|
نقاش هام لموضوع هام بموضوعيه وبدون عصبيه
بسم الله الرحمن الرحيم اولا ننبه على الجميع عدم المساس بالرموز الوطنيه المصريه ويكون النقاش بموضوعيه وبدون شد عصبي وبدون تحيز السؤال هو : هل لو بقى الرئيس السابق ( محمد حسني مبارك ) في منصبه كرئيس للبلاد هل كان ستتم محاسبة من استولى وسرق خيرات البلد وهم معروفون بالاسم ؟ ******************** هل كانت ستتكشف هذه المبالغ المهوله التي تكفي لسداد ديون مصر كلها وايضا يفيض منها ما يكفي الاقتصاد المصري لعشرات السنين ؟ الرجاء الاجابه والنقاش بدون عصبيه وبدون مجاملات لاي شخص مهما كانت سلطته |
والله الواحد مش عارف بس الخيره فيما اختاره الله واللي عاوزه ربنا هيكون بس اهم حاجه اللي يجي بعد كده يحافظ علي البلد وشرف ليا اني اكون اول واحد رد في الموضوع
|
مفيش فايدة يا باشا
|
والله في الوقت دة محدش يقدر يتوقع ولا ينجم علي اي حاجة مهما كانت المهم ان ربنا ظهر الحق والناس اتمسكت اهي والحمد الله |
لا طـبـعـاً .. لـسـبـب بـسـيـط ، لأنـه كـان هـيـبـقـى أول الـمـتـحـاسـبـيـن .. :peace: دول 70 مـلـيـار دولار يـا عـم .. |
والله انا مش عاوزة يمشي
|
كان لازم هو يتحاسب اول واحد ده مبلغ فعلا مش قليل 70 مليــــار دولار يعنى حوالى بالمصرى عشروميه جنيه كده :peace: |
بص انا من مؤيدي مبارك الراجل ده خدم البلد بس طلع حرامي فبالتالي يجب ان يحاسب وكذلك الاخرون ومن بعضهم الوزراء السابقين بس برضو زي ما حنحاسبو اكيد نفتكرلو الكويس الي عملو زي مثال: السادات خدم البلد دي بس خربها في نفس الوقت لان السادات اول من دخل الرشوه و المحسوبيه و المخدرات بس في الوقت الراهن يجب ان يكون هناك رئيس للجمهورية كي نتخطى هذه الظروف العصيبه في البلاد حاليا مفيش شغل , مفيش مرتبات , البنوك واقفه , السياحه اضربت , الاقتصاد وقع , الخ فمن الواجب انتخاب رئيس اخر للجمهوريه و تشكيل حكومه جديده حتى نرقى بالبلاد تحياتيــ ،،، |
اقتباس:
حاليا : في شغل , و في مرتبات , و البنوك شغاله على فكره , السياحه (معرفش انا بتكلم على إللي انا اعرفه) الإقتصاد (هيرجع زي ما كان بس هوا حاليا واقع) و المشاكل دي اقسم بالله اول ما تتكون حكومه جديده و ييجي رئيس جديد إن شاء الله هتتصلح و ربنا عمره ما هسيبنا كدا ابدا لأن طبعا لو ماكنش في توفيق من ربنا في المظاهرات دي ماكناش نجحنا فيها و إعلم (إن كل حاجه تحصل حكمه من عند ربنا) مثال :- الواحد كان زعلان إن الإنتخابات كانت مزوره - و قلنا البلد خربت و هيبقى في سرقه اكتر ! بس ربنا كان بيعمل كدا عشان حكمه و كل حاجه هتحصل حكمه من عند ربنا عمرنا ما هنفهما عشان عقلنا عمره ما هيوصلها اساسا ^_^ |
ردا على الموضوع الأساسي :-
إنتا بتوقعاتك --كانت السرقه إللي بتحصل دلوقتي كان هيحصل حاجه؟ ما طوول عمر البلد بتتنهب و محدش كان بينطق كله كلام في كلام و كل الناس المؤيدين معلش --حسني مبارك ضاحك عليهم و حسني مبارك عارف إن الشعب المصري طيب عشان كدا (جر ناعم) و اكيييد إللي محققوش في 30 سنه هيحققه في 6 شهور؟ !!!! و موضوع الأمن (الأمن بسم الله ما شاء الله كويس و الواحد الصراحه ميعرفش ينجم على إللي يحصل بس انا متأكد إن (لا أيمن نور ولا البرادعي هيمسكو الحكم عشان خلاص إتحرقو) بس دا إللي انا متأكد منه ^^ |
لو اخدوا الفلوس المسروقة من كل واحد مصر هتسدد ديونها و اهلها هيعيشوا احلى عيشة و هيفيض فلوس
|
بالنسبة لموضوع الديون
لوالناس متأكدة ان البلد اشاء الله هتتصلح وهنعيش راضيين اعتقد ان مفيش مواطن مصرى هيرفض يتبرع بجزء من مرتبة لسداد ديون مصر |
لأ طبعا كانت الفتره دى هيسبهم على ميظبتوا نفسهم وا يحولوا فلسهم وا يهربوا بره البلد وا ورينى هجبهم ازاى
علشان كدا كان بيتأخر لى قد ميقدر |
لا طبعا مكنش كل ده حصل وكان زمان البلد زى ماهى و اهو ربنا بيخلص دم الشهداء و الناس اللى اتظلمت
اللهم لا شماته |
لا طبعا كان هيفضل الوضع كما هو عليه لسبب بسيط ان خطه التوريث كانت مدروسه بالورقه والقلم وعمرها ما كانت تخر الميا يعنى بالعربى جمال اللى كان هيمسك عافيه علينا
|
| الساعة الآن 09:53 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.