الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   ادخل شوف اخرت المظاهرات (https://silkroad4arab.com/vb/showthread.php?t=313691)

lil romeo 24-02-2011 09:20 AM

ادخل شوف اخرت المظاهرات
 
"شباب التغيير" يطالبون البرادعى بالترشح لانتخابات الرئاسة

طالب شباب التغيير على جروب البرادعى رئيسا 2011 والذين يبلغ عددهم نحو 243 ألفاً والحملة المستقلة لدعم البرادعى ومطالب التغيير "لازم"، من الدكتور محمد البرادعى المدير السابق للوكالة الدولية للطاقة الذرية الترشح لانتخابات الرئاسة القادمة فى خطاب وجه إليه.
وحملت الرسالة شكر للبرادعى، على ما بذله خلال الفترة الماضية لدعم مسيرة التغيير.

وجاء نص الرسالة التى أرسلها الشباب إلى الدكتور محمد البرادعى:
السيد الدكتور\ محمد البرادعى
تحية طيبة وبعد....
منذ عام أو يزيد كانت رسالتنا الأولى لك بعد تأسيس جروب البرادعى رئيسا 2011 على الفيس بوك نحن شباب مصر الأوفياء، الذين أقلقهم حالها وأحزنهم ما وصل إليه مآلها.. وعزموا على أن يبذلوا الغالى والرخيص فى سبيلها..

وأملوا فيك خيراً أن تخوض معهم غمار هذه المعركة المصيرية فى سبيل تحرير الوطن..
وكنت عند ظننا بك فلم تخلفه.. فاستجبت لنا.. وقدمت إلى وطنك وأديت واجبك بما تمليه عليك الظروف والقيود..

وتجاوزت فى سبيل ذلك بكل شجاعة وتفان كل العراقيل التى وضعت فى طريقك.. تحملت مالا يتحمله إلا الرجال..

شوهوا سمعتك.. خاضوا فى عرضك.. أهانوا تاريخك .. كذبوا على لسانك بما لم تقل..

حاربوك بكل وسائلهم الرخيصة والقذرة ولكنك كنت كما الفارس النبيل لا يترجل عن ظهر جواده إلا فى نهاية السباق ولا يلتفت إلى الصغائر والتوافه من الناس والأمور ولا ينظر خلفه وإنما يبتسم لهم ويمضى فى طريقه واثق الخطى..

ربما لم تنل ما تستحقه من جزاء وتكريم بما قدمته لوطنك ولشعبك ولكن كن على يقين أن شرفاء مصر من شباب ورجال يعرفون جيدا ما قدمت لمصر والله شاهد على إخلاصك لوطنك..

وغدا يدرك الناس كم كنت وفيا وشجاعا وفارسا نبيلا خضت مع شباب مصر معركة غير متكافئة بالمرة..

لكنها كانت شريفة انتصر فيها الحق وزهق الباطل.. ونالت مصر فيها حريتها بعد سنين القيد والأسر.

اليوم نرسل نحن هذا الشباب الذى أرسل لكم منذ ما يزيد عن العام يطالبكم بالعودة مرة أخرى إلى وطنكم لتتحملوا مسؤوليتكم فى معركة الوطن جئنا اليوم وقد تضاعف عددنا وقدراتنا نطالبكم بالعودة مرة أخرى.. العودة إلى صدارة المشهد ولقيادة السفينة..

مصر لا تحتاج الآن لناصح أمين.. بل مصر تحتاج لقائد رزين يخبُر الحياة ويفهم كيف تقام الدول وتقوم الحضارات..

رجلٌ غير طامع فى سلطة ولا طالب شهرة ولا محتاج إلى نفوذ..

رجلٌ ضحى.. لا رجل يمتطى ظهر الثورة.. ويرتقى على جثث الشهداء الأطهار.. مصر الآن تحتاجك أكثر من أى وقت مضى..

فالظرف عصيب.. نحتاج فيه إلى تكاتف كل الشعب ليعيدوا بلدهم مرة أخرى ويصعدوا بها إلى القمة حيث مكانها..
مصر تحتاجك.. ولم نعلم عنك أنك خذلتها يوما.. بل إنك تحملت فى سبيلها ما لا يتحمله غيرك.

