اجمل طريقه للانتحار
 

اجمل طريقه للانتحار


اجمل طريقه للانتحار
عاوز تموت شهيد؟
ياتركب طياره ، ياتركب عباره
عاوز تموت من الجوع؟
ياتشتري شقه ، ياتشتري عربيه
عاوز تموت م الغيظ؟
ياتتفرج ع القنوات المحليه ، ياتتفرج علي النشره الجويه
عاوز تموت م الزهق؟
ياتستني الاشاره لمل تفتح ، ياتستني دورك في طابور الجمعيه
عاوز تموت م الهبل؟
ياتخش ع النت ، ياتسمع نجوم الاف ام
عاوز تموت مخنوق؟
ياتروح مصلحه حكوميه ، ياتقرا الجريده اليوميه
عاوز تموت مفرووووووووس؟
ياتركب تاكسي ، ياتركب دش
عاوز تموت مرعوب؟
ياتستني نتيجه الثانويه العامه ، ياتستني نتيجه التحليل عند الدكتور
عاوز تموت مشهور؟
ياتتجوز رقاصه ، ياتنصب علي البنك
عاوز تموت مليونير؟
ياتعمل فيديو كليب ، ياتلعب كوره قدم
عاوز تموت ورا الشمس؟
ياتشغل مخك ، ياتفتح بؤك
عاوز تموت م الحزن ؟
ياتفكر دايما في احوالك ، ياتحط الحكومه في بالك
عاوز تموت م الضحك؟
ياتشتغل علي المدرسين ، ياتشتغل مع المجانين
عاوز تموت في حالك؟
اعمل نفسك دايما مش واخد بالك
ياريت ياجماعه كل واحد يكتب نفسه يموت ازاي :d:d:d

افكار كويسة...

هوه المشكلة ...انا عايز حاجه تانية بعيد خالص عن كل ده....

انا عايز اوصل الى اعله حاجه فى الدنيا...لاقلبى اقدر يوصل...ولا بعدى يقدر يوصلها..

اعمل ايه بقا؟ ^_<

لو عرفت تحب يوبقى عرفت توصل لقلبك ^^

و شكرا على ردك

مشكوور يا عسل موضوع جميل :)