| The_dark_star |
23-08-2009 05:47 AM |
عادات رمضانية غريبة
السلام عليكم و رحمة الله
النهاردة يا جماعة انا جاي اتكلم معاكو على شوية عادات رمضانية موجودة في دم لمصريين
اولاً\الصيام....دايماً أول يوم بيبقى اصعب يوم فتلاقي في اليوم دة كلمة غريبة بتسمعها من أي حد (سبني في حالي الدنيا صيام)أكبر كلمة مستفزة ممكن تسمعها في حياتك و يا ويل اهلك لو رايح تقضي مصلحة ولا حاجة قبل الفطار تبص تلاقي الراجل اللي انت قصده في المصلحة بيبصلك من فوقك لتحتك كدة و بعد كدة تلاقيه بيقوللك بكل برود(انتا مش شايفني صايم ولا ايه تعالى بعد الفطار)ترحله بعد الفطار يقوللك هوة سعادتك مصومتش ولا ايه تسأله ليه يقوللك امال سعادتك المفروض تجيلي بلليل اكون هضمت الأكل تروحله بلليل يقوللك فوت علينا بكرة عشان وقتالسحور قرب نيجي بقى للفطار ......ااااااااااااااااه من لحظة الفطار دي تلاقي 3500 مليون صنف محطوطين على ام السفرة و اول ما الأذان يخلص تبص تلاقى كل واحد في البيت قام ماسك ازازة مية يخلصها في بق و نص و الأكل كله اللي محطوط يتشال زي ما هو (الواضح ان شكل الأكل بيعجب الناس من غير ما يتاكل او حاجة)
نيجي بقي لفترة بعد الفطار ....34564634 مسلسل موجودين على 3000 قناة في نفس الوقت مانتاش عارف تتفرج على ايه وللا ايه تعالى بقى لكلمة اللهم اني صائم ... تشوف شكلة في الشارع ولا حاجة اتنين مقطعين بعض ضرب و شتايم و تلاقي الواحد من دول بعد ما لعب في وش التاني البخت يقولله(ماشي يابن التيييت انا مش عايز اكللمك عشان انا صايم و يقوم قايل اللهم اني صائم) بعد ما بوظ اللي قدامه
ارجو اني اكون قدمت موضوع حلو يستاهل ردودكم
و آخر كلامي سلامي:):):):):)
|
