: حوار بيني و بينكوا
 

بسم الله الرحمن الرحيم

هعمل معاكوا حوار كده..الفاضي يكون معايا و الماكنش يشوف حاله

أنا : السلام عليكم
انتوا : و عليكم السلام
انا : يا جماعة عاوزكوا في حوار
انتوا : إتفضل ... بس انت مين ؟!
انا : انا واحد كان زاييكوا بلعب سيلكرود
انتوا : إتفضل...
انا : انا عاوز اجي الحقوا قبل م تضيعوا زي ما انا ضعت
انتوا : ازاي؟؟!!
انا : انا كنت بلعب سيلكرود برده و كنت 24 ساعة بلعب عليها و انا بدات لعبها في اولي جامعة كلية علوم جامعة القاهرة ...
انتوا : ايوه يا عم كلية علوم يعني مستقبل جامد و مضمون
انا : زيي ما بيقولوا في الافلام Too Late
انتوا : ليه ؟؟
انا : انا كان بقالي سنتين في اولا و رسبت و بالتالي فصلوني من الكلية
انتوا : ليه كدة؟؟
انا : مفيش كنت بزوغ من المحاضرات و المعامل...و باروح السيبر العب سيلك رود
انتوا : يا راجل ؟؟!!
انا : ايوه و كمان كنت باخد فلوس من اهلي علي إنها فلوس دروس و بروح اشحن بيها سيلك...انتوا بتعملوا كده؟
انتوا:إحنا...ل...ل...لا يا عم
انا : علي فكرة انا كنت زييكوا كدة بس والله العظيم صدق و القال "الكدب مالوش رجلين"
انتوا : انت عاوز ايه يا عم خلينا كدة بلاش وجع دماغ
انا: طب تيجوا نحسب انهي احسن ...سيلكرود ولا دراستك؟
انتوا : ماشي ...تعالا نحسب
انا : انتوا بتلعبوا سيلكرود ليه؟
انتوا : عادي ترفيه...
انا : بس؟
انتوا : يعني ... و عشان نبقي لفل عالي و نبقي المسيطرين في السرفر...و بعدين صحبي بيلعبها و لفل عالي..إشمعنا انا ؟!!
انا: ماشي و الدراسة بتدرسها ليه؟
انتوا : اهوا علم و خلاص
انا : يا راجل ؟!!
انتوا : اه يا عم
انا: مش عشان يعني ان المذكرة ديه هي الهتدخلك كلية حلوا تتطلع منها بوظيفة تكون بيها نفسك؟
انتوا : موت يا حمار
انا : مين دة يا جماعة ؟؟!!
انتوا: دة واحد صاحبنا
انا : بيلعب سيلكرود برده؟
انتوا : لا !!
انا : يا بختوا...ها يتطلع بمستقبل حلو ان شاء الله ..اهوه ماسك الكتب البيذاكر فيها
انا : ايه سكتوا ليه ؟
انتوا : عاوز ايه مننا يا عم الرغاي؟؟
انا : عاوزكوا تفووووووووووقوا بقي و تشوفوا مصلحتكوا .... انا ضعت بسبب اللعبة ديه..متعلمتوش حاجة لسة ؟
انتوا : (بقولكوا ايه يا جدعان ..ناخده علي قد عقله )
...........ماشي يا عم حاضر هنبطلها
انا : انا مقولتش كده...بقول ممكن تقللها يعني مش 24 ساعة في اليوم...ممكن 3 ساعات بعد المذاكرة حلوا قوي
انتوا : ماشي ماشي ماشي !!
انا : هتعملوا ايه دلوقتي ؟؟
انتوا : نص ساعة كدة و هنذاكر
انا : ماشي سلام عليكوا و في رعاية الله
انتوا : سلام ........اووووووووووووووووووووووف ده رغاي قوي ..
انتوا : فككوا منوا و تعالوا نلعب بلياردوا ولا حاجة عقبال الشخصية تدخل


و بعد مرور سنتين

انا كنت معدي ....
انتوا : حبيبنا فينك من زمان ؟
انا : يااااااااااه لسه فكريني؟
انتوا : اكيد
انا : ايه مالكوا ؟؟ امشي ؟
انتوا : لا لا لا...بس الفكره احنا ضعنا زيك و كنا عاوزين نعرف هنعمل ايه؟
انا : معملتوش بكلامي؟
انتوا : للاسف لا
انا : و انا كمان اسف بس شوفوا بقي هتعملوا ايه
انتوا : يا ريتنا كنا سمعنا كلامه


الحوار ده ارجوا انه يكون مفيد و اتعلمنا منه حاجة....ان احنا نفوق


و السلام عليكم و رحمة الله و بركاته


منقول

مفيش حد عجبو الموضوع

بص الكلام اللي انت قلته ده حصل لواحد صحبي حقيقي جداً هو في كلية ما بيدرس في سنة أولى 14 مادة كل ترم 7 مواد جه السنة أللي فاتت شالهم كلهم ض ج بسبب سيلك رود برضه وجه السنة دي قال لأ هنتبه وخلاص وكفاية والواحد لازم يجتهد علشان يعدي مع اني كنت مقتنع انه كلام وبس وفعلاً أللي حسبته حصل شال ال14 مادة تاني وبرضه ض ج معنى كدة انه مكنش عارف المواد دي كانت بتتكلم عن ايه اصلاً بمعنى أصح سيلك رود لحست دماغه.
عاوز أقول حاجة قبل ممشي:
"أن اللعبة دي تبقى جزء من دماغك ده معقول لكن دماغك تبقى جزء من اللعبة ده هو الغلط بعينه"
والله على ما اقول شهيد
::تقبل مروري::

أقبل مرورى و أحنا لاذم بدل ما بنلعب سلك رود 24 ساعه
لاذم تكون 5 سعات لحد لمه نبطله خالص

5 ساعات دي كتير انا مش بلعبها اكتر من ساعتين

بس أنت عبال متخش أتلعب أمتا

لو اللعبة قعدت تدخل اكتر من ساعة ونص ولا اعبرها ولو عملت ديسكونكت ولا بعبرها تاني انا احرق دمي علشان لعبة تافهه زي دي لا ده انا احرقها هنا

انت اصلااا بتدخل علشان تلعب سعتين ولما تدخل اما ايرور او دسى


على العموم واحد شاحن سلك هيعمل اية؟

انا بلعبها بالكتير 4 ساعات ومش شاحن سيلك علشان انا عايز بلوك
ولكن متى البلوك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

good all

أنا فى الدراسة بشيل الجهاز

good all

انا مش شاحن سيلك ولا جولد و بحاول اقلل ةقت لعبها بس خلاص كده كده هتبقى شبه منعدما في الدراسه