سيدى..
فلا يتخلى القبطان عن قيادته بعد عبوره بسفينته من العاصفة.. بل بعد وصوله بها لبر الأمان..
مصر الآن فى غمار بحر متلاطم الأمواج تحتاج إلى من يدير دفتها بحنكة وجرأة ليخرجها إلى هذا البر الذى نتمناه جميعا..

فى السفينة شرائح كثيرة..
منها من يكرهك ويحقد عليك ويريد أن ينزع عنك قيادتك ويرى بأنه الأحق بها..
فلا وقت للتنحى لهؤلاء الطامعين الذين سيغرقون أنفسهم وبقيه السفينة..
بالسفينة رجالٌ مخلصون لك وآخرون مستفيدون منك لا يتبعونك إلى لمصالحهم..
وهذا وقت نحتاج فيه إلى كل ذى مروءة وحب لوطنه كما نحتاج إلى إعلاء الوطن فوق المصالح والأغراض..
لا تنس الشباب الذين ضحوا كما ضحيت من أجل وطنهم ولنشر فكرك..
هم الأخلص لمصر ولك..
أرجو ألا أكون قد أطلت عليك..
ونعلم أنك لن تخذل مصر وتخذلنا..
قد سفينتك.. وسر بها وبنا إلى بر الأمان الذى نرجوه لمصرنا..
وتوكل على الله.. واحذر الخبثاء..


ديه اخرتها افرحوا بقى اهو سلم العراق لامريكا وهيسلمنا لاسرائيل
الثورة انقلبت ضدنا وسوف نرى ايام اكثر من الدمار وبداية عصر الانهيار

http://www.youm7.com/News.asp?NewsID...97&IssueID=154

شباب 6 ابريل 24-02-2011 09:33 AM

مع العلم اني مش بحب اللى اسمه البرادعي ده لكن :

يا سيدي الفاضل سواء البرادعي او غيره
اهم شيئ يكون انتخابات ديمقراطيه يشارك فيها الجميع
يعني مثلا لو البرادعي اخد اغلبية الاصوات يبقى نجح بالانتخاب من الشعب مش بالتزوير ولا بنسبة 99 %
صندوق الانتخاب هو الفيصل الوحيد بين انك تصوت للبرادعي او غيره
وساعتها تعرف قيسمة صوتك انك تقدر تنجح واحد او تصقطه

ومفيش حاجه اسمها تزوير بعد كدا لو الشعب عاوز حد هيجيبه بصندوق الانتخاب مش بالتزوير
صح ولا غلط


كريم احمد 24-02-2011 12:08 PM

ربنا معانا محدش بقي يحب البردعي غير قليل حتي الناس اللي كانت معاه معظمهم كرهوه 243 الف دول ميمثلوش حاجة ادام الناس اللي تقدر تنتخب ده حتي ما يكملوش الربع

ღ♥:: Beckham::♥ღ 24-02-2011 01:13 PM

الصراحة البرادعى ده مبينزليش من زور...بس البرادعى او غيره على العموم الشعب لو لقى اى حاجة مش عاجباه اهو عرف السكة ...وربنا يخلى ميدان التحرير

Sad_Angel 24-02-2011 01:14 PM

243 الف وخلاص فاكرينو هيمسك ده على اساس ان البلد مفيهاش غيرهم

Ali_Dayem 24-02-2011 02:00 PM

يل جدعان متشغلوش بالكو التحرير و القائد ابراهيم موجودين
والبرادعى مش حينجع طبعا لان الانتخبات حتكون نظيفة

شكرا لك و دمت فى عون الله

Sangero 24-02-2011 03:53 PM

اقتباس:

المشاركة الأصلية كتبت بواسطة Ali_Dayem (المشاركة 3123786)
يل جدعان متشغلوش بالكو التحرير و القائد ابراهيم موجودين
والبرادعى مش حينجع طبعا لان الانتخبات حتكون نظيفة

