الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   ҉»ثانوية عامة ҉» (https://silkroad4arab.com/vb/showthread.php?t=237259)

! FiRe ! 12-06-2010 12:55 PM

҉»ثانوية عامة ҉»
 
http://www.al-qatarya.org/qtr/qatarya_UG0XJMqMMF.gif

http://www.al-qatarya.org/qtr/qatarya_r6ikW8Os7e.gif
الجو غيم كده صح ، طبعا كل اللى داخل الموضوع ، هيفتكر انها نصايح او كده ، لكن ابدا هى مش نصايح ، هى فضايح ، نبتدى:
اول ما خلصت ثانوية عامة ، عمى قاللى كلمة عمرى ما هنساها " حمدا لله على السلامة ، ومرحبا بك فى كوكب الارض " .
واحب اقول لكل اللى فى ثانوية عامة مؤخرا ، اقوله ولا يهمك ، عادى ، كلنا ضيعنا الـ14 سنة دول ، كلنا ! ، واحب اقولك معلومة لقدام ، كل سنة على شهر ستة او سبعة هيجيلك اكتئاب طفيف ملوش اى معنى ، وهتحلم نفس الاحلام اياها : ان ورقة العربي كبيييييييييرةوالقلم صغيرععاااااااا ، وجو الرعب دا ، عادى ، كل سنة .

http://ahyaarab.net/images/281.gif

مضيعة غريبة للوقت اللى حصل فينا دا مضيعة للوقت ، قاللك : شبه جملة فعلية فى محل رفع خبر مبتدأ .
الكلمة نفسها بتتكتب فى 2 سنتيمتر ، الاعراب فى 28 !!! ، وهى اصلا شبه جملة يعنى الكلمة نفسها فشلت فى انها تكون جملة فعلية ودى حاجة سهلة ، مش مثلا كانت بتحاول تكتشف وجود الذرَة فبقت شبه مكتشف الذرَة ، الجملة دى تكنيكيا مش موجودة ! ، ضيعت انا سنة من حياتى فيها ، على اساس ان السنة بتاعت قطتى صغيرة واسمها نميرة مكنتش كفاية !!! ، لعبها يسلى وهى لى كظلى ، نفسى اعرف مين (لى كظلى) دا ؟!!؟!!؟ .
بلاش ، قاللك ، "المواد الاجتماعية" ، دى مجموعة من المعلومات الـRandom ، ملمومة فى كتاب ، وملهاش غير استخدامين ، اما انك عايز تشترك فى برنامج من سيربح المليون لسنة 1985 !! ، او انك تشتغل مدرس مواد اجتماعية ، معرفش اى حد فى حياتى استخدم اى معلومة من كتاب المواد الاجتماعية ، يعنى مثلا المهندس ، هل استفاد من معلومة ان استراليا بيعتمد اقتصادها بنسبة 60% على تصدير اصواف اغنام المارينو؟؟؟؟ ، او تخصص المشتريات ، هل استفاد من معلومة ان نمو انتاج نجع حمادى من قصب السكر بنسبة 3% كل اربع سنين؟؟ ، دى اقرب معلومة فى البتاع دا للمشتريات ومفهاش حاجة تانى !! .

http://ahyaarab.net/images/281.gif

وقالك الفرق بين المضيق والجبل والاخدود ، واحنا عايشين فى مدينة كل التضاريس اللى فيها كوبرى اكتوبر والمحور ، المحور اخدود؟؟؟؟ .
قاللك : علل! ، الكلمة دى بتنتهى مع اخر امتحان جغرافيا ، يعنى عمرك ما هترجع البيت متأخر وانتا فى جامعة مثلا ابوك يبص فى الساعة ويقولك : علل ! ، لأ سيبيه يا صفاء هو كبير كفاية يعلل ، علل ! .
وبعدين السؤال نفسو ، علل: هطول الامطار بغزارة على اثيوبيا فى فصل الصيف ؟ ،

طب انا مالى؟؟؟ ،

ناس خير وجالهم انا مالى؟؟ ، مطر !! .

http://ahyaarab.net/images/281.gif

نهاية ، نقلا عن جورج عزمى ، مقدم برامج موجه ، بس تعليق بسيط ، هو مجبش بديل ، بس الكلام جميل ، وارجو ان تكونوا استمتعتم!

omar007 12-06-2010 01:15 PM

لا ما استمتعتش
:mf_medusa::mf_medusa::mf_medusa:

CooLFire2105 12-06-2010 02:07 PM

:mf_grenade::mf_grenade::mf_grenade:

الحب 12-06-2010 02:14 PM

:soccer::soccer::cloud: شكرا

! FiRe ! 12-06-2010 05:51 PM

شكرا للمرور

Silent_Hawk 12-06-2010 05:54 PM

:tv_happy::tv_happy::tv_happy::tv_happy:

PaRKouR MaN 12-06-2010 06:05 PM

موضوع جميل شكرا

Osc@r 12-06-2010 06:09 PM

:111 (2): والله بدعليلهم والله

ربنا يوفقكوا

DeadlY_Wave 12-06-2010 09:33 PM

شكرا


الساعة الآن 11:29 PM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.