خطاب الرئيس لشعبه
 

الرئيس يخاطب شعبه الحبيب :
يا شعبى حبيبى يا روحى يا بيبى يا حاطك فى جيبى يا ابن الحلال
يا شعبى يا شاطر يا جابر خواطر يا ساكن مقابر وصابر و عاااال
يا واكل سمومك يا بايع هدومك يا حامل همومك و شايل جبال
يا شعبى اللى نايم و سارح و هايم و فى الفقر عايم و حاله دا حال
أحبك محشش مفرفش مطنش و دايخ مدروخ و اخر إنسطاااااااال
و احب اللى ينصب و احب اللى يكدب و احب اللى ينهب و يسرق تلال
و احب اللى قافل عيونه المغفل و احب البهايم و احب البغال
و احب اللى راضى و احب اللى فاضى و احب اللى عايز يربى العيال
و احب اللى يائس و احب اللى بائس و احب اللى محبط و شايف محال
و احبك تسافر و تبعد تهاجر و تبعت فلووووووسك دولار او ريال
و احبك تتطبل تهلل تهبل عشان ماتش كوووورة و فيلم و مقااااااااال
و احبك تايد تعضد تمجد توافق تنافق و تلحس نعاااااااااال
لكن لو تفكر تخطط تقرر تشغللى مخك و تفتح جدااااااال
و تبدأ تشاكل و تعمل مشااااااااااااااااكل وتنكش مشاكل و تسأل سؤاااااااال
و عايز تنور و عايز تتطور و تعمللى روحك مفرد رجااااااااال
ساعتها هاجيبك .. لا يمكن أسيبك و راح تبقى عبرة و تصبح مثااااال
هابهدل جنابك و أذل اللى جابك و حيكون عذابك دا فوق الإحتمال
و أمرمط سعادتك و أهزأ سيادتك و أخللى كرامتك فى حالة هزااااااااال
و تلبس قضية و تصبح رزية و باقى حياتك تعيش فى إنعزال (يعنى المعتقل)
هتقبل حاحبك , هترفض حا ألبك , حا تتطلع حا تنزل ها جيبلك جمااااااااااال




و إنتظروااااااااا مننا خطب جديدة