جمعه غضب ام ثورة شجب
ام فوضي ووصوليه وشغب
دون يازمان خطوطك
بس احذر من اخطبوطك
ابعد عني لصوص حقودك
امام وجهي الكل بانت رسومك
وعلي تاريخ اجدادي بمد ايدي بسلم
دا زمان امجادك يامصر مالطامعين ماسلم
وفي بحور حضارتك الكل يدور
ولبكره حامل مجدك المكرر
للتاريخ وحضاره الشعوب
قالوا عنك قلم وريشه
وقالوا فيكي قصص واجمل عيشه
محفوره في جدار وكتاب
قالوا وثيقه محفوره بالعذاب
واهمال الجاهل بيها بيحمله العتاب
ونلاقي الضمير في غيبوبه وغياب
مصر يابلد الحضاره والاساطير
وقالوا عن علمك ياما كلام
وقالوا دا غيرك وجوده احلام
علينا صوتنا وقلنا لا للفساد والمحسوبيه
ارفع صوتك برايه سلميه مش فوضي وعصبيه
اتمسك بحقك بعقل وانت تطاع
مش نعيب دي ايضا طباع
وورا الماده نفوس تقول متاع
دي مصرنا مناره وقوة
حافظ عليها من دي الهوة
هنرفض الظلم و الروتين
والضماير اللي دفنها الطين
وتيجي شمس جديد للكون
وفداكي يامصر كله يهون
اتكلمي متخافيش الطريق راسمك
اصمتي متضعفيش لو اتمكن ضعفك
اوهبي متبخليش هيتكلم حلمك
هترجعي يامصر ويزداد امرك
العدو والفتن يامصر وراك
يعكر هواك يرمضن مناك
يغيم سماك ياخر لقاك والدم فداك
يحزن غناك يزيد بكاك يبعد دواك
يامصري الحق معاك ينبض جواك
بس العقل مصر بتطلب نداك
بكيتي سنين طويله وافراحك كانت قليله
يامصري فين الغيره جنب الفضيله تبقي منيره
حقك يا مصر تبقي الاميره
مش الفقيره او الضعيفه والاسيره
شايفه خطوه طويله هتقرب المسيره
وتمنع العذاب والظلم والحيره
نصرك رايه ديما عاليه
مش هيقدر اي عدو يصيب
دا الهلال مع الصليب والوعي معاهم يجيب
انكسارهم قريب وحلمهم هيخيب
استحملتي تعذيب وصدقتوا اكاذيب
وردك عليهم هيكون رهيب رهيب
وهنرجع تانى جبابرة
و هنحوط محمد جنب حنا
و مصر هترجع تانى جنة