عاوزين مصر تنحرف وتمشى على حل شعرها ..!!
 

http://img685.imageshack.us/img685/4...hismindmed.jpg

الواحد من دول وربنا يعفينا ...
ربنا يديله فلوس يديله قصادها قله عقل وهطل وطمع ولا مبالاه فى المعصيه وكمــان المجاهره بيها ...
على اد فلوسة .. يتهبل ..
قضايا رجال الاعمال المصريين والتى لا تخلو من القذارات وقله الحياء والاستفزاز للشعب المصرى الشقيان..
يا ريت الاعلام يبطل يعرضها علينا لانها اصبحت بتحرق دمنا ...

ابتداء من هشام طلعت مصطفى والمبالغ الرهيبه اللى دفعها لسوزان تميم... ما يفوق 30 مليون جنيه...
ثم انتقالا لاحمد ابو هشيمه و40 ولا 55 مليون جنيه للست هيفاء وهبى (بس دول بصراحه محترمين واتجوزوا)...

ثم يحيى الكومى و150 مليون جنيه لخلود العنزى... وملابسات قضاياهم جميعا المخذيه والمخجله ..

والى يقول متجوز والتانى يقول لا دى علاقه عابره ...
وكاننا فى امريكا ولا اوروبا مش بلد عربى شرقى مسلم او حتى مسيحى له تقاليد محترمه وبيحكمه دين .. ؟؟؟؟

دون الخجل من ربنا سبحانه وتعالى ...
واستفزاز الناس بالمبالغ والارقام دى...

ما يفوق 200 مليون جنيه لستات وقله الادب والمسخره وما خفى كان اعظم ....

200 مليون يجوزوا شباب مصر اللى متغرب برا عشان يكون نفسه....
200مليون يعملوا مشروعات تسد بطاله نص شباب البلد...
200 مليون تبنى كم مستشفي سرطان وكلى وكبد بدل اللى بنيناها من تبرعات الناس...
200 مليون بدل ما نلم ضرايب عقاريه من الناس...
200 مليون تبنى كم وحده سكنيه ..؟ تبنى كم مسجد !...
تجيب كم صفقه اسلحه للجيش المصرى
بدل مدافع رمضان اللى بيستخدموها....
200 مليون تحمى كم ظابط ع الحدود المصريه ..
200 مليون تأكل كم فلسطينى وتعلمهم وتبنى غزه من جديد...
200 مليون متظبطشى ازمه المرور؟؟؟
مترفعشى مستوى معيشه اساتذه الجامعات؟؟
متبنيش 100 مدرسه؟؟ متبنيش 5مصانع تشغل الناس ..

200 مليون متسدش جزء من ديون مصر..

الناس دى لازم تتحاكم بتهمه الغباء ..والاستفزاز والتحريض على الرزيله بطرق غير مباشره....
وحرق دم المصريين ..

وسؤال مهم جدااااااااااااا بيطرح نفسه ؟؟؟؟

مينفعشى نجوز مصر اوحتى نخليها تمشى على حل شعرها وتنحرف مع رجل اعمال مصرى يمكن يحبها ويديها 200 مليون ؟؟؟ .. بدل ما بياخد منها ..؟؟؟

واخيرا 200 مليون دا رقم قليل جدااا فى عالم البيزنس ورجال الاعمال لا يجوز دفعه فى الاعمال الخيريه ولا فى مصر انما يجوز دفعه فى اى شىء حرام....او غير محترم...

اما مصر والمصريين ليهم ربنا هو احن عليهم ..
وربنا يستر بنات مصر !...
ويعفينا جميعا ويهدى رجال اعمالها وشبابها !..


ياريت أشوف رئيكم

بص يا مان كل الي انت بتقوله صح بس

كل دة هيتصلح لما الرئيس و الي تحت ايده يتصلحوا

لو دول اتصلحوا صدقني كل حاجة تتصلح

رجال اعمل مين بس والنبى
اصدك رجال سرقه رجال نصب او نساء مش هتفرق كتير

ههههههههه
انتا لسه فاكر
فاكس يا عم
ليهم يوم

لاحول ولا قوة الا بالله

انا سمعت ان جمال عبد الناصر كان مطبق منطق ( من اين لك هذا )

يعنى لو شاف واحد معاه فلوس كتير او جاب فلوس كتير فجأه يجيبه ويسأله هوه جاب الفلوس دى منين

ادعوا معايااا


(عقبالنااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااا)

لم ولن يتكرر مثل هذا الزعيم

ولن ينصلح الحال الا بانصلاح الامام ومن وراءه الماموم

ما كثر في قوم الظلم والنحلال الا سلط عليهم الفقر والامراض التي لم تكن في اسلافهم

لا تعليق

مش هاقول غير حاجة واحدة

يا رب ارزقنا الحاكم الصالح اللى يعرف يمشى البلد

وينصر مصر مش نضرب على قفانا

وشكرا على الموضوع يا باشا

حمها حرميها