06:11 PM

Nice

UltraSonic 29-03-2011 07:06 PM

:S مشكور

Killer99 29-03-2011 07:15 PM

هههههههههه :)


الساعة الآن 05:32 AM.

Powered by vBulletin® Version 3.8.11
Copyright ©2000 - 2026, vBulletin Solutions, Inc.