|
۩Ξ҈Ξ‗_Ψ‗_عفوا..لقد نـُسف رصيدكم!!_‗ـΨ_‗Ξ҈Ξ۩
http://img838.imageshack.us/img838/3757/1261320574.gif ازيكم كلكم.. معلش ..هندخل فى موضوعنا على طوووول .. عايزكم تتخيلوا معايا الموقف ده .. تخيل نفسك رايح مشوار لواحد صاحبك بيته فى الدور العشرين.. المهم..لقيت الدنيا رايقه والاسنانسير فاضى..ركبت فيه..ظبطته ع الدور العشرين.. فجاه..وعند الدور ال15 الاسانسير اتعطل..وقدام حيطه!! النور اتفطى..والتكييف اتعطل.. استنيت شويه منتظر حد يسأل عن الاسانسير .. مفيش حد سأل.. بدأت تعرق..وبدأ قلبك ينبض.. الاسانسير ممكن يقع فى اى لحظه..!! هعمل ايه؟؟ هاخرج ازاى؟؟!! انتظرت كمان ربع ساعه وبرده محدش سأل ..!! بدأت ترتعش ..وضربات قلبك زادت اكتر..وخوفك زاد اكتر..!! فجأه.. افتكرت ان معاك محمول! كنت هتطير من الفرحه.. اخيرا لقيت طوق النجاه! هاتصل بصاحبى او اى حد يجي ينقذنى من الموت! طلعت المحمول.. اتصلت بالرقم.. سمعت حد بيقولك.. عفوا لقد نفذ رصيدكم!!!!! ايه!!!!!! ياترى هتتصرف ازاى فى الموقف ده؟؟ و متؤليش إني أنت فودافون و هتستلف :harhar::harhar: http://img841.imageshack.us/img841/2518/3h036.gif بعد المقدمه دى انا عايز اتكلم معاكم فى موضوع يهم كل شاب وكل بنت بيستخدموا النت.. اكيد طبعا عرفتوا انا عايز اكلمكم عن ايه..مش محتاجه فهلوه! المواقع الاباحيه.. آآآآآآآآآآآآآآآآآآآآآآآآآآآآآآآآه.. جيت على الجرح انا عارف.. بس اعمل ايه..لازم اتكلم ..الموضوع اخطر مما انت وانتى وانا متخيليين! ازاى بس! ما هى صور زى اى صور بنشوفها فى كل حته دلوقتى! فى الشارع ولا فى التليفزيون ولا فى السينيما ولا على البلاج..ما هو كله بقى عادى دلوقتى..! لا يا حيبيب قلبى ..لا يا اختى.. اسمعوا الحديث ده.. عن ثوبان رضي الله عنه عن النبي صلى الله عليه وسلم أنه قال::(( لأعلمن أقواما من أمتي يأتون يوم القيامة بأعمال أمثال جبال تهامة بيضاء فيجعلها الله هباء منثورا - قال ثوبان يا رسول الله (ص) صفهم لنا حلهم لنا لا نكون منهم ونحن لا نعلم - قال أما إنهم إخوانكم ومن جلدتكم ويأخذون من الليل كما تأخذون ولكنهم قوم إذا خلوا بمحارم الله انتهكوها)) انت عارف يعنى ايه الكلام ده؟؟ يعنى واقف يوم القيامه بتنظر فى اعمالك لقيت عندك جبااااااااااااااال حسنات ..وحسنات بيضاء كمان..صلاه على صيام على صدقه على بر والدين على صلة رحم على عطف على الفقرا والايتام على حسن خلق.. جبااااااااااااااااااااااااال.. وانت واقف وخلاص بعد ما شفت حسناتك وحطيت فى بطنك كوم بطيخ انك مش هتدخل الجنه وبس..ده انا هطير على الفردوس الاعلى بصاروخ.. تبص تلاقى ربنا بيقول (وَقَدِمْنَا إِلَى مَا عَمِلُوا مِنْ عَمَلٍ فَجَعَلْنَاهُ هَبَاءً مَنْثُورًا) فين الحسنات؟؟؟ عفوا..لقد نـُسف رصيدكم!! فين الحسنات؟؟؟ كله راااااااااااح..مفيش ولا حسنه واحده!! ليه كده يارب؟؟ لانهم (قوم إذا خلوا بمحارم الله انتهكوها) طيب وبعدين .. وبعدين ايه.. مفيش مكان غير النار!! عارف يعنى ايه النار؟؟؟ آآآآآآآآآآآآآآآآآآآآآآآآآآآآآآه.. كان اول ما يلاقى البيت فاضى؟؟ كانت اول ما تدخل اوضتها وتقفل الباب؟؟ كان او ما يحس انه لوحده؟ كانت اول ما تحسى انها ما حدش شايفها؟ تبدأ المصيبه الكبرى... ناس بتبدا الطريق ده من دافع الفضول.. وناس الفراغ بيقتلها والشيطان مش سايبها.. وناس رابط واحد فتحته كان سبب هلاكها.. وناس مشيت خطوه خطوه .شات برئ..ثم كلام فى الجنس وبعدين لقت نفسها مع صوره وبعدين مع فيلم والنهايه بقت بالشكل ده!! وللاسف..الاباحيه مش بحر..! الاباحيه محيييييييييييييييييييط..مش بيطلع حد منه بالساهل!! والله اعرف ناس بقالها عشر سنين وعشرين سنه ومش قادر يبطل..وللاسف تلاقى منهم متجوزين.. وناس وصلت بيهم الدرجه للجواز العرفى والزنا ..وناس وناس....!! يعني ايه؟؟ مفيش فايده؟؟ مين قال كده..؟؟! الامل موجود..والانسان اللى عنده دافع انه يتغير هيتغير..! طيب ايه الدافع اللى يخليك تتغير..؟؟ خوفك من ربنا..خوفك على حسناتك..خوفك من جهنم.. http://img841.imageshack.us/img841/2518/3h036.gif ده انا عايزك تسمع الحديث المرعب ده كمان.. قال رسول الله صلى الله عليه وسلم: (إذا عملت الخطيئة في الأرض كان من شهدها فكرهها كمن غاب عنها ومن غاب عنها فرضيها كان كمن شهده) عارف يعني ايه؟؟ يعنى مجرد انك بتتفرج على الافلام دى ..ده معناه انك راضى عن اللى بيحصل فيها..متقوليش بتفرج وقلبى بيتقطع ومش راضى ..احنا هنضحك على بعض.؟؟ رضاك بالافلام دى..يجعلك كأنك عياذا بالله انت اللى بتزنى بالظبط.. تيجى يوم القيامه تلاقى فى صحيفتك 100 الف حالة زنا..!! يارب ده انا عمرى ما زنيت ولا مره؟؟ بس كنت بتتفرج على الزنا وراضى بكده! شوفت المصاااااااااااااايب ..!! يا جماعه طريق الافلام الاباحيه فى الاخره ملهوش نهايه غير جهنم لو متبتش من الذنب ده..!! وفى الدنيا ..عياذا بالله الذنب مش هيجيب غير ذنب.. الافلام هتقلب بعاده سريه .. شويه شويه عياذا بالله زنا.. شويه شويه ضياع النخوه ويقلب بزنا محارم .. ومصايب وبلاوى لا يتخيلها احد!! واخطر حاجه فى الموضوع حتى لو محصلكش اى حاجه من دول..هى موت القلب!! صوره ورا صوره ..وفيلم ورا فيلم ..والقلب عمال يسود..لحد ما يموت القلب..! تلاقى نفسك يتعصي ربنا عاااااااااااادى جدااا.. مفيش اى مشكله فى كده.. مفيش طعم لاى عباده..ولا حاسس بصلاه ولا صوم ولاقرايه قران..! خلاص القلب مات..! وعقبال ما يرجع ..هتتعب جاااااااااااااااااااااااااااااااامد فى ترجيعه!! علشان مطولش عليكم.. مفيش حاجه اسمها انا عارف انفسى وانا عارفه نفسى والكلام ده..متخلوناش نتكلم.. لو كنت شيخ الاسلام..سد باب الفتنه احسن ما تندم طول عمرك.. وعلى رأى اللى بيقول..ما خلا شاب او فتاه بالنت الا كان الشيطان ثالثهما..! انت وانت قاعد على النت كانك قاعد فى مكان ملغم بالقنابل!! فيه حد يلعب بالقنابل..؟؟ ده يبقى مجنون رسمى!! لازم تاخد كل احتياطاتك الامنيه المشدده علشان تطلع سليم.. http://img841.imageshack.us/img841/2518/3h036.gif نصيحه ..شيل النت لو مش محتاجه ضرورى.. طيب لو محتاجه ومتقدرش تستغنى عنه.. يبقى لازم برنامج مانع للمواقع الاباحيه.. البرنامج اهو.. هـــــــــــــــــــــــــــــــــــــنـــــــــــ ـــــــــــــــا وفيه خواص رهييييييييييييييييييييه.. تقدر تمنع الشات بكل برامجه من عليه..وكمان المواقع الاباحيه..