الموقع العربي الاول للعبة Silkroad Online - معلومات عن ايفينت على بابا والاربعين حرامى ومش ترجمة جوجل:d

لقيت المواضيع الى معموله عن الايفينت كلها ترجمة جوجل ومش موضحه حاجه فقلت اشرح الى فهمته من الايفينت وان شاء الله الكل يفهم

اول حاجه بيقولوا ان دى فرصه لكل لاعبين سيلكرود انهم يكسبوا اسلحه sun ,moon and star وده عن طريق الايفينت الجديده الى هتبدا من يوم 25 اغسطس 2009 يعنى من بكرة بأذن الله بعد ابديت اللعبه وانزال الاصدار الجديد

بعد كده بيقولوا ان الايفينت دى هتكون على مدار الساعه يعنى كل ماتخلص هتشتغل تانى وهيكون مدتها ساعه عشان تخلص الكويست بتاعتها الصراحه انا مفهمتش الجزء ده كويس ومتلغبط بين حاجتين يا اما الى قلته انها هتشتغل كل ماتخلص يا اما هتكون كل فترة وهتكون لمدة ساعه التسجيل فيها والله اعلم

ده بالنسبه لاول جزء الى هو ده

اقتباس:

Hello. This is Silkroad Online.
This is another big chance to achieve 10th Degree Seal of Sun, Moon, and Star Weapons from the event. We have prepared a sparkling event called Ali Baba and the Forty Thieves from August 25th to September 15th of 2009 for all Silkroad characters. The Quest is Repeatable
The event starts at every even hour for 1 hour based on a Silkroad Standing Time

بالنسبه بئه لطريقة تنفيذ لكويست

اول حاجه اول مايتكتب ان الايفينت دى هتبدا هنروح على So-Ok الى بنروحلها عشان ندخل الايفينت العاديه
تانى حاجه هيكون عندنا الاختيار ده (Ali Baba and the Forty Thieves ) اما ندوس على So-Ok هندوس عليه
تالت حاجه تقريبا هيكونه فيه وحوش جديده للايفينت بس اسمها كده ( Seal of Protector and Seal of Guardian) المفروض نقتل 39 واحد من ال Seal of Protector وواحد بس من ال Seal of Guardian
وفيه ملحوظه بتقول ان الحاجات الى بناخدها فى الانفنتورى كل مانقتل واحد من الى ذكرناهم ممكن بس انها تتعحط فى مبادله ( Esxchange ) لكن مينفعش تتحط فى الاستورج او تترمى او تتباع لمحل
رابع حاجه بعد مانجمع الحاجات المطلوبه فى الفقرة الى فاتت بنرجع ل So-Ok تانى ونبدلهم منها
وفيه ملحوظه برضه بس بتقول بئه الهديه الى بتتاخد منها لا بتتباع ولا بتحط فى الاستورج ولا بتترمى ولا بتتبدل حتى يعنى مبتتحركش من الانفنتورى
خامس حاجه بعد ماوقت الايفينت يخلص الى هو هيكون يوم 15 سبتمبر 2009 هيتم توزيع الجوايز على الناس الى هى زى ماقلنا اسلحه sos بانواعها من الديجرى العاشر بطريقه عشوائيه يعنى هيختاروا ناس عشوائى كده من كل سيرفر ويدولهم السلاح ال sos
وفيه ملحوظتين مهمين اوى اولهم ان كل ماتعمل الايفينت دى اكتر فرصتك هتزيد عشان اسمك هيكون متسجل عندهم فى سرفر اللعبه بعدد مرات مانت عملت الايفينت
وتانى ملحوظه ان كل ماتيجى تسلم الحاجات الى انت هتلمها من الوحوش الى قلنا عليها لازم تكون ماسك السلاح الى انت عايز منه دجرى 10 يعنى لو انت مثلا عايز ستاف تكون ماسك ال ستاف وانت بتسلم الحاجات الى معاك عايز جليف تكون ماسك الجليف وقت التسليم وهكذا وبصفه عامه تكون ماسك السلاح ده اكتر الوقت يعنى بالنسبه للناس الى بتلعب باكتر من سلاح لازم فى الفترة دى يستخدموا السلاح الى عايزين منه السوس الدجرى10 فترة اطول

ولى فات ده كان شرح الجزء ده

اقتباس:

1. When the event starts talk to So-Ok
2. Receive the event quest called Ali Baba and the Forty Thieves.
3. Hunt down Seal Protectors and Guardians to collect 39 Seal of Protector and 1 Seal of Guardian.
(The seals can be traded but cannot be dropped, kept in a storage or sold)
4. Bring the complete set of Seals to So-Ok to receive Ali Baba Seal and a gift.
(Ali Baba Seals cannot be traded, dropped, kept in a storage or sold)
5. After collecting Ali Baba Seals, at the end of the event period, certain numbers of characters per each server will receive the 10th Degree Seal of Sun, Moon, and Star Weapons randomly. (Having more Ali Baba Seals, the better chance you can get greater weapons. Remember to equip the desired weapon type in order to achieve the perfect weapon before claiming the prize.)

بالنسبه للناس الى مكسبوش اسلحه سوس

بيقولوا ان من يوم 15 سبتمبر لغاية يوم 22 سبتمبر يعنى لمدة اسبوع هيكون فيه احتفال بالايفينت بتاع على بابا والاربعين حرامى
وبيقولوا ان الى مكسبوش اسلحه من المذكورة يروحوا يكلموا So-Ok
وكل واحد هياخد جوايز كويسه جدا ومش كاتبين امثله للجوائز دى بس بيقولوا انها هيتم استخدامها لمدة تصل ل 1300 ساعه تقريبا وهتبدا من يوم 22 سبتمبر

وده كان ترجمة الجزء ده

اقتباس:

From September 15th to September 22nd, of 2009, celebration of Ali Baba and Forty Thieves will continue.
1. Talk to So-Ok
2. All users would receive a unique prize. again. By talking to So-Ok, you can refill the used up prize till 1300 hours on September 22nd of 2009.

واخر جزء مكتوب فى الموقع بيقول ملخصه

انه كل لى كسبوا اسلحه سوس فى الايفينت بتاعة على بابا والاربعين حرامى هيتكتب اساميهم على الموقع بتاع سيلكرود اونلاين وهيستلموا جوايزهم بعد ما اساميهم تتكتب عالموقع وبيكرروا على ملحوظةانك لازم تكون ماسك السلاح الى انت عايز منه الدجرى 10 السوس وانت بتسلم الحاجه ل So-Ok وطبعا الاسماء هتتحط عالموقع زى ماقلنا فىالاول يوم 15 سبتمبر يوم نهاية الايفينت الاساسى

وده كان ملخص الجزء ده

اقتباس:

Winners of Ali Baba and the Forty Thieves would be posted on the 15th of September, 2009.
10th Degree Seal of Sun, Moon, and Star weapons will be awarded to winners of Ali Baba and the Forty Thieves after the list of winners have been posted on the Silkroad Online official website. Remember to equip the right weapon type that you would like to receive for your winning character as the special prize before claiming it by talking to So-Ok

اتمنى كده اكون شرحت للكل المقصود بالايفينت الجديد والشرح كله انا كاتبه بايدى مش ناقله من اى مكان وهو خاص بمنتدى سلكرود فور عرب Silkroad4arab ولن اسامح اى حد ينقله الا اذا ذكر المصدر والله المستعان

تحياتى للجميع وبانتظار استفسارتكم