جيفارا مات مات من 42سنة
 

http://portalideal.galeon.com/cheweb/cgpf312.jpg

http://img.youtube.com/vi/OTuII5V0pFg/0.jpg
اليكم قصيدة جيفارا مات .....لأحمد فؤاد نجم



جيفارا مات

جيفارا مات

آخر خبر فِ الراديوهات
و فِ الكنايس
و الجوامع
و فِ الحواري
و الشوارع
وعَ القهاوي و َ البارات
جيفارا مات
جيفارا مات
و اتمد حبل الدردشة والتعليقات
********
مات المناضل المثال
يا ميت خسارة عَ الرجال
مات الجدع فوق مدفعه جوّه الغابات
جسّد نضاله بمصرعه
و من سُكات
لا طبالين يفرقعوا
و لا اعلانات
********
ما رأيكم دام عزكم؟
يا انتيكات
يا غرقانين
فِ المأكولات و الملبوسات
يا دفيانين
و مولعين الدفايات
يا محفلطين
يا ملمّعين يا جيمسنات
يا بتوع نضال آخر زمن
ف العوامات
ما رأيكم دام عزّكم؟
********
جيفارا مات
لا طنطنة
و لا شنشنة
و لا إعلامات و استعلامات
عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع
يمكن وصية للي حاضنين القضية
بالصراع
صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال
********
يا شغالين ومحرومين
يا مسلسلين
رجلين و راس
خلاص خلاص
مالكوش خلاص
غيرالبنادق و الرصاص
دا منطق العصر السعيد
عصر الزنوج و الامريكان
الكلمة للنار و الحديد
و العدل أخرس أو جبان
********
صرخة جيفارا يا عبيد
في أي موطن أومكان
ما فيش بديل
مافيش مناص
يا تجهّزو جيش الخلاص
يا تقولو عَ العالم
خلاص
********








ولمن يريد المزيد من المعلومات فقد وجدت فى عيون المواضيع العامة هذا الموضوع

مـــــــــشكور

اكيد جيفارا عمره ماهيتنسى مناضل مدافع عن كل شىء و لكن للاسف مع مرور الاجيال سيمحى من التاريخ

لو سالت حد دلوقت قلتله مين تشى جيفارا معظم الناس هتلاقيهم مش عارفين و اللى عارفين هتلاقيهم قاريين عنه

انا كنت هكتب رد طويل عنه وعن أحمد فؤاد نجم

بس انا عاوز أسأل سؤال ؟؟؟؟ انتوا ايه الى عاجبكوا فى أرنستو جيفارا أوى كده

وعاوز أضيف أنه كان بيميل الى الماركسيه الفكريه .......... والماركسيه وأهوالها وتأيدها لنظريات التطور الداروينيه

هو ده جيفار هو ده احمد فؤاد النجم

الى شايف ان جيفارا ده يستحق انه يكون بطل وقوده يكتب ما براه فيه ولم أتخذ قدوه ومثلا يحتذى به وانا اجى ارد على الموضوع ده ان شاء الله للى صبره طويل على القرايه

مشكور ليك

يا عم هو انت مفتخرين بيه ليه
ده واحد يهودى

مشكورر

بس انا حضيف حــاجة بسيطه بس :

بعض أقوال تشي جيفارا /

•لا يهمني متى واين سأموت.
•لا أعرف حدوداَ فالعالم بأسره وطني.
•ان الطريق مظلم و حالك فاذا لم تحترق انت وانا فمن سينير الطريق.
•اما أن ينتصر أو يموت. وكثيرون سقطوا في طريق النصر الطويل.
•الثوار يملؤون العالم ضجيجا كي لا ينام العالم بثقله على أجساد الفقراء.
•لن يكون لدينا ما نحيا من أجله، ان لم نكن على استعداد أن نموت من أجله.
•أؤمن بأن النضال هو الحل الوحيد لأولئك الناس الذين يقاتلون لتحرير أنفسهم.
•الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن.
•أنا لست محررا، المحررين لا وجود لهم، فالشعوب وحدها هي من تحرر نفسها.
•انني أحس على وجهي بألم كل صفعة توجّه إلى مظلوم في هذه الدنيا، فأينما وجد الظلم فذاك هو وطني
• "..ان الثورة تتجمد وان الثوار ينتابهم الصقيع حين يجلسون فوق الكراسي، وأنا لا أستطيع أن أعيش و دماء الثورة مجمدة داخلي."