|
الكل يدخل بسرعة
هل تعلم ان ما يحدث فى البلاد العربية ( تونس - مصر - ليبيا - الجزائر - اليمن - المغرب - وغيره - واللى لسه جايين ديه منظمة ؟؟؟؟؟ بالتاكيد طيب اشمعنا مفيش ولا دولة اوروبية عملت ثورات اشمعنا الشرق الاوسط ؟؟؟؟؟؟
ما يثبت ان هذه منظمات راجع ما يحدث فى الثورات الثلاث الاولى وهى مصر وتونس وليبيا كل اللى بيحصل متشابه لبعضه فى كل الدول واولها 1: الهجوم على السجون واخراج المساجين 2: تربية الرعب فى المواطنين 3 : انقسام المواطنين اللى طرفين مؤيد ومعارض ويتم ضرب بعضهما لبعض 4: الامن يقوم بضرب المتظاهرين ثم ينسحب 5: كل طلبات المتظاهرين يتوافق عليها وبرضه مش عاجبهم وكل ما ينفذلهم حاجة يطلعوا بحاجة جديدة اسمع الاجانب وانت تعرف اللى بيحاولوا انهم يوقعوا بين الجيش واخواتنا المتظاهرين هل سمعت الخبر اللى اسرائيل قالته ان مصر لو حاولت فك معاهدة السلام فهى على اتم الاستعداد للحرب وديه حجة طيب سمعت نجل القذافى لما قال ان المصريين والتوانسة هم الذين يقومون بالمظاهرات فى ليبيا وحذر الشعب من المصريين وقام يقتل الكثيرين ؟؟؟؟؟؟؟؟؟؟؟؟؟ طيب وايه اخرتها لما احنا حنخسر ليبيا علشان ابن القذافى وقطر علشان الجزيرة وليبيا تخسر مصر وتونس وقطر ؟؟؟؟؟؟؟؟ ايه بعد كده بقى بدل ما نحارب اعدائنا الصهينيون نموت فى بعض يرضى حد اللى بيحصل فى ليبيا ؟؟؟؟؟؟ انا عن نفسى بصراحة حاسس ان الشرق الاوسط كله هيكون كله بقيادة عسكرية ومفيش امن مركزى وكل الشرق الاوسط هيحتل هل يوجد شخص ليس له سلبيات ؟؟؟؟؟؟ اللى معندوش سلبيات ده يبقى نبى .... والرئيس حسنى مبارك له سلبياته وايجابياته ليه منصبرش عليه وكنا نديله فرصه ؟؟؟ او نغفرله وننسى اللى فات ؟؟؟؟؟؟ ده ربنا بيغفر احنا مش هنغفر الرئيس مبارك كويس ولكن اللى تحته كلهم زبالة امثال جمال مبارك والعادلى وعز وجرانه وغيرهم الرئيس مبارك حقق لنا الامن ولم يحقق الحرية الان بعدما تنحى نملك الحرية ولكن لا نملك الامن للاسف ياريت كلنا يا جماعة نكون محترمين ونحترمه ده كان رمز من رموز حرب 73 وفيه ناس فى المظاهرة كانت رسمت على راسه علم اسرائيل ازاى يا جماعة وهو النقطة السودة اللى فى تاريخ اسرائيل معلش طولت عليكم لكنى ملاحظ اللى بيحصل ده |
................... لا اتفق معاك بالمره
اولا محصلتش فى اوروبا لى ان اوروبا خدت شوط كبير فى الدموقراطيه بكتير وياما عملوا ثورات .... لى حد ما وصلوا لى الاستقرار ده اخراج المساجين كان من رجال الشرطه علشان يفهموا الثوار ان لو مفيش حسنى الدنيا هتبوظ انقسام الشعوب شئ عادى جدا كل مجموعه وطائفه ليها رأى هو ضربهم وانسحب ازاى يعنى النقطه ديه مش واضحه فى البدايه عملوا قمع لما خرج عن ايديهم الوضع هربوا لى انهم كانوا بيضربوا وبعدين اسرائيل زى ماهى قويه الجيش المصرى واحد