|
تعالى نضحك شويه: نكت الثوره المصريه
بسم الله الرحمن الرحيم
نداء من تلميذ الى الثوار فى ميدان التحرير والحكومة: لا تنسوا أن تلك الأحداث ستدخل فى مادة التاريخ واحنا اللى هنتعب فى مذاكرتها اختصروا من فضلكم .. حددووا مطالبكم من بعض وخلصونا.. كده المادة هتبقى صعبة اوى ************************************************** **** أفلام جيل الثورة: أبي فوق الدبابة – عودة النت – المندس والأجندة – الرصاصة المطاطية لاتزال في جيبي – في بيتنا بلطجية – كيف تصرف الريس _ جائنا الرئيس التالي – نحن لا نرمي المولوتوف – مهمة في تل حرير – الريس عمر سليمان – البحث عن الدستور – ليلة القبض على عز – الأجندة لا تزال في جيبي - فيلم ثرثرة جوه التحرير – أبي فوق الدبابة – سلام يا حُسني – ليلة سقوط النظام – هي ثورة – إعزلني شُكراً – التحرير رايح جاي – إحنا بتوع التحرير – مُذكرات ثائرة – أخويا ثائر وأنا مندس – جوازة في التحرير – احترس الفيسبوك فيه سم قاتل ************************************************** **** واحد من الشعب قابل نائب الرئيس السيد عمر سليمان ، قال له : يا سيادة النائب ، الشعب يطالب بالرحيل رد السيد عمر سليمان : اللي عاوز يرحل يرحل ؟ حد مسكه ؟ ************************************************** **** الريس : الناس ماشية في الشوارع لسه يا شفيق؟ شفيق : أيوه الريس : غريبة..مش النهاردة السبت..وهم قالوا أن إمبارح جمعة الرحيل !!! أمال ما رحلوش ليه؟ ************************************************** **** من أهم فوائد المظاهرات : أن العيلة كلها بقت بتتفرج على الأخبار وبطلوا يتخانقوا يبجبوا أنهى قناة ************************************************** **** من مسلسلات الثورة : لن أعيش في ميدان التحرير – من أطلق الرصاص على المتظاهرين – ليالي التحرير – حرمت يا ريس – يوميات مندس – ثائر و ست متظاهرات ومن البرامج من قلب مظاهرة – الميدان ميدانك – التحرير النهاردة ************************************************** ***** رويترز : شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى معللة هذا بأن النظام سقط وعاوز وقت عشان يلحق يذاكر ************************************************** ****** يعني إيه كوكاكولا زيرو ؟ يعني نخلص امتحانات ، والشرطة هي اللي تاخد أجازة نص السنة يعني نعمل ثورة ، والمساجين هما اللي يتحرروا ************************************************** ****** مبارك بعد ما مات قابل السادات و عبد الناصر ، سألوه : هاه ؟ سم ولا منصة ؟ رد عليهم بحرقة وقال : فيس بوك ************************************************** ******* عاجل من إيران : احتجاجات غاضبة على الإعلام المصري الكاذب : نحن نوزع وجبات مؤمن وليس كنتاكي يا كفرة واكيد هيبقى فى تانى يتبع نكت عاديه |
| الساعة الآن 05:24 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.