الموقع العربي الاول للعبة Silkroad Online - تعبان من الكيميا؟ طب خش اساعدك

http://www.quran.maktoob.com/vb/up/1...7243242908.gif

اولا احب اقول ان طبعا انا مش حعطي اي ضمان للكيميا انها تنجح و لكن مجرد بعض المعلومات عشان متزهقش
منها او بالمعني الاصح بتتعصبش منها و تسيب اللعبة بسببها

اولا:
لو انت حتعمل كيميا لازم تكون حاطط في دماغك انك مش لازم تجيب ال+ كذه انهارده انما ايه بقي الاصح؟ انا اقولك لازم تقول مثلا " انا حاجرب انهارده 100 الكسير و لو معرفتش اجيب ال + خلاص حجرب بكره" او ممكن تقول "انا انهارده حاسرف بالظبط 20 مليون جولد في الايتيم دي و لو اتكلف اكتر من كده حسيبها و حاحاول بعدين" بجد والله مع انا الموضوع ده شكله تافه و لكنه ساعدني جدا علي التغلب علي مشاكل الكيميا و العصبية الي بتييجي منها

ثانيا:
انسي خااااااااااااالص انك تقول "انا حقعد احاول لحد ما اجيب ال +7" عشان والله لو قلت كده مع نفسك ممكن تعمل حاجه غلط من العصبية عشان انا مره افتكر كنت متعصب اوي برده و كنت حاطط في دماغي اجيب +7 مهما حصل و كنت عمااااااال اعمل failed +7 لحد ما نسيت نفسي خالص و عمال ادوس بغباوة علي الماوس جيب اعمل +7 من غير lucky powder و جه failed و في اللحظه دي كنت خلاص حسيب اللعبة بس الحمد لله هديت اعصابي و قفلت اللعبة و رجعت بعد شوية و جربت +7 تاني و بردو فشلت قمت قافل تاني جيت اليوم الي بعدييه لقيت success و طبعا كنت فرحان جدا و فهمت انك مش عشان حتستخدم 10000 الكسير يبقي حتجيب ال + لأ صدقني خالص

ثالثا:
اول ما تزهق قوم صدقني في الجملة دي ...... اول لحظة تحس انك بدأت تزهق من الكيميا قووم و روح افتح بوت و خدلك دوش و اتفرج علي التيليفزيون و لما تبقي رايق تاني جرب تاني يعني من الاخر عمرك ما تعمل كيميا و انت متعصب عشان اللعبة غرضها التسلية مش حرق الدم و لما التسلية تقف يبقي لازم اللعبة تقف

رابعا:
ضع حد ...... انا عارف انها صعبة بس لازم تحط حد للكيميا و لما تييجي تعملها بص للناحية الوحشة عشان انا عارف ان كتييير منكم بيجيب +7 و يقول طب ما اجرب +8 و +9 و في الاخر بتفشل و دي حاجه بجد بتعلي الضغط ف فكر كويس و بكر في الي انت ممكن تخسره مش تكسبه و لو انت شايف ان الخسارة مش جامده اوي خلاص براحتك اعمل لحد ما تبقي عايز تقف انما طول ما انت شايف ان الخسارة كبيرة اقف و متكملش عشان صدقني حتندم

خامسا و اخيرا:
لازم تقول لنفسك ان سعات الحوار حينجح و سعان حيفشل و لازم تتقبل حقيقة الموضوع او بمعني اصح حطها في دماغك "انا دلوقتي حاحاول اعمل +7 لو فشلت خلاص مش مهم عشان انا كنت متقبل انها تفشل قبل ما اجرب اصلا" اصل يوم حتفشل و يوم حتنجح و ممكن يوميين تفشل و يوم تنجح انت جرب و شوف و توكل علي الله و عارفيين انا عرفت المعلومة دي من ميين؟ صح Bill Gates الراجل ده كان معاه 80 مليار دولار و في بالظبط كام يوم نزل بقي معاه 45 مليار بس مزعلش و قال انه كان عارف انه عمره ما حيفضل ناجح و لازم يتقبل الفشل و ده في نظري اهم حاجه علي الاطلاق و هي قدرتك علي تقبل الاوضاع و المواقف

و دي كانت 5 تعليمات انا باتبعها و الحمد لله ساعدتني عشان عملت 2 شيلد +7 و شيلدات كتييييير +5 ميتعدوش بالاضافة الي سلاحين +5 و اشكر من اخذ من وقته لقراءة الموضوع الكبير ده