|
حاجات بيحبها الشـــــــــــــــاب المصــــــــــــــــــــــــــرى
لما ابوه يقوله على اى حاجة برافو عليك ايوةكده لما ابوه يفتخر بيه ادام حد :عارفين الزبالة اللى كانت ادام باب البيت تحت؟؟ ابنى اللى لمها !!! لما يكون بيكلم بنت على النت وتقوله انتة ظريف اوى لما يعرف ان النهاردة جاى فيلم على روتانا ماشافوش قبل كده لما يعرف انه كسب علبة سجاير فى اى سحب لما يجيب قميص جديد وينزل بيه اول يوم ويحس ان الناس كلها بتتفرج عليه لما يدخل امتحان الكلية ويلاقىه جاى من الصفحتين اللى ذاكرهم يا دوب امبارح لما يكون قاعد على شات ياهو ويلاقى بنت بعتاله ممكن نتعرف لما يحب يروح اى مكان ويلاقى الاتوبيس جه بسرعة..!! ودى مستحيلة حبتين لما يلاقى الاتوبيس ده فاضى!!!!!!!!!!! ودى اكتر استحالة من اللى قبلها لما يكون متأخر مع اصحابه على القهوة ومش عارف هيروح ازاى وبيلاقى فجأة ميكروباص بينادى ..جيزة اول الهرم لما يكسب ماتش على البلاى استيشن او فيفا لما يوم عيد ميلاده ييجى ويلاقى اقرب بنت ليه بتقوله الساعة 12.01 كل سنة وانتة طيب لما يدى ميعاد لبنت ويروح يلاقيها وصلت قبله .. ودى بقى بنفس استحالة مجى الاتوبيس فاضى لما يجيله مسج على موبايله ويلاقيه حاجة غير ..كلمنى شكرا... بالاضافة لمعلومة مهمة جدا كان هيلووص لو مكنتش جت فى المسج على غرار اربط الحزام تنجو من الحوادث..او دلوقتى كروت الشحن بقت بنفس السعر المكتوب عليها...؟ لما الزمالك يكسب لو هوه زملكاوى لما الاهلى يخسر لو هوه زملكاوى لما يكسب اول فلوس من شغل لما حد يقرا حاجة هو كاتبها ويقوله عليها انها حلوة اوى لما يقول نكتة لصحابه ويضحكوا عليها من قلبهم لما يحب اول مرة لما يحرج بنت فى الشارع ادام الناس بعد ما هزأته لما يقنع باباه بحاجة عمره ما كان هيوافق عليها ..انه ينزل بالقميص على اللحم مثلا لما يروح يشترى حاجة ويفاصل فيها وياخدها بالتمن اللى هوة عايزه مع انه عارف ان البياع كده كده ...كسبااان ؟؟ لما فلوسه كلها تخلص ويكون مش عارف يجيب فلوس منين وفجأة يلبس الجاكيت اللى كان متشال من فترة ويلاقى فيه عشرين جنيه !! لما ياكل اكلة حلوة من عند ابو ربيع او جاد او اى مطعم لما يكون عطشان ويلاقى كولدير ساقع اوى لما يجيله مسج من حبيبته لما يكسب فى ماتش شطرنج طويل لما يكون مخنوق ويلاقى صاحبه بيكلمه يقوله ما تيجى ننزل الشاب المصرى بيكون مبسووووط لما يحس ان ربنا كارمه.... الشاب المصرى بيتبسط من اقل حاجة انتة بقى ايه اكتر حاجة بتبسطك فى دووووووووول؟؟؟؟؟؟؟؟؟؟؟ |
والله موضوع حلو وي اتمني ميكنش مكرر :banned:
انا بقي اكتر حاجه بحبها لما يحب يروح اى مكان ويلاقى الاتوبيس جه بسرعة..!! |
كتيييييير طبعا
بس علشن العيشه الصعب فاى حاجه بتفرحنا زى لما مصر تكسب نغنى نقول انا مصرى وابويا مصرى وبحبك يا بلدى ومصر ام الدنيا وماشربتش من نيلها مع اننا مش طايقين كل اللى بيحصل فى البلد بس عايزن نمسك فى اى فرحه وخلاص |
اقتباس:
اقتباس:
منور الموضوع |
كــــــل دول :)
|
| الساعة الآن 12:04 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.