|
صاحب صاحبى الصداقه؟ اه عارفنها
بسم الله الرحمن الرحيم
السلام عليكم ورحمه الله وبركاته عاملين ايه يا اصدقائى ندخل ف الموضوع ع طول بس الاول صلو علي اللي هيشفع فينا عليه افضل الصلاة والسلام قولي بقا كدا ليك صاحب ... ايون ايون صديق يعني اكيد في حد هيقولي اه ليا وكتير كمان واحد تاني يقولي اه ليا واحد واحد تالت يقولي لا مليش الصداااااقه عارفين الكلمه دي اد ايه مهمه واننا ف كتير من الاوقات بنحتاج لصديق صاحب نكلمه ويكلمنا دا من شدة احتياجنا لكده بنعتبر اخواتنا اصحابنا او بابا او ماما اصحابنا الانسان اللي يلاقي الصاحب اللي بجد بيعتبر نفسه حقق انجاز ف حياته جميل مش بيقولو جميل انك تلاقي الف صديق ف سنه ولكن الاجمل انك تلاقي صديق لالف سنه بس مشكلتنا الايام دي ان بقت الكلمه دي سبب مشاكل كتير لاننا مش بنعرف نختار الصديق الصاحب الكويس من شدة احتياجنا ليه بنتخدع فيه او الاعظم اننا بنكون عارفين حقيقته لكن محتاجينه فبنلجأله ودا ممكن بكون غلط و دا اللي بيحصل ف شبابنا وبناتنا الايام دي دلوقتي نقدر نحدد شخصية الانسان من اصحابه ان الانسان دا كويس وقريب من ربنا وصادق ولا لا من شلته ومحدش يقدر يختلف معايا ف النقطه دي لان بالمنطق والعقل عمرك ما هتعاشر الذئاب ومش هتصبح ذئب ومحدش يقنع نفسه انا اه ف شله فسدانه وصاحب فاسد لكن هقدر احافظ علي نفسي ومبادئي تبقي كداااااااااااب دي كدبه زينها ليك الشيطان عشان كدا بنقول دور علي نفسك عارفين ايه معني الجمله دي ؟؟؟ ان في شروط لازم تتوافر لما تختار صاحب او صاحبه ليكي يكون صالح تكون بتأتمنه وتثق فيه تكون معاه كأنك مع نفسك تقلع اي قناع بتلبسه مع الناس تشيل من علي قلبك اي هم وتقاسمه فيه ولما ييجي الفرح يكون اول من يعلم به لاننا فعلا محتاجين اننا نقلع القناع دا ولو ساعه كل يوم او كل شهر حتي واحنا بنتكلم مع اللي بنرتاحلهم كأننا بالظبط كل يوم نازلين طالعين جبل كبييييييييييير ولازم تاخدك بالك من النزول والطلوع عشان منتدمرش ونهلك ها متوافره الشروط دي ف صحابك اللي تعرفهم ؟؟ لو وقعت نقطه فيهم متعتبرهوش صحبك ومتقولش عليه كدا والا تبقي بتضحك علي نفسك طيب احنا كدا اتكلمنا عن الناس اللي ليهم اصحاب وخليناهم يشوفو دا صاحب بجد ولا نص كوم نيجي بقا للي بيقول ف الاول انا مليش اصحاب او ليا لكن مش بقلع قدامهم قناعي دا كمااااان غلط كأنك بتعاقب نفسك والدليل علي كدا ان لما مسجون بيغلط ف السجن بيعزلوه ف حبس انفرادي عشان الانسان بطبيعته اجتماعي فمحتاج صحبه يكون وياهم ويفضفضلهم باللي جواه يمكن انا واحده من الناس اللي جه عليا وقت كنت كدا ان دا عقاب فعلا لنفسي عقاب بس عقاب قاسي اوي لغايه ما ربنا كرمني بشله فاسده تؤتؤ اوعو تصدقو دول احلي ناس عرفتهم ف حياتي ويارب تديم معرفتي بيهم وادعو دايما اللهم ارزقنا الصحبه الصالحه والسلام عليكمورحمه الله وبركاته |
شكرا موضوع حلو
|
جميل جدا...
|
شكراااا |
شكراااا
|
كلام حلو
|
| الساعة الآن 08:07 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.