من اقوى جيوش العالم وحاول تقراء عن قدراته فى موقع وزاره الدفاع الامريكى اسرائيل مش هتخش مصر وتضرب بالسهوله ديه زى ما عملت فى لبنان ده بالعكس ده مرعوبين زينا زيهم , مبارك حقق الامن ازاى يعنى امن بالذل لما يبعت الجيش المصرى للعراق ويسمح للجيش الامريكى العبور لضربهم من قناه السويس قفل معبر رفح على غزه علشان يموت الاف مبارك ليه ايجبيات زى المترو وكبرى الدائرى بس ليه سلبيات كتيره واظنها واضحه كلامك خطأ واسف جدا كل واحد وليه رأى تقبل مرورى |
اقتباس:
|
لا لا العادلى هو الذى يتحكم فى السجون ؟؟؟؟؟؟؟ ايه اللى دخل مبارك
ولو مبارك اللى قالهم خرجوا المساجين علشان يعرفوا ان الدنيا هتخرب لو هو مش موجود برضوا ليبيا واليمن وغيرها عملوا كده ولا مبارك اللى قالهم اعملوا كده |
كلام كله مش صحيح |
طيب ممكن اسالك سؤال
انت كنت من متظاهرين 25 يناير ؟؟؟؟؟ ولو كنت منهم ليه كنت عاوز صوتك يوصل للكل ورايك مهم ومش عايز تسمع راى غيرك ليه اهانتوا تامر حسنى علشان ميقولش رايه ليه عملتوا حملة لمقاطعة كل الذين كانوا مع الرئيس ليه كنتوا عاوزين تبقوا انتو وبس ليه عايز الناس تسمعك وانت متسمعش حد اقسم بالله ان معظم اللى كانوا فى الثورات معاكم من الفنانين والشخصيات المهمة كانوا رايحين علشان شعبيتهم متضعش انتم اول ناس رحبتوا بعمر سليمان والفريق احمد شفيق ولكن بعدها بكام يوم قولتوا لا مش عاوزينهم الله اعلم فيه ايه ديه فتنة ولا ايه الله اعلم |
تامر حسنى عملنا فيه كدا علشان هوا كان فاكر ان الثوره هتبوظ ولو باظت وهو كان مع النظام كدا الحكومه هتدعمه جدا
كل الذين مع مبارك لى انهم زيه ..... مجلس الشعب مزور والوزراء كذلك (السابق) احنا مرفضناش رأى حد بس ده كان سبب فى مقتل 400 شخص يبقى لازم مانسمعش منوا كلام انت بتجيب كلام من المريخ مين قلك احنا رحبنا بيه بعد كدا رفضناه انت بتقول اى كلام وخلاص ..؟!؟!؟! تقبل مرورى مره اخرى |
مش قصدى
انا قصدى اول يوم طلبتوا اصلاحات ولما اتحققت رفضتم وتانى مرة تغيير ولما اتحققت رفضتهم المهم احنا بنتناقش ديه مش خناقة انا والله فرحان على اللى الشباب عمله لكن لو خرجوا الرئيس باحترام كان احسن وبص انا هقولك ايجابيات الثورة ديه اول يوم لما الشرطة كانت بتضرب وتصيب المتظاهرين كنت بلاقى المتظاهر بيجرى يجيب المصاب ويحاول يعالجه وده دليل على الاخوة اكتر شئ اثر فيا العربية الدبلوماسية اللى دهست المتظاهرين وكان نفسى يتمسك صاحبها ويتعاقب افتكر ان ديه مناقشة |
وبعدين انا مش مع ده ولا ده
بس انا عاوز الاستقرار فى كل البلاد وحاسس ان اللى بيحصل فى الشرق الاوسط ده خطر على كل البلاد العربية |
اقتباس:
|
مفيش حاجا اقولها الردود دى كفايا عليك ^^
|
| الساعة الآن 05:15 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.