|
قصيدة عشان انت مصرى!!
اخر اهداء من الفنان احمد فؤاد نجم الى المصريين قصيدة / عشان انت مصرى عشان انت مصرى... لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الأغانى بتاع الحضارة وكانى ومانى ده كله هجايص مايدخل ودانى عشان انت مصرى العذاب بيناديك بتبدأ فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش مية تشطف صابونة فى إيديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصلة أدى المترو واقف وكهربته فاصلة وفى الميكروباص خناقة وحاصلة أوتوبيس فرامله عايزالها وصلة وتوك توك ده تايه ومحتاج لبوصلة بتوصل لشغلك بدم اتحرق فى زحمة وكتمة وحر وعرق رئيسك سايبلك كومة ورق ده غير دمغة ضايعة وملف اتسرق وفيه كام مواطن عامللك قلق بيشكى تقول له روح اندعق وعركة وهوجة وشاى اندلق ومخك خلاص م الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تِهاتى ياناس اتهريت ولا حد سامعك مهما هاتيت عشان انت مصرى وده للاسف فلازم تقاسى تعيش تتقرف وكل الأساسى فى حياتك ترف فتنسى الكرامة وتنسى الشرف وتسرق وتنصب أو تنحرَف ودمعك بيجرى وجرحك نزف مش انت اللى مصرى؟؟؟ جتك ميت قرف أرجــو أن تنال أعجابكــم |
قصيده دمها خفيف بس مش وقتها
مصر اليوم في عيد :d:d |
كلو كلام اغانى اساسن
|
اقتباس:
ههههههههههه أفراج النهاردة ^_^ اقتباس:
لول شكــراً لردكــ |
هههههههه قصيدة جامدة اوى
|
جامده اوي
شكرا ليك يا باشا |
السلام عليكم ورحمة الله وبركاته قصيده جامده والله وكلامها كله حقيقه واخر بيت فيها ضحكنى جامد:d |
|
شكــراً لكل ال ردوو
تســـلم ردودكــم |
|
انا عشان مـــــــــــصرى مش هعمل زى الباقى عشان انت مشرف بيجاملوك
مصر بالنسبالى احسن بلد فى الدنيا ... والى مش عجبه بلده يصلحها .. او يدورلوا على بلد تانيه تعيش مـــــــــصر ... ويعيش حسنى مبــــــــأرك |
اقتباس:
ههههههههه أولاً / يا بوب ده مش كلامى بلاش ندخل فى السياسة لاحسن كدا حنشيل أوبح :d ربنا يستر عليكــ وعلينـــا |
اقتباس:
اولا تخاف من ايه ؟ انت فى بلد ديمقراطى يحقلك تتكلم فى اى شىء وانا بحترم احمد فؤاد نجم .. لكن فى بلدنا المحروسه الى يخبط فى الحلل يبقى بطل .. وملوش دعوة بالحقائق .. حبيت اقولك .. مصر احسن من زمان كتير ... ... واحسن من غيرها الف مرة ! كفايه ان انت لو بعدت عنها اسبوعين بيجيلك اكتئاب .. انا اسف انى طولت .. لكن انا بجد بزعل لما حد يتكلم عن مصر وحش |
يا جدعان داه احمد فؤاد نجم اتحبس كتير بسبب الكلام اللي بيألو عن البلد و عن الريس
|
اقتباس:
علي فكره انا مجاملتش مشرف ولا حاجه انا شوفت ان القصيده دمها خفيف تقدر تنكر ؟ اقتباس:
لكن متقولش ان مصر احسن من زمان .. قول للزمان ارجع يا زمان .. |
| الساعة الآن 06:26 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.