عربو الجيم تمام
بس المفروض انهم كانو يسألونا ازاى نعرب الجيم خصوصا ان فيه ناس هنا كتير اداب واعلام
ما علينا يمكن الواد اللبنانى بتاعهم دا واخد دكتوراة فى اللغة ولا حاجة
بس واضح انو بصمجى لانو مش عارف اصول اللغة صح ومدرسهاش

دا افتراضا انهم جابو واحد بيفهم اصلا فى اللغات واللهجات :)

المشكلة ان اى عربى مش هيرضينا كمصريين بالذات اقولك ليه :)
لازم يكون لهجة مصرية مقنعة وتخاطب العقل ولا تدعو الى السخرية

" اصل احنا بالذات بقا مش بيعجبنا العجب - سبحان الله ربنا خلقنا كدا هتعارض فى خلقة ربنا :) "

فيه لهجة فصحى وفيه عامية وفيه لهجة عامية معاصرة
طيب لما يكتبو ان انتا خدت نقاط مش عارف ايه

عامية " اشطة افشت 50 نؤطة يا معلم "
عامية معاصرة " مبروك جالك خمسين نقطة يا لاعيب "
فصحى " مبارك عليكم وعلينا ههههههههههههههههههههههههههه لقد اخذت من الوحش المدمر خمسمائة نقطة الان "


طيب بالذمة حد هيقتنع بأى لغة فيهم ؟اكيد لا للأسباب التالية
ان لو الجيم كلمك بالعامية هتقول عليه دا جيم زبالة
لو الجيم كلمك بالعامية المعاصرة هتقول - ايه دا لما نشوف هيعملو ايه تانى
لو الجيم كلمك بالفصحى هتقول - يخربيت ابوهم - هما اتعبطو ؟ رجعونا 100 سنةن لورا وفاكرين ان احنا بنتكلم بالحوار ده :)


افضل حاجة يا GM cindirla ولا مش عارف اسمك ايه " كلمتك 45 دقيقة فى الجيم على حورات وانا عارف انك بتيجى هنا ومعايا الاسكرين شوت كلها هحبسك بيها "

افضل حاجة تانى ان الجيم يخاطب الناس بلغة العقل مباشرة

50 نقطة
500 جولد
8 بارتى

كدا يعنى المختصر المفيد
وكان فيه مقولة بتقول " اذا كنت تريد ان تحدثنا عن الوصايا العشر فذكر واحدة فقط "
يعنى خليك مختصر فى كل حاجة وبلاش تعك كتير فى لهجات انتو مش قدها


دا رآى الخاص بردو وسلاموز :)

المشاركة الأصلية كتبت بواسطة amir5000 (المشاركة 1957405) انت لو تشوف اسامي السكلات بالعربي حتموت علبى نفسك من الضحك :d وانا بصراحة اني شايف ال english احسن بكتير من العربي عشان احنا اتعودنا عليه خلاص تقبل مروري