.`.`.`.`.`سوأل مهم؟!!!!!.`.`.`.`.`
 

سلاموووو عليكووووو يا بشر يا جماعه ده اول موضوع ليا هنا متكسفونيش
نتكلم فى المهم

مما لاشك فيه انى نفسى اقول لبابا حسنى ( ربنا يمدلنا فى عمره )

كلمتين من اصل تلات كلمات ( يارب يوصلوه )


حبك راشق فى قلبى زى اللب فى البطيخ

وقلبى دايب فى حبك زى الملح فى الفسيخ

المهم

شوفوا السؤال اللى خطرلى على بالى _ وبالى معرفش يجاوب على خطرلى

فاتفقنا اننا نسالكم _ والسؤال مش عيب

العيب اننا نغمس الايس كريم بالعيش _

ونقول ان طعمه زى طعم البتاع لما يكون لسه سخن وطالع من التلاجه


السؤال هوه


هتقول ايه لو صحيت من النوم ولقيت ....

كيلو السكر بنص جنيه

وطن الحديد بــ 100 جنيه

وجرام الدهب بــ 5 جنيه

والكيلو اللحمة بــ 2.5 وتعال بص

وطن القمح بــ 12 جنيه

والضرائب اتلغت

والتعليم مجانى بمعنى الكلمة

واى حاجة تمسكها تلاقى مكتوب عليها
made in egypt

ومرتبات المدرسين والموظفين 4000 جنيه فيما فوق

ورغيف العيش طعمه زى البسكويت على رأى عادل إمام

ومفيش مشاكل صرف صحى على مستوى الجمهورية

ولقيت الناس كلها مبتسمه للحياه

ومفيش بطالة فى مصر

والسحابة السوده مشت من مصر

ومصر كلها بقت منطقة حرة زى بورسعيد كدا ...دا لو استمرت حرة

وكل مصر بقى عندها غاز طبيعى ومبنصدروش لإسرائيل ولا بيحصل أزمة أنابيب الغاز بعد كدا

ولقيت مصر بتصنع طيرات وعربيات وموبيلات مصرية علشان منجبش الصينى وشوية ويلغوه..الله يحرقهم اصل تليفونى اتلغى بعيد عنكم
المهم وأى مصلحه حكومية تقدر تخلصها بسرعة من غير رشوة

وتقدر تمارس حقك الطبيعى من غير ما تتدخل الوسطة في حياتنا

ومصر بقت بتصنع منتجات البترول وتبيعها بدل متصدر بترول خام

والجمارك اتلغت وتقدر تجيب أى حاجة من أى مكان منتا دافع تمنها في بلدها

ونادر جدا لو سمعت عن واحد اختلس أو عمل غسيل أموال

ومفيش مشاكل زبالة في مصر متراكمة من التسعينيات

وعمرك ما هتشوف حد مادد ايده وبيقولك هات وتلاقى ادين بتقولك خد دا حقك

ومفيش حاجة فى مصر اسمها عشوائيات

ورجع المثل اللى بيقول محدش بيـبات من غير عشا يتقال زى الأول

ويكون في حرية صحافة يترد عليها مش حرية صحافة كلامها يدخل من جنب ويخرج من التانى ونقول حريه رأى وخلاص

ومفيش حاجة اسمها احتكار فى مصر للحديد أو غيره


مقولتليش بردوا
هتقول ايه
هااااااااااااا
هتقول ايه
طيب اقولك انا هقول ايه




يبقى انت اكيد غمست الايس كريم بالعيش يا اهبل هههههههههه :icecream:





مع تحياتى ......................

اسمحلي اقلك .. انت بتحلم يا حلمي .. دا حلم ..

شكرا

ايس كريم :icecream: مفيش اوستيك؟ :icecream:

دة رابع المستحلات

ههههههههه

ههههههههههههههههههه
ابقى اتغطى كويس وانت نايم

دى فتره تهيس ما قبل الامتحانات عشان كده انت كتبت كده
:icecream::icecream:

هو انا مبالغ زياده عن اللزوم؟!؟!!!!

:character38:شكرا على الردود يا رجاله ايوه كده ادونى الثقه

ايوه كده يا شباب حسسونى انى مش بحلم
:flex::flex::flex::flex:

شكرا