في خير في مصر ؟
 

فى يوم بتفرج على التلفزيون وشوف اى حاجه اتفرج عليها بدل الاعده على الكمبيوتر لاقيت قناة عربية بيتكلمه على مصر والمصريين :ranting2:

اول واحد قال ( مصر كانت زمان دلواتي مفيش خير فى مصر زيها زي اى دولة عربية )

واحده تانية قالت ( انا كنت من الناس اللى بتحب تعيش رمضان فى مصر بس دلواتى مصر مش زي الاول مفيهاش خير )

التالت قال ( خلاص مصر مش زي عادتها ولا فى خيم رمضان ولا فى مائدة الرحمن ولا اى حاجه )


والله انا سمعت الكلام دا حسيت انهم بيكرهونا اوى اوى مش عارف ليه :locked:

الغريبة بقا :smiliesmaker_h4h:

رقم واحد ( كنت على طريق الدائري وطبعا احنا عارفين ان الدائري سريع والازان ازن عليا فى الشارع فجا لاقيت واحد اودامى وقفت بسرعه بقوله فى ايه يا عم فى حد يقف كده قالى يا عم انت مش صايم خد اشرب وكل كل سنة وانت طيب ووقف ناس كتير اوى عشان يفطرهم عشان الازن ازن عليهم )

عارفين الاغرب من كده ايه ( ان فى واحد اعد فى عربية مسيحي فا الراجل بيقوله خد قاله لا انا مسيحي رد عليه الراجل وقاله ( مسيحي مسلم ماليش دعوة كل كلنا واحد ودى ساعة اكل كل سنة وانت طيب ).

ويقولك مفيش خير فى مصر :squall:

الحاجه التانية بعديها بكم يوم راجع من وسط البلد وكنت راجع موصلات وواحد راح موقف العربية واعد يفرق مياه معدنية وبيبسي وجبات واكل كتير وعصاير )

طيب ازاى مفيش خير فى مصر ؟

ويوم تاني كنت مروح برضو واعد فى الباص والراجل بيجري عشان الازن ازن وفى واحد بيفرق فى الشارع عصير وتمر المهم الراجل اللى جمبي خد كوبايه واحد تخيل الكوبايه دى يشرب منها كم واحد ؟

والله والله العظيم شرب منها 6 عارف انا لو بشربها فى بتنا والله ماهتقضيني دا انا بشرب 2 لتر فجا كوبايه زي دي يشرب منها 6 والله .

ويقولك مفيش خير فى مصر

انا حبيت اعرفكم العرب بس بيقولو علينا ايه

كل سنة وانتو طيبين

لا اكيد في خير في مصر

كل واحد بيشوف حسب البيئه إللي اعد فيها

لو البيئه مش كويسه (زي ناس اعرفهم كده) و اكيد إنتا عارفهم يا تيتو :cheers:

يعد يشتم في مصر و ام مصر عشان هوا مش شايف إلا اشكاله

لو البيئه كويسه هيشوف إللي إنتا شوفتو ده

و كده كده التغيير جاي إن شاء الله

و كل سنه و إنتا طيب ^^

رمضان كريم

اوعا تيتو باشا موضوع جامد يا تيتو

والله ارهان ان فى دولة عربية بتعمل زي مصر والله ما في احنا الحمد لله احسن ناس فى العالم وبلد الخير :mf_boobies:

:homesweet:

اديلو يا جامد :fish:

السلام عليكم ورحمه الله وبركاته.
العرب بيكرهونا اساسا زمان كانو بيحبونا خوف.

هههههههه تيتو مقضها موئد رحمان :giggle:

ازيك يا تيتو واحشني يابني والله
كل سنه وانتم طيبين جميعا وعيد سعيد علينا كلنا ان شاء الله وكل العرب والمسلمين
بالنسبه لموضوع الخير في مصر مصر من اكتر بلاد العالم الي فيها خير
بدليل ان البلد دي فيها ظهر السرقه والفساد فيها من ايام الفراعنه من 7 آلاف سنه
والخير لسه موجودوالناس عايشه ولا محتلين ولا حقنا ضايع كل ده علشان زي ما فيه ناس بتسرق في خير البلد
فيه اكتر واكتر بيخافوا علي البلد وعلي خيرها وسمعتها يعني مصر = ام الخير
وانا برره مصر الوقتي وبجد لا رمضان ولا عيد ولا اي مناسبه ليه طعم غير في مصر
يعني رمضان كله برره مصر يساوي ساعه الافطار وانت في الحسين او ماشي في السيده
هتشوف الخير فعلا
وكل سنه وانتم طيبين جميعا ووحشتوني ^_^

ازيك يا احمد والله انت كمان وحشتني اوى :blush-anim-cl: وبجد نفسي ترجع تاني معانا

والله يا احمد الخير فى كل حته مش فى الحسين والسيدة بس انا كنت على الدائري وطريق سريع وواحد بيقف اوادمى عشان يوزع خير الحمد لله الناس دى والله عمرى ما هاشوف زيها ولا عمرى هاحب اهل بلد زي اهل بلدي انا كل يوم بعد الاحداث اللى والواحد بيشوفها وكل حاجه وحشة لينا كل يوم بحب مصر اكتر وكل يوم بحاول اعمل حاجه ليها احسن وربنا يقدرني ويقدر على المصرين على فعل الخير

ان شاء الله يا احمد ترجع بلدك بالسلامه وتعيش احلى ايام حياتك فيها احسن من اى بلد تانية لانك بجد وحشتنا اوى اوى

مش كلهوم يا تيتو في ناس بتحبنا بس في ناس مش بتحبنا فعلان :spacecraft:

اسلام انت فهمت كلامى غلط فكرة الموضوع بتقول ان فى ناس بتتكلم عن مصر وبتشتمني وبتقول كلام وحش فى حقنا احنا حتي لو وحشيين يا اسلام ماينفعش نسمع الكلام دا ونسكت الناس دى بتقول ان احنا معندنش خير والناس مش بتحب بعض واحنا واحنا واحنا واكتر مما تتصور بكتير والله انا كنت بتفرج على البرنامج زعلت اوى

تخيل تاني يوم ربنا يعمل معايا ايه وراني ان مصر دى احلي بلد فى العالم والله يا اسلام مافى فى اى دولة فى العالم بتعمل زينا واحد بيعرض حياته للخطر فى طريق سريع عشان يفطر ناس قبل ماتوصل بيتهم

وبنسبة للناس اللى بتدي مرتب شهري زي ما بتقول الناس دى البترول مغرقها يا معلم وربنا يزدهم من نعيمه كمان كمان برضو احنا احسن بكتير والله هناك محدش بيقف جمب حد فى الزنقه هنا بتلاقى الف او خمسميت واحد يقف جمبك وهاجبلك مثال من الموضوع فى مكان تاني

ايه رايك بعد الكلام دا ؟ :111 (11):