الموقع العربي الاول للعبة Silkroad Online - ◄████▓▒░░ أنا ممكن أشيل الهرم وأسد الأوزون الي اتخرم ░░▒▓████►

http://img529.imageshack.us/img529/1223/10pnep2.gif

أنا ممكن أشيل الهرم وأسد الأوزون

http://img269.imageshack.us/img269/5093/41928993ll8.gif

http://img203.imageshack.us/img203/3497/000zot.gif

موكوس على متعوس

لقيت الفانوس مرة ودعكته طلعلى عفريت… شبيك لبيك

قلت أنا للذل باى وودعته وللعفريت هاهريك هاهريك

قالى هأوأو يا إبن الإنسان دانا عفريت مارد بن جان

ما يهمني مكان ولا زمان واطلب وأنا عندى البرهان

http://img269.imageshack.us/img269/5093/41928993ll8.gif

http://img837.imageshack.us/img837/327/0000000h.jpg

أناعاوز قمح زُرع فى مصر ومرتب يكفى لآخر الشهر

وحكومة متعصرنيش عصر ومسؤولين يبطلوا فشر

وعاوز عيش من غير طوابير وإنفاق حكومى بدون تبذير

وانتخابات من غير تزوير ورئيس سابق أشوفه كتير

http://img269.imageshack.us/img269/5093/41928993ll8.gif

http://img704.imageshack.us/img704/3186/00000ix.jpg

عاوز فى بيتى شيكارة دقيق وتبرير مقنع لأى حريق

ومجلس شعب بدون تصفيق وفى كأس العالم لينا فريق

وأكلة كباب مشوى على السيخ مع عيالى فى شرم الشيخ

وأشرب فى القسم عصير بطيخ وأخرج سليم بدون تلطيخ

ونفسى الضحكة ترجع تانى ورصيف للمشى أنا وخلاّنى

وجنيه مصرى زى البرانى يشترى حتة لحمة ضانى

http://img269.imageshack.us/img269/5093/41928993ll8.gif

http://img201.imageshack.us/img201/1...000000000i.jpg

رد العفريت عليا بغشم وقال يا مصرى ماكنش العشم

بص.. أنا ممكن أشيل الهرم واسدلك الأوزون اللى اتخرم

وأرجعلك الأكل اللى اتهضم وتمأمأ البقرة كأنها غنم

أبنيلك قصر من العدم وأقولك معنى شرم برم

بس طلباتك طلبات ملموس عقله خلاص أكله السوس

ده تخطيط يا بنى ومدروس إنك تعيش على طول موكوس

وأحنا بناخد منكوا دروس إزاى يبقى الجن متعوس

ويا ريت ترجعنى تانى الفانوس وأنا راضى أعيش محبوس

http://img269.imageshack.us/img269/5093/41928993ll8.gif

http://img228.imageshack.us/img228/938/772b9823e5.gif