احترس من كل عجوز
 

واحد عجوز كل يوم يروح البنك ويودع 5000 جنيه فى حسابه

الموظفين استغربوا

وفى يوم قال لهم المدير لما ييجى نادوه أكيد هو غنى ولازم نستفيد منه

لما جه الراجل ودخل البنك دخَّـلوه الموظفين على المدير

قالّه المدير: أنت بتشتغل إيه؟..قال: عاطل مابشتغلش

قاله المدير: منين كل الفلوس دى؟

قال : أنا بأراهن الناس بـ 5000 جنيه ودائما باكسب

قاله المدير: مش ممكن ... إحكى الحقيقة ...

قال الراجل: خلاص تراهن بـ 5000 جنيه إنى اقدر أبوس عينى
قال المدير: أراهن...





قام الراجل وفك عينه وباسها ورجعها

(عينه زجاج تركيب)

قال الراجل تراهن بـ 5000 جنيه إنى اقدر أعض ودنى

المدير بعد ما فكر واتأكد إن مافيش ودن تركيب قاله: أتحدى

الراجل فك طقم اسنانه وعض به ودنه ورجعه

المدير إداله 10000 جنيه ومشى الراجل




وتانى يوم الصبح لما دخل الراجل البنك نادوه الموظفين ودخلوه على المدير

قاله المدير يا ابن الحلال عشان خاطرى رجعلّى فلوسى

قال الراجل: خلاص أنا حاراهنك على حاجة
إذا إنت كسبت حاديلك ال10000 وإذا أنا كسبت تدينى 5000 جنيه

قال المدير على إيه تراهن

قاله الراجل: تراهنى أن لون غيارك الداخلى السفلى أزرق

قال المدير وهوفرحان: لا طبعا مش أزرق

(متأكد بقى)



قال الراجل: لا أزرق

قال المدير: لا مش أزرق

قال الراجل: خلاص اقلع البنطلون ونشوف

قلع المدير البنطلون وطلع الغيار لونه مش أزرق

وفعلاً رجّع الراجل فلوس المدير


التفت الراجل للموظفين اللى كانوا بيتابعوا وقالهم

أهو قلّعتلكم المدير البنطلون زي ما راهنتكم

كل واحد يجيب 5000 جنيه حسب الإتفاق :d

الكبار دول عالم دوأرم

موضوع حقيقى حلو جداااااااااااااَ

شكراَ :d

ههههههههههههههههههه
ده لام يجي مليوووون جنيه بس حلوه ولا شغل ولا حاجه

جميله اوى

دماغه جمده الراجل ده

عايز استلف دماغه بس يوم واحد واديلوا 5000 جنيه هههه

ههههههههههههههههههههههههههههههههه جامدو موووووووووووز

هههههههههههههههه

هى دي الناس يبني ربنا يخليه لمصر