وكمان اى موقع غير اسلامى مش عايزه يفتح معاك بتحطه فيه وهو بيمنعه.. يعنى من الاخر هيسد عنك باب كبيييييييييييييييييييير .. ساعة ما تصطب النسخه يبقى ده اول برنامج تصطبه..وقوم كاتب باسورد فى ملف تكست وخدها كوبى وباست علشان لو عرفت الباسورد هيبقى ولا كأنك عملت حاجه..!! ونصيحه كمان.. هات ملصق من اللى بتلاقيهم فى كل حته بربع جنيه من بتوع الموت والقبر والحساب..والزقه على الشاشه علشان يفكرك دايما وخليك فاكر كويس.. (عن ثوبان رضي الله عنه عن النبي صلى الله عليه وسلم أنه قال لأعلمن أقواما من أمتي يأتون يوم القيامة بأعمال أمثال جبال تهامة بيضاء فيجعلها الله هباء منثورا قال ثوبان يا رسول الله صفهم لنا حلهم لنا لا نكون منهم ونحن لا نعلم قال أما إنهم إخوانكم ومن جلدتكم ويأخذون من الليل كما تأخذون ولكنهم قوم إذا خلوا بمحارم الله انتهكوها) يلا نبدأ صفحه جديده على النت.. نستخدمه فيها علشان نتعلم ديننا .. ونجمع اكبر قدر من الحسنات.. علشان نعيش احلى حياة فى طاعةالله.. * أخوكم.Poiu .. http://img688.imageshack.us/img688/25/2s837yh.gif |
الجزء الاول من الموضوع مكرر فى موضوعى بالنص ✿ تخيل نفسك فى الموقف دا ... ✿ (متجدد باستمرار) ! فى الموقف الاول |
شكرا على مجهودك
|
اقتباس:
اقتباس:
يا حبيب ألبي إنت مش فاهم الموضوع خالص دية مقدمة مش مهم مكررة أو لأ المهم الباقي |
شكرا على مجهودك
|
جميل أوى
ربنا يبارك فيك و يهدينا |
الجزء الاول مكرر...
الجزء التاني تحفةةةةةةةةةةةةةةةة |
عندك حق ولله ربنا يهدي كل عاصي
:111 (4)::111 (4): |
المــوضوع رووعــة و المصيــبة فى بتـــوع العــادة السريــة
ربنــا يهديــنا و يحفظنـا تســـلم يا جميــل اقتباس:
:smoke: |
اقتباس:
اقتباس:
اقتباس:
اقتباس:
شكرااا للجميع و علي حكاية المقدمة زي ما قال بونبوني بالظبت |
شكرا ليك وانا بعترف والله انا عملت كل حاجه غلط تقريبا ..وربنا تاب عليا
والحمد لله بقراه قرأن وبعمل كل حاجه صح..وونصيحه لأي حد يعمل زي ويهتدي والله الدنيا هتبقي حلوه معاك اوي افرض انتا قاعد بتتفرج وفجاة جالك ملاك الموت وخدك وموت .. يحشر المرء علي ما مات عليه.افرض قاعد عريان و بتتفرج وموت تقابل ربنا عريان صح..والموت مبيسبش ولا كبير ولا صغير والله اهتدي لي ربنا و الدنيا هتبقا حلوه معاك والاخره هتبقا حلوه معاك وهتلاقي كل حاجه سهله معاك ربنا مسهلهالك اوي اوي اوي كأنها جايزه من ربنا في الدنيا تمهيدا للأخره ..وانا مش بقول اعتكاف و الحوارات ده و او في رمضان متتفرجوش علي مسلسلات بوص لو بتصلي كل الفروض و بتقرأه قرأن و عملت كل حاجه عليك مفيش ضرر انك تستمع شويه..ان الله يريد بكم اليسر ولا يريد بكم العسر...والله والله دينا حلو اوي وسهل اوي اوي ومش متعب خالص وربنا يهدينا كلنا واسف اوي علي الاطاله الجامده ده :biggrin: |
اقتباس:
أنت تتكلم زي ما أنت عايز و إن شاء الله الكل يعمل بهذا الكلام:mf_lustslow::mf_lustslow: |
بجد موضوع جميل جدا و ربنا يهدينا ويهدى الجميع امين يا رب
|
جزاك الله كل خير |
يعنى البيتفرج زى البيزنى طب الميعرفش يعمل اه ؟؟!! زنا بردوه:sad1:
|
| الساعة الآن 12:27 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.