|
اذيك ....... سلامتك ...... واحشتنا......
http://www14.0zz0.com/2009/11/15/10/975293526.jpg
اخواني واخواتي اعضاء روما الكرام اهلا ومرحبا بيكم في موضوعي الجديد اذيك..واحشنا ..سلامتك.... عملت الموضوع ده بعد ما وجدت منكم الاقبال الحسن علي موضوعي لوحه شرف روما وهاوي ...؟ ولا محترف ...؟ تشجعيكم ليا بان ابذل قصاري جهدي لافضل علي نفس المستوي الذي عهدتموني به واتمني ان اكون ارضي جميع الاطراف والاذواق كالعاده هبدا اشرح الموضوع وان شاء الله ينال اعجابكم موضوعي ده معمول عشان نقرب من بعض ونعيش جو الاسر الواحده اذيك اول كلمه بتقول لحد قريب منك اول ما بتشوفه سلامتك مجرد ما تحس ان فيه حاجه بتقوله سلامتك فيك حاجه واحشتنا وانتوا فعلا واحشني جدا واتمني اني اقابل كل واحد فيكم واتعرف عليه اكتر واقعد معاه ولو نص ساعه الفكره هيا هنسال علي بعض هنا في الموضوع ناس غابت ورجعت زي alex_staf و بخيت نقولهم حمدا الله علي السلامه ناس مش متعودين منها الغياب ولما يغيبو نيجي ونقولهم واحشتنا يا تري سلامتك ناس زي تامر وماندو نقولهم نتمني تكونوا بخير اصدقائي الفتره القادمه ان شاء الله امتحانات عشان كده هيحصل تغيبات احنا كاسرة واحده هنطمئن علي بعض وندعي لبعض عسي ان يكون بيننا واحد بيدعي من قلبه وعشان دعاه ربنا يكرمه ويكرمنا معاه اتمني تكون فكرتي وصلت وكاول مشارك في الموضوع احب اقول انا هغيب يومين او ثلاث عن المنتدي عشان عندي امتحان عملي بكرة ان شاء الله وامتحان تاني الثلاثاء واخر الاربعاء دعواتكم يا شباب اي حد تاني عنده امتحانات قريبه يقول وندعيله اي حد يعرف حد مننا مريض لا قدر الله او عنده ظروف يكتب يقولنا ويطمنا عليه كمان ممكن لو في حد عنده مشكله ونقدر نساعده فيها مش هنتاخر اعرض مشكلتك وان شاء الله نساعدك علي حلها (.مشاكل مش في اللعبه مشاكل عاديه.) وبرده ندعي له الله يكون في عونه ويعاونه علي اللي هو فيه اتمني بجد يكون الموضوع علي نفس المستوي اللي اتعودتوه مني احب تحسوا نفس شعوري اننا اسرة واحده واتمني يكون الموضوع ده سبب يقربنا من بعض اكتر ان شاء الله لو تم الموافقه علي الموضوع هيتم تثبيته اقتباس:
اخر كلامي ارق التحيات ليكم اخوتي واخواتي |
تمام اوووووووووى بس انا الحمد لله بقالى كتير بشارك فى معاكوا بس للاسف مش بعرف اعمل مواضيع و كمان مش بحب انقل المواضيع من الاقسام التانيه ....
اسف انى متكلمتش عن الموضوع التحفه ده ................ |
والله انت ميه ميه وبتقول كلام 100 100 وموضوع جميل جدا وان شاء الله كل هيتواصل معانا
|
صح بكدة هنعمل علاقة شريفة :) قصدي وطيدة بنا ومبين بعض
شكرا يا كريم على المجهود اللي أنت بذلوا واتمنالك التفوق إن شاء الله |
موضوع حلو جدا علي الاقل علشان نتطمن علي بعض فيه شكرا علي الموضوع ده يا كريم و ترجع بالسلامه من الامتحانات وربنا معاك |
بالسلامة يا ريس و ربنا يوفقك في الامتحانات و ان شاء الله ربنا يكرمك و تجيب أعلى الدرجات و انا و الله بأغيب عشان انا ثانوية عامة و الله
|
زى متعودنا دائما مواضيع تحفة من اخونا كريم و الصراحه الوضوع ده هيبقى جامد جدا لان فعلا فى ناس بتغيب وبترجع تانى لظروف خاصة مش امتحنات بس لاسباب عديدة الف شكر يا كريم و بالتوفيق ان شاء الله يا حبى و انا ياجماعة هيقل تواجدى فى المنتدى بسبب قرب الامتحنات ( الواحد عاوز يذاكر بقى مش نقصى ... بعد الشر عن الجميع :) ) |
كركر فعلا هو دة كريم ..ومواضيع كريم الحلوة
مجهود جميل جداً يا برنس ^_^ شكراً يا كيمو .. وفعلا لازم نسال على بعض وطمن على بعض اول باول ^^ |
بسم الله الرحمن الرحيم شكرا يا شباب علي التفاعل وعلي دعواتكم الجميله ليا الحمد لله النهارده عدا بسلام لسه بكرة وبعدوا :) قولوا يا رب شكرا يا شباب وترجع بالسلامه يا ايمن المذاكرة مهمة بس انا محتاجك معايا هنا سلامتك يا حودة فينك يا عم السرفر الخاص واخدك مننا ربنا يوفقك يا حودة :) |
فى الاول بقولك يا كركر افكارك جامده جداً
و للاسف انا هتغيب فترة عن المنتدى بسبب السكول علشان فى مشاكل فى البيت و السكول و شكل الامتحانات بعد العيد و هنشيل السنة دى :( بس مشمشكلة المهم مصر تكسب :d |
تيجي باسلامه يا دولة وربنا يوفقك ويكرمك فيها يا رب ويكرمنا كلنا في الامتحانات
بس متغيبش عليا كده والله بتوحشني :) يا تري ابو صلاح فينه ؟ اتمني يكون بخير |
اقتباس:
باذن الله هكون متواجد على اد ما اقدر يا حبى اقتباس:
اقتباس:
ايه ياعم التفائل الى انتا فيه ده :) لأ باذن الله ربنا ميجبش ولا رسوب ولا اى حاجه ان شاء الله بس انتا افتح نفسك على المذاره و قول احاديث بتاعت المذاكره هتلاقى نفسك مفتوح نفسك على المذاكه ولوحبيت اجبلك الاحاديث اجبهالك يا جميل تروح ياعادل وترجعلنا بالف سلامة :) |
انا مش فاهم الموضوع
|
اقتباس:
بص يا جميل كريم باشا عامل الموضوع ده علشان لو مثلاّّ انتا هتسيب المنتدى مثلاّّ اسببوع تروح قائل انك هتكون مش موجود لمدت اسبوع لظروف علشان يعنى نطمن عليك ولما تيجى نقولك حمدلله على لسلامه :) ولو عندك مشكله و تكون متضايق تحكلنا يمكن نعرف نحلهالك وكده يعنى :) |
اوكى يا مون
انا حغيب لمده ســــنـــــه على المنتدى بجد مش بهزر اشوف وشكم بالخير وبجد انتوا اكتر ناس حبيتها انا كنت قايل لكركر انى مش هخوش المنتدى تانى بس استنيت شويه عشانوا و عشانكوا طبعا بسبب مينفعش يتقال ســـــــــــــــــــــــــوري بــــــــــــــــــــــــــــــايـ بـــــــــــــــــــــــــــــايـ |
| الساعة الآن 06:26 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.