|
احسبها صح .. تعيشها صح
مفيش حاجة واجعه قلبى ومسببالى انتفاخات زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح .... تعيشها صح .. مستفزززززز جدا .... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود
( على فكرة احلى تحية للهنود بتوع النووى ) ..... احسبها صح ... تعيشها صح .... وعليه...... خدوا عندكم بقا.... هِيّا جت عليّا انا يعنى ؟؟؟!! ... توتى وفر فى فلوس المخدرات بتاعته وجاب عربية هامر جديده !! تحسبها صح .... تعيشها صح نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !! تحسبها صح .... تعيشها صح سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت! تحسبها صح .... تعيشها صح حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !! تحسبها صح .... تعيشها صح عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !! تحسبها صح .... تعيشها صح عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !! تحسبها صح .... تعيشها صح صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !! تحسبها صح .... تعيشها صح طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !! تحسبها صح .... تعيشها صح نداء الى اصحاب القلوب الرحيمة وجمعيات الرفق بالانسان والحيوان.... اوقفوا الاعلان ده أو وفرولنا أدوية مكافحة الحمووووووضة |
هههههههههههههههههههههههه جامدة
|
هههههههههههههههه
مواضيعك جميله فى انتظار المزيد |
شكرا للمرور و الردود الجميله
|
هههههههههههههههههههههههههههههههههههههه
انا كنت بشتري شبس ابو 3 جنيه حسبتها صح ...واشترت شيبس ابو جنيه ....ووفرت عليه 200 جنيه وانا دلوقتي رايح لبرج دبي اصل حجزت شقه بالدور الاخير ..... |
شكرا بس فى جزء كبير انا عملته قبل كده
|
انا اسف يا باشا لو مديئك عادى اقفل الموضوع بس ولاهى انا مشفتش مودوعك
|
صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
تحسبها صح .... تعيشها صح ههههههههههههههههههههههههههه جامده دي مشكور يامان وتقبل مروري |
معاك حق والله
|
ههههههههه جامدة اخر حاجتين :d
|
ههههههههههههههههههههههههههههههههههه
|
شكرا للردود الجميله
|
انا وفرت من الهوا الي بستهلكه
بقيت اشم من فتحه مناخير واحده بس و اسد التانيه و بكده قدرت اسكن في الخرم الي عملتها الطيار ه في برج التجاره العالمي العبها صح ... تكسبها صح |
هههههههههههه حلوه دى بص دى
انا وفرت مصروف يومين و قدرت اجيب avatar and premium plus احسبها صح تعيشها صح |
هو دة الكلام المظبوط :)
|
| الساعة الآن 05:15 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.