|
"اللهم بلغت .... اللهم فاشهد " !!
السلام عليكم امبارح الصبح لاقيت اغلب صحابي علي الفيس بوك غيروا صورهم وحطوا صور لرامي "ستار اكاديمي " قولت يمكن افتكروا فجاءه مجاش في بالي خالص انه اتوفي ومن شويه لاقيت عندي فيديوهات وصور لعربيه شكري وعلشان بس الامانه انا كنت بتفرج علي ستار اكاديمي السنه دي زي معظم الناس معرفش ليه بعد ما شوفت الخبر لاقيت نفسي مش مستوعبه اللي حصل الموت مكتوب علينا طبعا بس محدش عارف هيموت امتي ولا فين رامي مات في بلد مش بلده واتسبب في موت اتنين غيره لانه بيسوق في بلد ميعرفهاش طبعا كل ده مكتوب بس وفاته لازم تغير فكر ناس كتير جدا وتخليهم يعرفوا ان كلمه "انا لسه صغير سيبوني اعيش حياتي ولما اكبر ابقي اقرب من ربنا " ده كله كلام استفادوا ايه بقي من ستار اكاديمي ان كان هو ولا شكري وحلم كل الشباب انهم يرحوا البرنامج ده ويشاركوا فيه لو حد منهم كان مكان رامي ياتري لسه بيتمني يروح ستار اكاديمي رغم ان البرنامج ده عليه انتقادات وهجوم بس مقدرش انكر اني كنت بتفرج عليه وكنت بشوفهم بيعملوا ايه وبيتصرفوا ازاي بنات قاعده اكتر من 3 شهور في مكان بعيد عن بيتهم وشرعا البنت مالهاش انها تنام بره بيتها وولاد بترقص وتغني وقرب مرفوض من المجتمع والعادات والتقاليد وحلم بيكبر جواهم انهم يكونوا ستار ومشاهير واضواء وصحافه بس يا تري هي دي النهايه رامي اتوفي وياعالم شكري هيحصله ايه تابعت الموضوع علي مواقع كتير وعرفت انه حالته خطر وفي العنايه المركزه ربنا يشفيه يارب ويعيد حساباته من تاني لانه شاف الموت بعينه ويمكن شكري يكون علامه لناس كتير انهم يغيروا طريقه حياتهم شباب خارجين ومفيش في دماغهم حاجه سرعه علي الطريق اتسببت في وفاه اسره مالهاش ذنب يمكن الحادثه دي ربنا اراد انها تحصل علشان تفوق جيل كامل اللي مزعلني هو الشماته في الموت والتعليقات اللي شوفتها علي موقع الناس كاتباه كلام خارج مش هيفيد بحاجه " اللهم لا شماته " خلاص ده واحد بين ايدين ربنا دلوقتي كاتبين انه كان متعطي مخدرات ومهما كان ده ميت تعليقات الناس مش رحيمه بس اللي بجد مفروض يحصل ستار اكاديمي ينتهي ويتلغي بلاش يكون في الف رامي تاني وبلاش يكون في شكري تاني كل سنه ربنا بيبعت اشاره رغم انها بعد شهور من نهايه البرنامج بس اشاره يارب تتفهم وياريت الكل يعرف انك كان ممكن تكون مكان رامي البنات اللي لابساه مايوهات في مارينا ممكن تموتي جوا البحر ويوم القيامه هتبعثي بالمايوه كل بنت كانت في ستار اكاديمي واتحضنت من ولاد ياريت تتوب وتفكر ومش هما بس كلنا ناخد الحادثه دي موعظه لينا ونفوق بدري قبل ما يفوت الاوان .... ناويين تكملوا حياتكوا ازاي ؟؟؟ صحوبيه وخروج مع البنات وشرب مخدرات وترك الصلاه ومعاصي ليل نهار وتقولوا احنا لسه صغيرين مفيش حاجه اسمها صغيرين في حاجه اسمها ان اليوم اللي هيروح في البعد عن ربنا مش هيرجع تاني الاحداث كلها قدامكوا وربنا ميزنا بالعقل ورافضين نستخدم العقل ده عايزين نكمل في المعاصي والذنوب ياعالم هنموت علي ايه هتموتي وانتي لابسه قصير وانت هتموت وسيجاره الحشيش في ايديك ولا هتموت علي السجاده وانت بتذكر ربنا زمان كنت مش بحب اتكلم باسلوب التخويف من الموت والعذاب والنار بس في ناس مش بتتغير وتتاثر غير لو شافت قدامها حادثه زي دي ياريت التغيير ميكونش يومين وخلاص يكون بنيه صادقه مع ربنا الموت هيجيلينا لو كنا في ابراج عاليه ومحدش عارف هيموت فين الفرصه لسه قدامنا وعلامات ربنا برضه قدامنا وكل واحد حر في قراره "اللهم بلغت .... اللهم فاشهد " Mostafa |
شــــكرا علي الموضوع
|
:doh::doh::doh::doh:
thx man |
لاحول ولا قوة إلا بالله
|
طيب غير الصوره الرزميه بتاعتك انتا حاطط تامر حسني وعامل موضوع ديني
المهم البقاء لله والله يرحمهم بقي |
:welcomeani:
|
جزاااك الله الخير و البركااات
|
ربـــنا يهديــ،ــــنا جميــعا
:lookaround: |
لاحول ولا قوة إلا بالله
|
جزك الله خير
|
شكرررررررررررررررررررررا
|
شكرا على الكلام الجامد ده
ويا رب يتعظوا |
شكرا على الكلام الجميل دة
|
شكرا بس الحمد لله مش بتفرج على البرنامج السافل دة
|
شكرا علي الموضوع و ربنا يدينا حسن الخاتمه |
| الساعة الآن 02:08 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.