شكرا لك و دمت فى عون الله

هو كده

MoST_WanTeD 24-02-2011 04:12 PM

برادعي ده من اول ما ظهر وانا بقول انو مينفعش يمسك لانو معاش في مصر اصلن

Talented 24-02-2011 04:12 PM

البرادعى ده اسوء من مبارك 10000 مره

هو الى اعطى الضوء الاخضر لـ امريكا انها تخش العراق على ان العراق فيها اسلحه دمار شامل

والى كان واضح ان هدفهم هوا تدمير الجيش العراقى الى كان بيمثل ثانى اكبر خطر على اسرائيل بعد مصر

هو الى كان اكثر العملاء حبا لى امريكا

بيركب الموج وبس

EcW0 24-02-2011 04:18 PM

يا رجالة برادعى مين دة بس دة حسنى ارحم منة على الاقل دة عشاش جوة مصر 30 سنة وهو بيحكمها دة عاشت 30 سنة بره مصر 30 سنة وهو بخربها ده هو الى دخل اميريكا العراق ولا انتو مش عارفين انو مسول الطاقة النووية انتو عايزين تمسوكو مصر عشان تدخل امريكا وتبقى كملت... وشكرا على الموضوع

ღ♥_ akeml _♥ღ 24-02-2011 04:44 PM

يا راجل مين البرادعي دة اصل

BonBony 24-02-2011 05:33 PM

استغفر الله العظيم
ده الرجل إلي نادىبالتغير هو و وائل غنيم عنطريق جروب كلنا خالد سعيد و جروب البرادعي
وي الراجل إلي نزل وسط الشباب و حارب علشان مصر .. ده راجل من إلي رافعو علم مصر فوق .. ده راجل أخد نوبل في السلام يلي بتأول ضياع العراق
ده الراجل إلي وافق على عمل محطة نووية في مصر .. و علشان راجل مش محترم عاوز يطلع في الصورة اسمو مرتضى منصور بيقول كلام مش تمام
علشان يتقال مورتا قال .. إلي قال إن العدلي عاوزه يترفع عنو و رفض .. و العدلي قال محصلش .. لو إنت جتلك فرصة تشتغل في America بي مرتب 300.000$ شهرياً
هتقوللأ ؟ لولقيت بلدك بتبوظ حطنش ?.. على العموم ده رأيي .. والإختلاف في الرأي لايفسد في الود قضية

BonBony 24-02-2011 05:35 PM

اقتباس:

المشاركة الأصلية كتبت بواسطة sad_angel (المشاركة 3123668)
243 الف وخلاص فاكرينو هيمسك ده على اساس ان البلد مفيهاش غيرهم

243 ألف شخص في الجروب ^^

ღ♥:: Beckham::♥ღ 24-02-2011 05:50 PM

اقتباس:

المشاركة الأصلية كتبت بواسطة bonbony (المشاركة 3124509)
استغفر الله العظيم
ده الرجل إلي نادىبالتغير هو و وائل غنيم عنطريق جروب كلنا خالد سعيد و جروب البرادعي
وي الراجل إلي نزل وسط الشباب و حارب علشان مصر .. ده راجل من إلي رافعو علم مصر فوق .. ده راجل أخد نوبل في السلام يلي بتأول ضياع العراق
ده الراجل إلي وافق على عمل محطة نووية في مصر .. و علشان راجل مش محترم عاوز يطلع في الصورة اسمو مرتضى منصور بيقول كلام مش تمام
علشان يتقال مورتا قال .. إلي قال إن العدلي عاوزه يترفع عنو و رفض .. و العدلي قال محصلش .. لو إنت جتلك فرصة تشتغل في america بي مرتب 300.000$ شهرياً
هتقوللأ ؟ لولقيت بلدك بتبوظ حطنش ?.. على العموم ده رأيي .. والإختلاف في الرأي لايفسد في الود قضية

يانجم لو هو راجل تمام زى مابتقول كدة طب كان فين قبل 25 يناير مكنش بيتكلم ليه
ده اكبر دليل على انه اول واحد فكر يركب الموجه

☜ ĂиTaKą ☞ 24-02-2011 07:26 PM


:icecream::icecream:

برادعى = مش مكمل بصله كمان

:icecream::icecream:


الساعة الآن 02:59 AM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.