|
مشكله السيرفرات Full وال gold bots
ياجماعه لازم نلاقي حل للمشكله دي مينفعش كدا جوي ماكس بتتجاهل الريبورتات بتاعتنا دا حتى مبيرسلوش ميل انهم استلمو او قرو او انهم حتى هيفكرو في الموضوع وغير كدا انا عملت بدل الموضوع 10 في المنتدى بتاعهم كمان لاحد بيرد ولا حد بيسأل والسيرفرات بقت لاتطاق نهائيا انا كل مايحصلي دي سي ازهق واسيب الجيم بجد وبقول بعد شويه يهدى ولو فتحتو موقع Rev6 وشفتو الكاباسيتي خياليه بعد الابديت كان اقصى عدد في كل سيرفر الف لاعب معناه ان في 2500 جولد بوت في كل سيرفر واحنا مش عارفين ندخل بسببهم دا لومكانوش اكتر ياجماعه لازم نلاقي حل اكيد في لوواحد عالاقل في المنتدى هنا يعرف اي حد من الجي ام بتوع اللعبه ولا السابورت ولا اي حاجه ياجماعه اتصرفو بجد احنا جبنا اخرنا ولو قلنا نقاطع مش هنقاطع احنا هنسيبها خالص المقاطعه مش هتجيب نتيجه لان هيرجعو تاني احنا عاوزين حل فعلا ونهائي ياريت تتصرفو بسرعه ماهوا مش معقول هنشتري بريميم كل شهر ب 250 سيلك ولانروح نشتري اس بوت ب 300 جنيه علشان ندخل براحتنا كل مايجيلنا دي سي انا مره وصلت معايا المحاولات 650 محاوله علشان ادخل سيرفر ميركوري :weeping::weeping: بجد زهقت |
متتعبش نفسك
علشان الجولد بوت ده مصلحه للجى ام ثانيا زى منتا اولت هما مش بيعبرو حد |
كلنا بنحاول نخش
هنعمل ايه بس :confused: |
مصلحه ال GM ان السيرفرات تفضل Full على طول
و الناس تجيب Premuim و تشترى سيلك , اما حوار انها كانت فاضيه ده علشان Joymax فقد ناس كتير و عاوزه ترجعهم . |
اقتباس:
|
هنعمل ايه بس انا بردو معاك على سيرفر MerCury
|
طيب ما احنا على كدا بقا ليه نروح ندفع فلوس في سيلك اصلا بشكل عام واحنا مش هنعرف ندخل السيرفر يعني البيشحن 250 سيلك دا مره علشان يشتري بريميم ويدخل مرتاح ولا يشحن 500 ويشتري حاجات عاديه ويدخل منغير بريميم لو هما تفكيرهم كدا فعلا يبقا هما الخسرانين لان في ناس بتشتري سيلك كتير بس بيستخدموه في حاجات تانيه غير البريميم لكن كدا لاهيطولو منهم ابيض ولا اسود كفايه اللاج الجوا السيرفر بسبب انو فل 24 ساعه ولا ايه الفايده حتى اشتري بريميم وانا اصلا كل 5 دقايق يحصلي دي سي بسبب ان السيرفر فل والكاباسيتي بتاعتو عالاخر وبيبدأ يطرد عشوائي اي لاعب كل مايعدي ال3500 والله حرام البيحصل دا على كدا نسيب اللعبه خالص بقا ونوفر فلوسنا واعصابنا :weeping: |
انا هبيع بطاط ولب وترمس كمان انا فى اليوم بحاول ادخل بتاع 7 الاف مره ولما ادخل القينى طلعت بعد 10 دقايق ومعايه اس بوت بس مفلس على البريمر كلووووو زبادى خلاص يا برنجى
ياما تدفع يام تخلع lol |
انا من رايى ان احنا نعلن يوم محدش يخش اللعبه ونعرف الشركه بده ويستمر اللانقطاع لحد مايشوفوا حل
|
حل جميل وانا معاك بس عوزين كلام رجاله فعلا يا جماعه
ومازلت ابيع بطاطا ولب وترمس كمان :d |
الحل الأمثل للحوار دا اننا نسيب الجيم ونشوف جيم تانيه
الفرق بين سيلك رود وأي جيم تانيه سيلك رود : حرق أعصاب - تضييع وقت في دخول اللعبه وبعد الابديت الرخم دا بيقولولك وش روح اشتري جولد لان الوسيلة الوحيده اللى كانت بتجيب جولد شرعي في الجيم هيا التريد والوقتي التريد اتلغي يعنى مافيش حل ادامك عشان تجيب جولد الا انك تروح تشتري من شركات الجولد بوت أي لعبة تانيه : دخول عادي - متعة - تسلية ... مافيش مخالفات بالهبل زي سيلك رود انا عن نفسي خدت القرار النهارده اني ابطل اللعبه الهبله دي واشوف لعبه تانيه مسلية ومسحت الجيم من علي جهازي كل اللي صعبان عليا في سيلك رود الصداقات الى عملتها بس لا اكتر ولا أقل بس هشوف جيم تانيه وهجيبهم معايا شكراااااا |
سورى انا مختلف شوية عن الاراء دى بس تعالو بصو كدة على حاجة صغيرة كلنا بنقول ان الجولد بوت هما الى زحمين
السرفر ماشى كلام جميل بس حضرتك كدة تعالى بص مثلا على ال rev6 هتلاقى النص الى تحت هو الى بالاحمر وكلو full والنص الى فوق كلو اخضر ومستنى دبانة نخش عارفين لية بيحصل كدة لان كل واحد جديد اتعلم يلعب سلك رود لازم يعنى لازم يلعب فى السرفر بتاع منتطقتو اة ماشى دى حاجة كويسة عشان نتشارك كلنا فى المتعة بس دى هى الى بوظت الجيم لو كل واحد جديد دخل على سرفر جديد ماكنش حصل كدة وانا واثق من كلامى والدليل مش محتاج حد يقولو حضرتك افتح ال rev6 وشوف الفرق بين السرفرات الجى ام عمال يعملكو سرفرات جديدة وانتو ولا هنا والله الناس عملت الى عليها وجبتلكو من الاخر اظن عرفتو الحل اية لو كل سرفر شال نص الناس الى فى _lvl 60 مثلا وراحو سرفر جديد كانت اتحلت واسف على الاطالة ودى وجهة نظرى |
| الساعة الآن 05:45 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.