انا مش ورقة !! الحلقة الاولى...
 

السلام عليكم ورحمه الله وبركاته


احبائى اعضاء سيلك رود فور عرب تحية طيبة وبعد


احنا هنعيش قصه مع ابطالها محمد وعبد الرحمن سنة اولي طب بالمناسبة هما كانوا اصحاب منذ الصغر
ممكن تكون القصة طويلة او قصيرة بس ان شاء الله هنستفيد منها

المهم ندخل في احداث قصتنا[/color][/size]

الحلقة الاولي

يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة
راحت عليه ....

ينادي محمد علي والدته

ماما ماما انت مصحتنيش ليه ينفع كده من اول يوم مفيش التزام
والدته تدخل انا قعدت اصحي فيك من الساعة7 وكالعادة صحيني بعد 5 دقايق لا لابعد ربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي

وهنا يدخل والد محمد زعلان اوي ياحبيبي لك حق تزعل والايبقي ماعندكش دم

محمد:مش كده برده يابابا قول لماما اصلها مش مقدرة.

الوالد: مش مقدره لا مالهاش حق اتصدق بالله انت ماعندكش دم.

محمد: ليه كده بس انا مالي ماما هي اللي ماصحتنيش بذمه.

الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة.
طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات الثانويه العامه مش هشوفك تاني في الجامع .

محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا.

الوالد: انت سكت ليه نمت؟؟

محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات.

وهنا يرن موبايل محمد الظاهر صاحبه عبد الرحمن بيطمن عليه

محمد:ايوه ياعبده ازيك عامل ايه؟؟

عبد الرحمن: الحمد لله رب العالمين انت فين؟؟

محمد :انا علي السرير اصلي راحت عليه نومه.

عبد الرحمن: ولا يهمك تتعوض المهم انا مستنيك ماتتاخرش يلا.

محمد : ماشي مسافه السكه ويجهز محمد وينزل عشان يقابل عبد الرحمن.

محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه .

ويفاجا محمد بواحده تيجي تقعد جنبه...

وبعد فتره تساله هو حضرتك في كليه ايه
محمد: نعم طبعا هو سامع بس مستغرب السؤال
تعيد البنت السؤال مرة تانيه
محمد: ليه حضرتك فيه حاجه؟؟

البنت :لا ابدا بس زي مانت عارف ان النهارده اول يوم في العام الدراسي وانا مااعرفش اي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني....

محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .....

ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين

محمد : بصوت حازم هو حضرتك في كليه ايه
البنت : في تجاره
محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني...

وبعد عناء ينزل محمد من الميكروباص واخيرا هيقابل عبد الرحمن

ياتري ايه اللي هيحصل بينهم؟
هذا ماسنعرفه في الحلقه القادمه ان شاء الله

انتظرونا يتبع
[/center]

تسلموا على الردود

ةانتظروا ان شاء الله بقية الاجزاء

وعلى فكرة قصة جميلة وشوقة جدااا

مستنين الحلقة الجديدة

انا مش ورقة !! الحلقة الاولى...
 

ان شاء الله جارى وضعها

انا بس عايز اقول للملك احمد

ان الملك هو الله والاسم اللى انت مسجل بيه ده حرام

تسلم ايدكـ ..

محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني...


حلوه دى اوى

مستنيه باقى الحلقات

حلوة اوي