حل جميل اوى لكل اللى بيلعبو سلك رود و مهم اوى و الله
 

اولا : السلام عليكم و رحمة الله و بركاته
ثانيا : كل عام و انتم بخير وعيد سعيد علينا و عليكم يارب

يا جماعة انا عامل الموضوع ده و شايف ان الناس بتصرف فلوسها على سلك رود و تخسر صحابها عشان سلك رود
انا نفسى اعرف ليه تصرف فلوسك علشان لعبة و ليه تخسر صحبك علشان لعبة و تزعل اهلك علشان لعبة
والله العظيم حرام عليكم باباك يبقى تعبان فى الفلوس و انت تروح لل GM تقولو اتفضل فلوس اهى!!!
وحرام عليك انك تخسر صحبك او تزعل اهلك علشان لعبة متسواش دى لعبة عبارة عن شوية صور متحركة يعنى والله حاجة هايفة
وحرام عليك انك تبعد عن ربنا و متصليش علشان خاطر لعبة

الحل:

1-متصرفش ولا مليم على اللعبة دى و بدل متدى لل GM الفلوس اديها لواحد فقير مش لاقى ياكل بدل متديها لواحد اغنى منك 100 مرة.
2- اوعى تزعل اهلك ولا تخسر صحبك علشان خاطر GM لان ال GM دة مش هينفعك لما تكبر ولا لما تتعب مين اول واحد هيسال عليك ؟ ال GM عمرو مهيفكر يرفع السماعة و يقولك سلامتك!!! اول واحد هيسال عليك هو صحبك.
واهم حاجة اهلك اللى بيتعبوا علشانك و بيجيبولك كل اللى نفسك فيه متجيش انت تزعلهم.
3-اوعى تبعد عن دينك و متصليش علشان خاطر اللعبة دى.

انا مش بقول نسيب اللعبة انا قصدى ان احنا نلعبها زى اى لعبة عادية .
مش اول لما حد يجيلو DC يقوم يكثر الشاشة بتاعت الكمبيوتر :D
العبوا اللعبة دى عادى زى اى لعبة عادية مثل:Half life _Red Alert كلها العاب اكشن بس انا مش عارف كل الناس بتحب سلك رود و تضيع فلوسها على لعبة متساويش حاجة انا قولت بدل متدى الفلوس لل GM اديها لواحد مبيكلش لحمة واحد مش لاقى يصرف على اولاده.
ياريت يا جماعة محدش يطنش الكلام ده و نعمل بيه كلنا.

مستنى ردودكم و استفسارتكم كلها.

و السلام عليكم و رحمة الله و بركاته.

بص مش كل الناس انا مره دخلت و جالى دى سى و مازعلتش و تقبل مرورى

انا مش كل حياتي سلك رود ,, كان عندي من زمان اكونت صيني لفل 72 حصله هاك و ولا كاني حصلي حاجة عشان انا عارف ان دي مجرد لعبة عايزين يدمرونا بيها و بردو الشخصية اللي انتا شايفها في التوقيع دي بعد ما بفت لفل 63 جا هاكر نزلو 56 بميردر و بردو مفيش حاجة كله بيكون في العقل و الحكمة من اصلها و الاصل هو دي لعععععععععبة

انتو كلامكو صح متخلوش حياتكو كلها سلك رود

و كل سنة و انتم طيبين

اولا الموضوع هذا كلام لا راح ولا جاه ثانيا الموضوع متكرر

وثالثا انتو ليه بتزعجو نفسكم بالي يلعبها وديفع ولا ما يدفعياخي خلي كل واحد في حالو الى يلعب والى ما يلعب خلاص

رايحو مخكم وخلو كل واحد في حالي الى يدفع يدفع والى مايدفع لا يدفع كل واحد عارف هوا ايش قاعد يسوي

تقبل مروري

لو كل واحد ريح مخو زى مانت بتقول يبقى نقفل المنتدى احسن !!!!!

ثانيا انا مضربتش حد وقولتلوا متدفعش انا بقول نصيحة.

وبقول حرام لو حد شايف نفسو غنى يساعد واحد فقير مش يساعد واحد اغنى منوا ب مليوووووووون مرة.

و شكرا لمرورك انت و king_of_babel و زى ما king قالك هى مجرد نصيحة مش اكتر و ياريت كل واحد يعاتب نفسو و يشوف اللى بيعملوا ده صح ولا غلط.

و السلام عليكم و رحمة الله و بركاته.

ايوة احنا بنعمل اللى علينا


يا مان انا شايف ان مواضيعك كلها مفيدة و بحترم رأيك جدا و يشرفنى انى اتعرف بيك فى اللعبة.

على فكرة انا معاك فى الجايلد واسم الاكونت بتاعى _ReTage_

مشكور يابرنس وشكرا علي النصيحة

دا لو المصريين بطلو سيلك رود يوم الجى إم يخسر

اللعبة دي لحست دماغ الناس الكبيرة و الصغيرة انا عن نفسي دلوقتي مش مهتم اوي بيها
اة الي مهتم بي دلوقتي ملوش لازمة بس عادي بقا :p

كلامك صح وانا عمري ما دفعت فيها واللة ولا عشان اشحن سلك ولا عشان اشحن فلوس واللي معاة فلوس مش عايز يديها لفقير روج اتجوز دا في ناس معديين التلاتين ولسة متجوزوش وشغالين يلعبوا سلك رود ويشحنو شكرااااااا