|
نكت جامده (متجدد باستمرار)
بسم الله الرحمن الرحيم
اول نكته بخيل راح يزور امه فى المستشفى لقى مكتوب على الباب(ادفع) قال ربنا يشفيها ابقى اشوفها لما ترجع البيت.. تانى نكته واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني ثالث نكته مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل رابع نكته واحد تاكسجى نايم مراتة دخلت علية بالليل وقفلت الباب بشويش..صحى قال لهاافتحية واقفلية تانى خامس نكته مرة واحدة قاعدة مع جوزها في جو رومانسي قالت لجوزها قولي كلمة حلوه قالها: بسبوسة قالت لأ كلمة تهزني قال لها مرجيحة قالت كلمة تحسسني أني مراتك قال لها انتي طالق سادس نكته مره واحد مسطول بيقول لواحد صاحبه اقولك سر قاله فى بير قاله سلفنى 10جنيه قاله ولا اكنى سمعت حاجه سابع نكته مرة واحد عصبى ضرسه وجعه راح للدكتور الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى ال*** لوحده ثامن نكته مره واحد سرق فرخة وراح عند البحر نضفها واكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دي نزلت تعوم و قالتلي اخلي بالي من الهدوم تاسع نكته مرة واحد صعيدى بس عايش فى القاهرة بعت بنته علشان تجيبله فيلم فلما رجعت وخبطت على الباب الاب قال مين اللي على الباب؟ قالت له انا يا بابا قال لها جبتيلنا ايه معاكي؟ قالت له العار قال ادفنوها عاشر نكته و (ألاخيرة) واحد ماشى ورا وحدة قالها الحلوة وراها مشوار قالتلة لا وراها حمار الحمد لله الموضوع خلص و ان شاء الله لو النكت عجبتكوا هبئا كل اسبوع انزل عشر نكت غير الموجودين و شكرا :oao5: |
| الساعة الآن 08:39 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.