يلا ندردش (رمضاني)
 

الموضوع دا هندخل ندردش فيه عن الصيام والمسلسلات اللى بتيجي واللعبة ومشاكلها في رمضان يعنى هنتكلم فيه عن كل حاجة مندرجة تحت كلمة رمضان اي نعم اللعبة مش مندرجة

لكن هنتكلم بردو عن اللى بيحصل فيها

الموضوع دا زي الموضوع بتاع يلا ندردش اللى فوق بس تم غلقه لحد مارمضان يخلص

يلا عايزين مشاركة وتفاعل كدا

(مثبت)

انا شايف يا بلال المفروض كولينا نفووق شويه يعنى الواحد فى رمضان لازم يكون كويس مع ربنا يصلى 5 اوقات فى الجامع و يصلى التراويح و يصوم من غير مشاكل و شتايم و يشغل بوت لمودة شهر والهى يبقى لفل 90 ++ لو هو لفل واحد

انا مش موافق علي الكلام اللي انت قولتو ده

لان في حاجه انت قولتها الله اعلم اذا كانت بقصد او غير قصد

((انت بتقول الواحد في رمضان لازم يكون كويس مع ربنا يصلي 5 اوقات في الجامع

ويصلي التراويح ويصوم من غير مشاكل وشتايم))

انت نسيت حاجه انت قولت في رمضان فقط
تذكر

(( أن رب رمضان هو رب باقي الشهور وباقي السنه))

انا اسف علي الرد ده بس كان لازم علشان ناس كتير بتقول كده وزي ما يكون رب

رمضان مش رب باقي السنه

كلام جميل وموضوع رائع بس سوال بسيط اشمعنا فى رمضان بتكتر المسلسلات والبرامج المنوعه
والكلام اللى احنا عارفينه ده

حبيبي سيلك مش بتخلي الدخول بسرعة ولا حاجة اي نعم هو اللجيند الجديد نازل بدري حبتين لكن

يوسف يمكن كان من غير اصده وماقدرش اقول اكيد دي حاجة يعلمها اتنين .. هو وربنا سبحانه وتعالى

الانسان في رمضان لازم يكون كويس اكتر من باقي الشهور حتى لو كان كويس في الشهور اللى فاتت ودي بترجع لإيمان الانسان وثقته في نفسه وفي ايمانه وايمانه بالله -سبحانه وتعالى- جل في علاه

اما عن سؤالك ياحسام دا مش لاقي له اجابة بصراحة

بس بردو بيزودوا البرامج الدينية كتير انا بتمنى اشوف برنامج من برامج عمرو خالد وباقي الدعاه والشيوخ زي ماكنا بنشوف في رمضان اللى فات واللى قبله وان شاء الله يبقى رمضان احسن من كل الشهور اللى فاتت (مش بقصد رمضان)

بس انا في سؤال سألته لنفسي كتير اوي عشان سمعت في تسعين دقيقة بيقولوا رمضان في مصر عمل وعبادة

انا مش شايف اي حاجة من دول انا بصراحة ومن غير كدب قولت هقضي وقتي في رمضان التزام وصوم وصلاة واختم المصحف بس شوية ارجع وبحاول اثبت

لكن انا قولت كتير اكيد هيحصل زي رمضان اللى فات .. كل واحد يصحى من النوم ع الساعة 5 يفطر على الادان وينزل مع صحابه او يقضيها في بيتهم وهكذا على مرار الايام لحد ما كل دا ينتهى وكان الاغلبية مننا مقضيها مع سيلك رود وانا اولكم

بس في رمضان دا شايف كله مقضيها صوم وصلاة والتزام لإني حاسس ان السنة دي اجمل من اللى قبلها بكتييييييييييييير جداً :)

كل سنة وانتم طيبين يا جماعة :)

اللهم يا خالق الكون اجعل شهر رمضان شهر كريم على كل امة المسلمين
اللهم اجعل ايامنا كلها خير ويمن وبركات
كل عام وانتم بخير يا جماعة

نقول صوما مقبول وافطارا شهيا

هرد علي حوس بص يا عمونا المسلسلات مالية التليفوزيون في رمضان وبعده وقبله وبالنسبة للجيم انا كنت فاكر هيكون في حاجة جديدة من الــ gm بمناسبة رمضان بس هوا طلع ............ يلا الله يسامحه ورمضان كريم

معاك يابيكهام انوا فى مسلسلات لكن محدش ينكر ان رمضان موسم المسلسلات حيث يتم عرض جميع المسلسلات الجديده فى هذا الموسم ومثلا بدل ما القناه تعرض 3 مسلسلات ممكن تعرض 6 وهكذا
بالنسبه لموضوع الايفنت فا هو خلاص نازل يوم التلات وسامع انوا هيبقى فى سوسات

يا مسهل وتصدق فعلا في إحصائية والله بتقول إن في شهر رمضان علي التليفزيون المصري بس 23 مسلسل يعني يانهار ابيض وبالالوان وفعلا لو في سوسات في الايفينت اللي جاي يبقا ياااااااااااااا سلاااااااااااااام

حبيبي ياريت وانت بتفتح التليفزيون ( اصدي سيلك رود :p )

تبص كويس في الكتابة من اللعبة هتلاقي في ايفينت جديد نازل اسمه (علي بابا والاربعين حرامي)

Ali Baba & The Forty Thievs

ودا هيشتغل يوم 25 .. او ليجيند الروك يعنى زي مابيقولوا

واما عن المسلسلات .. دا موال تاني خالص وبالذات مسلسلات السنة دي كتير اوي انا مش ببقى عارف اتفرج على ايه ولا ايه وخصوصاً السيد كوم .. يلا .. ماعلينا

مبروك دخولك جيولد MoRia :)

تحياتي :)

المهميا جماعه بردو انتو مفهمتوش قصدى انا بصراحه حصلى كام موضوع غيرونى كاملتا و انا بقول كده بس عبشان لازم نبقى تمام مع ربنا و يا روبين هوود انا بتكلم بالنسبه لرمضان بما اننا فيه و الواحد مش ضامن عمروه
و انت طيب يا بلال

اخر الاخبار اللى حصلت فى رمضان واكتشفتها ان الدنيا ملهاش عازه والصحاب فى اجازه (انا مقصدش حد من المنتدى ولا من سيلك رود)

رمضان بيطير يا جدعان كلة يحاول يستفيد من بركات الشهر الكريم والله هيخلص هوااااااااااااااااااا